قبضة سنمـار

القبضه العاشره

بسم الله الرحمن الرحيم

بقلم: تبو الـ كمال

لا تنسون التعاليق بين كل فقره ونجوم 🌚🦋

____________________________________
.
.
.
.
.
.
روسَم: سمعنه صوت جوه باوعت لـ سنمار بـ أستغراب

نزل سنمار ردت انزل وراه مقبل نزل اول بايات الدرج ولحگته أنزل على گيف حتى لا يشوفوني

: أسايرج شأسوي أنه، أمشي بويه عساس ماعرفج أنتِ هنا

ضحگت وگممت حلگي نزلنه بسرعه لگينه بزونه تمشي بـ البيت ضحكت وكتله:
: يمهه عبالي شو شنو خفت

: أمشي بويه صعدي عبالي شو شكو

: نسيت الشباج مال المطبخ عايفته مفتوح يجوز طبت

: أي هوه رايح أسده روحي صعدي نامي

هزيت راسي وصعدت تغطيت ولفيت روحي ونمت وره شويه حسيت أحد سحبني من خصري وحضني

غلست ونمت لان اعرف لو أعالج ميعوفني،

گعدت على دغه بـ جتفي باوعتله سنمار

: ها شكو

: أريد مي

: ماگوم

: جا شني المن جايبج

جنت مطفيه للاخير وماعرف شأحجي گتله
: لابوك

عم الصمت وره شويه باوعتله لگيته فاتح عيونه من الصدمه أجتني الضحكه الا أراديه وطگيتها بـ ضحكه
الرجال ضل منصدم
: ههههههههههههه

: شبيج بويه حلمانه شني لابوك

: ماگوم

: هسه شبيج گومي جيبيلي رجلي خدرانه

حرفياً أحجي وأني مطفيه مغمضه عيوني وأحجي
: ماكككووووم

جريت الكلمه جر اباوعله عيونه ذبلت ونضراته اختلفت
گمت مثل الحبابه نزلت جبتله مي وصعدت مديت أيدي علمود ياخذه

ماحس اله جرني ووگعني على صدره، شهگت وكتله
: شبيك سنمار

: هوه أنه الـ شبيه لو أنتِ

: شبيه أنيي

: عليج الكاضم لا جرين الحجايه جر مو لعبتي بـ حالي لعب

: خلص ماجرها بعد بس خلي أنام ولك دنيه ليللل مگعدني بـ نصاص الليالي حاله هاي؟؟

عاف أيدي وأني ماصدگت شمرت نفسي على الجربايه مادري بعد بـ دنيه طشت لو رشت،

گعدت وحدي فرگت عيوني ومديت جسمي باوعت لـ سنمار نايم هزيت أيدي و رحت للـ حمام غسلت وجهي ومشطت شعري وعفته