جيكر

البارت التاسع والأربعون

بسم الله الرحمن الرحيم

#جيكر

‏وتسٱلني ما الحب الحب ٱن ٱكتفي بك
ولا ٱكتفي منك
ٱبدا الحب أن الحب ٱلف مرا
وفي كل مرا ٱشعر
ٱنني احبك لأول مرة

للشاعر/ نزار القباني

بقلمي انا ايلان عبد العزيز
_________________________________

رودينا :- صحيت اني بل مستشفى مااعرف شصار وليش اني هنا مااكو احد يمي اني وحدي بل عرفه تذكرت الي صار ورجعت ابجي

كلش انقهرت من نفسي اني كلش اذيت جيكر واعتقد هاي نهايتنه ماكو اي امل لرجعتنه واني اختاريت هذا الطريق وبيدي

راح يكون صعب بس لازم اتحمل نتيجة اخطائي الي ماتنعد ويا جيكر وهل مره شفت لون ع وجهه غير لون
واول مره هيج يقسه ويايه ودفعني هم جيكر واصل لمرحله من الانهيار وحس انو اني دا اذله بحبه اليه

توقع هوه انو اني اشوفه يحبني واتعمد اهينه لأن يعرف اني اعرف هوه شكد يحبني وميكدر بدوني بس والله غلط اذا هذا تفكيره غلط

اني اموت بي وابد ماافكر اهينه بحياتي هوه حبيب كلبي مستحيل بس الندم مينفع حالياً

ضليت صافنه بل فراغ واقنع نفسي انو اتقبل فكرة طلاكنه

.

جيكر :- تحجي من صدك دكتوره !!!

::- ايي مرتك حامل وعينك عليها كتبتلها علاجات لازم تأخذها ونظام غذائي لازم تتغذه هيه بل شهر الأول
ولازم تبتعد عن ضغط والتوتر والمشاكل بصورة عامله
الوكعه مأثر عليها

- وحملها كلش ضعيف ومهدد بل اسقاط لأن رحمها جداره رقيق جداً

جيكر : بقهر يعني طفل يوكع باي لحظه

::- لا عفواً مو هيج بس اذا المريضه مشت ع نظام الغذائي واخذت العلاج بأنتظام وبعد عن المشاكل والامور الي تضر الصحه طفلها يبقه جديد ويولد بصحه جيده

جيكر : شكراً دكتوره اكدر اشوفها

::- ايي نعم وتكدر تخرجها هم صحتها حالياً تمام وتحت السيطره

جيكر : شكراً لحظرتج

دخلت عليها للغرفه وجانت صافنه ع حايط ودموعها بخدها ومن شافتني صاحت واني تفاجئت منها

رودينا : جيكر بالله عليك دك ع ماما خلي تجي تاخذني اعرف انته بعد متريدني ولا تطيقني وصارت تبجي