جيكر

البارت السابع عشر

بسم الله الرحمن الرحيم

#جيكر

اني اريدك بس الي ومن حقي اغار
طبعي طبع اطفال امن بحاجتي
اني عل مو مالتي مرات اغار
شلون واحد غيري، ياخذ مالتي

للشاعر / علاء عبد

بقلمي انا ايلان عبد العزيز
____________________________________

جيكر :-  ايي هيه بس مو طفله وشنوو يعني ناس بكدها مزوجات وعدهم اطفال هم

ميس : اني اليوم كلش مصدومه بيك

جيكر : اني جاي ابلغكم مجاي اخذ رأيكم الخميس اخذ
امي عليها

ميس : ضلت تباوع بعيونه بقهر وعافته وصعدت لغرفتها  .

ام جيكر : والله يوليدي مااعرف شنوو اكلك اني ميس غاليه عليه وانته ابني

وبحكم انو امك راح اكولك الله يوفقك يوليدي

جيكر : وهوه عاقد حاجبه ويحجي وياا امه اعرف والله يمه تحبين ميس انتي بس لازم توكفين ويايه
وارجع واعيد هذا حقي واني ممسوي شي غلط

ام جيكر : هاهيه يمه الله يسعدكم

جيكر : كمت طلعت وفتت بل استقبال ونمت هناك
واجه سلطان يمي ضل يلعب ويحجي ويايه

آخر شي تعب وصعد نام ضليت افكر وصافن بالفراغ
ميهون عليه زعل ميس تبقه عزيزه عليه

وخايف من ردة فعل رودينا اذا درت اني متزوج خاف
متتقبل هيج وضع كلش وضعي مخربط

ضليت ادخن و بعدين اجتي امي جابت الي الفراش كمت اخذته منها و فرشته ونمت واني بين فرحان
انو حتصير الي وبين مقهور ع ميس وبين خايف من ردة فعل رودينا اذا عرفت بزواجي

الى ان اخذتني النومه وبعد ومحسيت بشي

كعدت الصبح ع صوت امي تكعد بيه كمت ركض لأن تاخرت و سبحت بسرعه وبدلت و لكيتها محضره الريوك اكلت وطلعت لشغلي ...

_____________________________________

رودينا : مرت الايام وهاي احنه اليوم اربعاء رجعت من المدرسه اكلت و كملت شغلي وصعدت الضهر اقره

ضليت اقره و كاسره ضهري بعدين اجتي رساله لمبايل

فتت جهازي اريد اشوف منوو الي دزلي رساله
جان اشوف الاشعار ع الانستا من جيكر فتت ع رساله
وفتحت المحادثه واشوفه دزلي رساله ايكول بيها ؟