وبعد مرور عشر سنوات كبرت وصار عمري ۱۷ سنه ومرتضى اخوي ٢٩ سنه وتوضف وصار معلم ریاضیات بمدرسه قريبه من بيتنه ورا هاي العشر سنوات تخطينه
جراحاتنه اشوي وبعد ماكبرت صرت اني المسؤوله عن ابوي واخوي جنت اقوم بكل احتياجاتهم واحتياجات البيت وبنفس الوكت جنت ادرس ابوكتها ابصف الخامس الاعدادي وبعد شوط طويل
من الدراسه اجتي العطلة الصيفيه نور اف واخيرا ارتاحيت من الدراسه
مرتضى. اييي عساس انتي كلش جنتي اربعه وعشرين ساعه اتدرسین
نور. ها جنت العب وبعدين حقك ماجنت اتشوفني
ادرس اذا هي طلباتك اربعه وعشرين ساعه ما تخلص نور غسلي نور اکوي نور جوعان نور
نعسان
مرتضی (فتحت حلكي) .على كيفج يا ام اللسان كليتيني اكل
نور. والله ما حاجيه جذب يمته تتزوج واستقيل من خدماتك وارتاح
مرتضى. يالله الله ويدج شوفيلي مره من عرفج
نور. اکو بس انت الي مو شايفها
مرتضى. بس لا مريوه القزمه هاي صديقتج الي ذابحتني بيها ردينه على طير يلي
نور. اي مراوي ليش شبيها حلوه وما عليها عيب مرتضى. لا ما عليها عيب بس لو ردنه نطلع انه وياها اضمها ابجيبي يكفيها وزايد عليها هاي القزمه
وبهل اثناء دخل بابا وكال
. صوتكم طالع لبره شكو
نور. هله بالغالي كمزت بوسته من راسه و خدوده
مرتضی. اوف منج اشكد تتلوكين
کرار. هله بنور عيني هله بالزين والجمال هله بلرقه
مرتضى. اكول حجي خف علينه اشوي
نور .وانت شبيك محروك دمك
مرتضی. عاد مال محروك دمي كلش محروك و رافعه
ضغطي انتي وحاركه دمي
نور .ماعليك منه يالغالي امسويه خوش کیکه تعال العد
كرار. عاد اجت ابوكتها كصيلي منها ميت جوع
نور کصیتله کیکه وصبيتله كوب جاي اتفضل غده عنك الجوع حبيبي
حجيت واني اكل بابا جاي اكول المرتضى يتزوج مروه صديقتي خوش ابنيه واهلها خوش ناس
مرتضى. بالاول بلعي الي بحلكج وبعدين احجي ام حلك
كرار. عاد يانور عيني تبقه يمه اذا يريدها من باجر اخطبها
اله بس شكلج انتي الي راح تزوجين
قبله
نور (حجیت بصدمه ) هاا
كرار . اي بابا الحجي ابو هيثم ايريد ايخطبج الحفيده ابن هيثم وامه حيل حابتج هما حجو وياي قبل الامتحانات بس اني اجلتهم كلتلهم خل اتكمل الامتحانات حتى لا انشوش فكرها نور خجلت و دنکت
مرتضى. والله عمي ابو هيثم وهيثم وكل ولده ما عليهم کاصر ابد و خوش ناس اجاوید
كرار. وبعد كالو اذا تريد تدرس هم ميخالف لان الولد دارس ومخلص ويشتغل ابمحل ملابس
نور. من رخصتك بابا وكمت
مرتضی. هههه على اساس خجلت ام السانين
کرار .ههههه الله يخليج الي يابنيتي وانت يله شد حيلك وعزم خلي نخطبلك بعد اذا راحت اختك راح يفرغ البيت
مرتضى. عاد انه معزم بس شوفولي مره با الاول
وبعد اشكم يوم اجت زوجت هيثم وام هيثم
ام هيثم . ماشاء الله عليج ابنيتي سبحان رب الخالقج
اتشبهين امج الله يرحمها واحلة بعد
نور .مشکوره يا خالتي ودنكت
ضلو كاعدين وياي نص ساعه ماجنت اعرف احجي وياهن من الخجل وماعندي احد وياي
زوجة هيثم. يله ماما نور من رخصتج عود ردولنه الخبر حتى انجيب ابني عيسى حتى
ايشوفج وانتي تشوفينه ونتفق ع كلشي
نور (واني مدنكه والكلمات كوه تطلع من عندي منكد المستحه) كلتلها ع خير خاله بوسني وطلعن واني حرارتي واصله الف من الخجل بعد ماصايره ايخطبوني من روحي بس شسوي ما عندي احد اي صح اني ادري عندي عم متوفي وجد وخمس عمات وادري هم شيوخ معروفين بس ابد ماشايفتهم ولا اعرفهم
بيت الشيخ حجي منصور. بالتحديد بالديوان بشار. ( رجال يشتغل عند حجي منصور ) شيخنه انه
سمعت ابو هيثم ايريد ياخذ بنت ابنك
كرار الابن ابنه
شيخ منصور( انتفض من مكانه) شتكول ابو هيثم ماغيره ياخذ بنت كرير لا والله ما اخلي وما اسمح بهذا الشي يصير وراح اخرب ع الثنين روح اتأكدلي من الخبر
بشار: صار ياطويل العمر مساع رايح
حجي منصور (بغضب وينافخ ) لا مستحيل يا ابو هيثم ما
اخليك اتزيد ابغضبي راح اخلي نهايه الك ولازم
احرك كلبك
حجي منصور . يا حمید حمییید
حمید. كول شيخنه( واجهة الركض )
حجي منصور. روح صيحلي صكر و اخو علي
حمید. صار شیخنه بس بيك شي اشو مو عاجبني شكلك
حجي منصور. روح ولا تكثر حجي مابيه غير العافيه. حميد راح صاح صكر
صكر. نعم
حميد .جدك الشيخ طالبك انت وعلي
صکر .صار هسه جاي روح انت نادي علي لحظه اعرفكم ع صكر
صكر ابن عقیل ابن شیخ منصور عمره ٣٠ سنه والمشيخه اله من بعد جده وهو دائما يحضر كعدات العشاير بدل جده لان ماكو احد احق بيها من عنده ابو متوفي وعمه منفي من العشيره ربا جده وعلمه ع القساوه والحده هو خاطب بنت عمته اسمها منال كلبه مثل الحجر ولا
ينكسر كلبه ع احد بعد جده رباه وعدكم لحساب بس يكولون عنه عادل ويحب الخير وبعد ما ادري هو خريج ادب انكليزي بس ايدير سلسلة معارض جده معارض سيارات
علي
اخو الاصغر عمره ٢٧ ما اله بحجي العشاير ولا يحب ايدخل روحه وبعيد كل البعد عن هاي الشغله هو اسبورتي وهواي ايحب يضحك ويشاقي عكس اخو تماما هو اتخرج من كليه الاعلام بس يشتغل وي اخو
اجه صكر وعلي يم جدهم بالديون صكر خير حجي اشصاير
حجي منصور( وهو مدنك ومحتار ايهز براسه للاعلى ولاسفل ) ان شاء الله خير كعدو
علي. شنو تنتظر شیخ کول ترى وترتنه
حجي منصور. اصبر ياوليدي خل يجيني بشار
علي. هاا بشار ابو لعلوم الله يستر اشجايبلك من خبر اليوم
ونص ساعه واجه بشار
بشار .شيخنه اتأكدت من الي صار ورحت الابو هيثم نفسه وهو اكدلي الخبر صحيح وباجر ايخطبوها وكال ،،،،،، ودنك بشار وسكت
شیخ منصور( وايديه وره ضهره ويروح ويرجع بالديوان) اي
وشكال بعد
بشار. کال روح كل الشيخك هلحجي بس اني كتله الشيخ مو هو الي وداني عليك وهو كالي لا انه اعرف الشيخ خالك جاسوس وتجسس
وكف الشيخ ابمكانه ورفع وجهه بسسس كاااافي يابشاار
راح اشوف شلون راح يخطبها الا ابن ابنه......
يتبع،،،،#رد-اعتبار(شيوخ لا ترحم)
أنت تقرأ
رد اعتبار شيوخ لا ترحم
General Fictionينهار المجتمع حين يسوده الظلم، في حين يرتقي إذا تم حكمه بالعدل.
