جيكر

البارت الرابع والاربعون

بسم الله الرحمن الرحيم

#جيكر

‏بلون العسل عينج تعبتني
بنص الناس كلها وبايكتني
انا المايتيه دربه والله
الشامة البيج هية الضيعتني

للشاعر / كرار الطائي

بقلمي انا ايلان عبد العزيز
__________________________________

اريح :- اخذت الصور من الارض والرسائل و اني صافنه عليهم خايفه افتحهم ويطلع فرهاد يحب غيري
معقوله !

رجعت رديت ع نفسي بس هوه كال اني اول حب اله
تعوذت الشيطان وفتحت الرسائل وبلشت اقره

وطلع كل الي بل مكتوب الي والرسائل والصور صوري واني صغيره وحته عنده صور اني ويااا من جنه اطفال اتفاجئت وصرت ابجي

ع كميت المشاعر الي كاتبهم وبعمر بصغير الوراق كلش قديمه اني كلش متفاجئه اعرفه هوه يحبني بس مامتوقعه هيج هوه هايم بيه

ومشاعره وكلامه واشعاره كلش اثرت بيه
اخذت من الارض ومسحت دموعي ورجعت كلشي لمكانه وحاولت ماابين اله انو قاريتهم أو فاتحهتم بيوم

ورجعت كملت شغلي شوي ولج اني اتصال من امي
وكتلتلي راح يجون هيه وبابا

وحرت شنو اكللهم اذا سألوني ع فرهاد اني ويا علاقتنه حالياً مو تمام واني السبب وماما تلح وتعرفني اذا بيه شي

شلون اجذب عليهم واخاف اكللهم طلع للشغل وهوه متزوج جديد

رتبت نفسي واندك الباب وطلعت فتحت الباب ودخلو بابا وماما واخذوني بحظنهم يبوسون بيه ويحجون الي عن اشتياقهم

دخلتهم وكعدنه بل الاستقبال وسألني بابا

عباس : وين فرهاد بابا شنو نايم ماشفته ؟

اريح : بتوتر  اه اه طلع هسه يرجع قبل متجون طلع

ميناء : بشك متأكده من كلامج

اريح : احم ايي ماما هسه يجي راح ايجب اله كم شغله محتاجيها

عباس : ايي بابا ع راحته ايي حبيبتي ان شاء الله مرتاحه بالنه يمج

اريح : كاعده ع اعصابي عبالك بمدرسه وهمه اساتذه وكاعد يسألوني واني اجاوب مثل الشاطره

- ايي بابا كلش مرتاحه فرهاد كلش يحبي ويحترمني

ميناء : ايي ماما حبيبتي راحتج عنده فوك كلشي
وماحبينه نزعجكم ونجي اول يوم زواجكم كوه صبرت نفسي كم يوم