شهربان غيهب الادعج

part-1-

بعَدنا شمّا تضيّچ الدنَيا نعتازَك

.الكاتبة:سمر آل نور

شهربان- مكان ضلام  كلش و غرفة تعبانة كاعدة اني بزوية و مكرفصة ع نفسي  و ابجي بكل ما عندي من قوة فجأة اسمع خطوات تتقدم باتجاهي رفعت راسي شفت شخص كبير بالسن كعد نفس كعدتي و شخص اجة يمة ضل واكف كانما يحرسة  و ضل يمسد ع راسي و يكلي بابا اني وياج لتخافين 

فزيت من نومي  فاروق ابن خالي مازن صار كبال وجهي  يدور بالمجرات

شهربان- خير فاروق شدور 

فاروق- صباح الخير كون صخونة هذا صباحج كومي انطيني الديجي بسااع بساااع 

شهربان -  تريد شي كلي شني ادور بغراضي 

فاروف- شني و منهي كولي شنو مو انتي كاعدة ابغداد بابا خزي 

شهربان- اهووووو فاروووق خلكوم انطيك الدي جي ولا تضل تنعثل علي مالي خلكك كلش كمت لميت شعري و اتجهت للميز تواليت طلعتة من الخانة و انطيتة الة 

فاروق- ما تنزلين اليوم خطوبة اثير عالكيهة جوة 

شهربان - هو اثير مال خطبة شلون راح تعيش ويا 

فاروف - تحجين علي هسة انتي شلونج عاد

شهربان- انتجيت ع باب صفنت علي و صغرت عيوني  بلة هذا اذا هسة ركعت راسة بالحايط احد يكلي ليش : فاروق روح انت ادور مشاكل و اني هستوني كاعدة من النوم طلعتة برة و سديت الباب  ورا دخيل الله شكد يلح خليت ضهري ع باب  غمضت عيوني و تذكرت الحلم الي ما تمر فترة اذا مينعاد علي  زفرت نفس بهدوء و انتفضت كمت بساع اغسل وجهي اباع  لوجهي بالمراية و اني وجهي محتقن شبية ليش كلما اتحلم هذا الحلم كلشي احسة يتهدم حتة يومي يخرب الله يرحمك بابا شتريد مني ليش هيج تاذيني  نشفت

 وجهي رحت بدلت لبست بدي عريض كلش ابيض و بجامة هاف سودة  كلش حب اللبس العريض اكره الضيك ما اخذ راحتي بي بس بالمناسبات البس ضيك  لان هية طبيعة الفساتين تصير ضيكة لبست كلاوي الاسود و نزلت الدنيا مخبوصة مباقي واحد مجاي شكو هاي كلهة علمود اثير هاي اثير  هتلي و هيج شحال لو شريف 

رحت للمطبخ باوعت لامي المخبوصة اكثر منهم فدوة الهة شكد حنينة لوحتلهة بايدي 

فتحية- يمة هلا بهل صباح  

شهربان-ها فتوح اليوم فرحانة 

فتحية- حيوانة بزر بطنج تكليلي فتوح تعاي تريكي يلا 

شهربان- هاي شبيج يمة غير ندلعج 

فتحية - ما نريد دلعج تعاي اكلي لفتج عزلتلج لفة جبن