Don't forget vote ...★!
Enjoy it ...!
~~~~~
چاوەکانی داخست، بەڵام هێند پێنەچوو چاوەکانی خێرا کردەوە و هەڵسایەوە چووە لای جانتاکەی، ئەو کتێبەی دەرهێنا کە ئەمڕۆ لە کتێبخانەکە بینی، چووەوە سەر جێگاکەی
" با بزانین تۆ کێیت" !
هەناسەیەکی قوڵی هەڵمژی، زەردەخەنە لەسەر لێوەکانی نەخشا
دوای ئەو کارەساتەی بەسەری هات، ئەمە یەکەم زەردەخەنە ڕاستەقینەکەیەتی، چاوەزەریاییەکانی گەشایەوە کاتێ سەیری کتێبەکەی کرد، هەموو هەستی خۆی کۆکردەوە تا بیخوێنێتەوە، پەرۆشییەك گرتوویەتی بۆ خوێندنەوەی کە سەرچاوەکەی نەزانراوە
بە چێژەوە یەکەم پەڕەی هەڵدایەوە
" هێی سڵاو ..."
کاتێك یەکەم ڕستەی خوێندەوە، خورپە بۆ دڵی هات
وەك ئەوەی ئەم ڕستەیە بۆ ئەو نوسرابێت
دڵی خێرا لێدا، هەناسەیەکی هەڵمژی تا دڵی ئارام بکاتەوە و دەستبکاتەوە بە خوێندنەوە
" دەزانم ئەوە گەمژانەیە چونکە من سڵاو دەکەم
وە لە کێ؟!! ئەم کتێبەی بەردەستم
ڕەنگە هەر کەسێك ئەمەی کەوتە دەست، وەك گەمژە بیر بکاتەوە لێم، هەرچەند نازانم و هیواداریشم ئەمەی ژێردەستم وون نەبێت"
"چش... گەمژانەی چی منیش هەمان شت دەکەم، لە ئەنجام دا ئەم کتێبە تاکە هاوڕێمانە کە هەموو شت دەربارەمان دەزانێ، وە کێ دەیزانی ئەمە دەکەوێتە لای من و ئاشنا دەبم پێت، دەبێ تۆ کێ بیت!!" زەردەخەنەی کرد و دوبارە دەستی کردەوە بە خوێندنەوە
"نازانم بۆ دێم و لێرە ئەوەی دڵم ئەنووسم، بەڵام پێم وابێ ئەمە ئاسوودە بەخشە
ڕەنگە وا بیربکەنەوە نووسینی یادەوەری خۆت لێرەدا، لەتەمەنی منداڵی دەستپێبکرێت، بەڵام هەر کات و تەمەنێك بێت کێشە نابێ
سەیر نەبێ ئەوەی ئێستا دەینووسم، لەتەمەنی ١٨ ساڵی دەینووسم"
YOU ARE READING
| Sweet Soul |
Fantasyپاڕك جیمین ... تۆ روحێکی شیرین'یت، بەو میهرەبانییەتەوە تێكەڵی روحم بوویت بێ ئەوەی بتبینم، تۆم لە دڵمدا جێگیر کرد لەگەڵ هەر نووسینێکت دا، ئەمویست گوێم لە دەنگت بێت و خۆت قسەم بۆ بکەی تێکەڵی نووسینەکانت بووم، سەمام لەگەڵ وشەکانت دا دەکرد بەڕادەیەك هەر...
