قبضة سنمـار

القبضه الرابعه

بسم الله الرحمن الرحيم

تبو الـ گمال

لا تنسون التعاليق بين كل فقره ونچوم

قبضة سنمار
____________________________________

طلعت وجان اشوف شخص صاعد على حصان والحديقه جبيره ويفتر ولاف شماخ خفت كلش
تقربت بخطوات بطيئه علمود مايشوفني بس هوه بسرعه دار وجه عليه

وگف الحصان ونزل منه وتقدم بخطوات بطيئه بس شفته تقدم گامت خطواتي ترجع لـ وره وبحرگه سريعه منه جر أيدي ونزع الشماخ

شفتــه سنمــار

نطقت بگلمات متقطعه
: ش ش شسوي ه هنا

گرص خدي بخفه وحجه بأستهزاء
: للعلم أنه كل ليله هنا

أردفت بسرعه وحماس ناسيه كُلشي صار هسه وقبل شويه
: أحمم يصير اركب هذه الحصان

سنمار: أي يصير ليش لا

: بس شلون أصعد

جرني من أيدي بخفه و وكفني گدام الحصان
سنمار: يله رگبي

: حاولت بكل الطرق انُ أصعد بس مگدرت

تأفافات بضوجه فجأه وبحرگه سريعه گمشني من خصري و رفعني و صعدني

شهگت شهكه قويه
: عزاا شبيك خوفتنيي، وبعدين أنتَ شلون هيج تگمشني؟

غلس على كلماتي الحجيتهن ورگب وراي لف الشماخ على وجه وتقرب مني وحجه بصوت خشوني

سنمار: يله مودي

مجرد مانطق هلگلمات الحصان ركض حيل لـ درجه الشال وكع من شعري وضل شعري يطاير بالهوه بسرعه دغيته

وكلتله شعري طلع ميصير وگف الحصان ونزل وهوه نزلني حط الشال على راسي

أردفت بقهر
: عزا ميصير شوف شعري وميصير هيج تتقرب مني حرام

ضحك ضحكه خفيفه
سنمار: ول يابه خلي الذنب يصير برگبتي

: تؤ تؤ تؤ شبيك انتَ شبيك

سنمار: ول يابه روحي مو بنيه انتَ رقاصه كل شويه وطلعين بوجهي

أردفت بعصبيه
: تؤؤ أنتَ متقصد تباوع ومتقصد تضل واگف

أردف بـ برود
سنمار: بنسبه حاجيت أبوج وأبوج وافق بس گال الموافقه ألج

ومجرد ماحجه هيج شغل جگاره
: ب بس أنتَ گلت ب بعد يومين ش شبسرعه

زفر الدخان وباوعلي
سنمار: والله يا بُلبُل أنه ضروري أزوجج بسرعه وأحميج لان كل ما طولت السالفه كل ما زاد الخطر

تافأفات وردفت بـ ضوجه
: والله يا بسمار مادري شسمك عود من ابويه يحاجيني ويكُلي عود أفگر أرد الموافقه