Till The End Of The Moon [Black Moonlight Holds BE Script] Myanmar Translation

115 - ဗျူဟာများ

(ကိုယ်လုပ်တော်က မိစ္ဆာဧကရီဖြစ်လာနိုင်သလား)

ထန်ထိုင်ကျင့် ထွက်သွားပြီးနောက် စူးစူးနှင့် ချုံးယွီတို့သည် နန်းဆောင်အခန်းအတွင်းရှိ အစီအရင်ရှိရာနေရာ၏ ဝင်ပေါက်ကို အမြန်ရှာဖွေကြတော့သည်။

"ကြီးကျယ်လေးနက် နဝမဆုံလည်ပြန်လှည့် အစီအရင် မဟုတ်ဘူး၊ အဲ့ဒါက သတ်ဖြတ်ခြင်း အစီအရင် ဖွဲ့စည်းမှုပဲ" လို့ စူးစူးက ရက်စက်ကြမ်းကြုတ်တဲ့ သားရဲ ၄ ကောင်ရဲ့ ပုံစံတွေကို စိုက်ကြည့်ရင်း ပြောလိုက်သည်။ "စစ်ယင်း က သတိကြီးတဲ့သူတစ်ယောက်ပဲ။ သူ အရင်က မိစ္ဆာငယ်တွေကို ရောင်ပြန်ထင်ဟပ်တဲ့ ပုံရိပ်တွေပဲ ပြခဲ့ဖူးတာ။ "

ချုံးယွီ က "သူတို့အားလုံး ရေထောင်ထဲမှာရှိနေတုန်း တခြားနေရာကို သွားကြည့်ရအောင်"

"ကောင်းတယ်။"

စူးစူး သည် ထန်ထိုင်ကျင့် ၏ အိပ်ခန်းမှ ထွက်ခွာခါနီးတွင် ရုတ်တရက် သူမ၏ မျက်လုံးများက သပ်ပုံသဏ္ဍာန် ကျောက်ထိုင်ခုံပေါ် ရောက်သွားသည်။

"စူးစူး ဘာဖြစ်လို့လဲ"

စူးစူးရင်ထဲတွင် သူမ ကံကောင်းသွားသည်ဟု ခံစားလိုက်ရသည်။ ကုံးယွိ သည် ရှေးခေတ်က လျှို့ဝှက်လမ်းကြောင်းများ ဖွင့်ရာတွင် အသုံးပြုလေ့ရှိသော ဤလက်ကိုင်အမျိုးအစားများအကြောင်းကို သူမအား ပြောပြပေးခဲ့ပုံရသည်။

သူမ သည် လက် ၂ ဖက်က လက်ချောင်းများကို အချင်းချင်း လက်ယှက်လိုက်ကာ လက်ဟန်တစ်ခု ပြုလုပ်လိုက်သည်။ မှိန်ပြပြ အဖြူရောင်အလင်းက သူမလက်ကို ငုံလျှက် ထွက်ပေါ်လာသည်။ အဌဂံပုံ'ဘု'၏ အတက်အလက် ၈ ခုကို တစ်ခုလျှင် ၃ ကြိမ်စီဖြင့် ဦးတည်ရာ အရပ် ၈ မျက်နှာ အသီးသီးသို့ လှည့်လိုက်သည်။ "ကျွီ" ကနဲ အသံမြည်သွားပြီးနောက် လူတစ်ယောက်သာ ဖြတ်သွားနိုင်သော ဝင်ပေါက်တစ်ခု ထွက်ပေါ်လာလေသည်။

စူးစူး သတိထားပြီး လျှောက်ဝင်လာသည်။

လိပ်ပြာအသွင်ပြောင်းထားသော ချုံးယွီက တောက်ပသော အဖြူရောင်အလင်းများ ထုတ်လွှင့်ပေးနေသည်။ စူးစူးသည် မူလက ကြီးကျယ်လေးနက် နဝမဆုံလည်ပြန်လှည့် အစီအရင်ကို ထိုနေရာ၌ တွေ့ရလိမ့်မယ်လို့ ထင်ထားခဲ့သော်လည်း လျှို့ဝှက်ခန်းထဲတွင် အကျဉ်းခန်းတစ်ခန်း ရှိနေလိမ့်မည်ကို မမျှော်လင့်ထားခဲ့ချေ။