خواطر حزينه 😔هتلاقي نفسك هنا

2023

رسالتي السنه دي غير كل سنه بجد كل سنه كانت بتبقي عباره عن اني خسرت ناس حبيتهم وناس بانت علي حقيقتها  وناس غاليين الموت اخدهم مننا واني من لما نفسي ضيعتها ملقتهاش تاني 🙂💔رسالتي بقا السنه دي مش هلوم السنه بالعكس« 2023» احب اشكرك جدا عشان عرفتيني انه كل الناس اللي حواليا دول مجرد ارقام وبس في حياتي واغلبهم فيك الحقيقين فيها يتعدو علي الاصابع عرفتيني انه مش معني انه الشخص دا كويس ومحترم يبقي مش خبيث او بيطلع منه الفاظ بزيئه او انه حقودي وممكن في لحظه يقلب عليك وينسي كل حاجه حلوه كانت بينكم يعاملك اسواء معامله تنافي اخلاقه اللي كنت شايفها، عرفتني انه انا مش عندي الناس اللي لما اختفي فتره يحسو بأختفائي ويسألو عني انه في الفتره اللي هكون فيها كويسه معاكي ودايما بتواصل معاكي وبسأل عليكي هتردهالي وتسالي عليا وتعايديني زي ما بعايدك يعني من الاخر مجاملة واحده بواحده مش حبا فيا انه يوم ميلادي محدش هيفتكرني فيه الا اذا نزلت استوري او هيمر عادي زي ميلادي بتاع السنه دي🙂، السنه دي عرفتني فعلا قيمتي عند كل شخص بحياتي بالاخص اكتر الناس اللي حبيتهم وادتهم كل الحب والاهتمام والوقت اللي مديتهوش لنفسي ناس اديتهم كل حاجه عندي وهما في المقابل متحركوش خطوه واحده عشان يقربو مني اكتر، عرفت  انه لازم تدي علي قد ما تاخد وماتديش كل حاجه عندك مره واحده لا انتظر تاخد بعدين تدي قدهم او اقل منهم لانه مش كل الناس تستاهل تديهم، عرفت انه كلمة بحبك وانتي غاليه عندي سهل تتقال مش لازم تبقي من القلب، عرفت ازاي اكون لوحدي واعتمد علي نفسي اتعلمت ازاي استغني عن الناس مهما كنت بحبهم ومفكره انه حياتي من غيرهم مش ممكن تمشي  قدرت في«2023»اخد اصعب واهم قرار في حياتي اللي مقدرتش اخده في2021او2022ولا حتي في2020 كانت خطوه صعبه بس اخدتها وانا الحمدلله من بعدها مبقتش اخاف اخسر او افارق حد ،مش هنكر انه مرت عليا لحظات صعبه جدا وانه فيها كل طموح اتمنيت تحقيقه راح في الهوا انه كان فيها تالته ثانوي اللي عيشت فيها اسواء ايام حياتي بس نقول الحمدلله على كل حال وبجد عرفت كتير اوي اوي، السنه دي كانت سنه اكتشاف حقائق وتنظيف اي حاجه فيك في حياتي حرفيا يا2023علي قد ما خسرت ناس غاليين فيكي علي قد ما اني قدرت اكسب حبي لنفسي قدرت اشوف نفسي اللي ظلمتها السنين دي كلها وحقها كان ضايع وسط ناس فيك، فيه كلام كتير عاوزه اقوله بس كفايا كدا واخيرا شكرا يا2023🥹❤🙂💔عشان فيكي قدرت احقق انجاز كبير فيكي وفعلا كنتي مختلفه عنهم كلهم....