بسم الله نبدي
ــــــــــــــــــــــــــــــــــــــــــــــــــــــــــــــــــــــــــــــــــــــــــ
اني بنيه عايشه بعائله ما ادري شكلكم عنهم من وعيت ع الدنيا لكيت محد يحبني لكيت نفسي يتيمه بنص اهلي الكل يكرهني الكل ميريدني
"نرجع شوي بالزمن" لمن جانت ماما حامل بيه
ماما جان عده ثلث بنات وجانت حامل بيه جانو يردون ولد ولمن جانت حامل حتى ما راحت سوت فحص حتى تعرف شنو نوع الجنين كالت حتى تصير مفاجأة وفعلا صارت مفاجأة صار وقت ولادته وراحت للمستشفى ولدت وطلعت اني ابويه تخبل وماما جانت متريدني ورادت تذبني بالمستشفى بس ما قبلو اخذوني وعيشوني عذاب من واني زغيره يعذبوني ويحجون عليه وميحبوني بس مجنت اعرف ليش لمن صار عمري 13 سنه عرفت السبب صارت ماما حامل مره ثانيه وطلع ولد بس بقو يكرهوني والولد اكيد صار المدلل ومحد يرفضله طلب كبرو راسه وصار مثلهم بس يتأمر ويضرب
"نرجع للحاضر"
اني تعودت على هاي العيشه وع الكره والحقد الي بگلوبهم الي وصرت امشي اليوم عادي ولمن يصير الليل اخذلي فد ساعه بجي وانام
ــــــــــــــــــــــــــــــــــــــــــــــــــــــــــــــــــــــــــــــــــــــــــ
في الصباح
ام ريم: گومي يله الخايسه مو مكيفه گاضيته نوم
ريم:ماما بس اليوم عطله واني تعبانه خليني نايمه
ام ريم: گومي بسرعه لا تعرفين شسوي بيج شبيج تعبانه شمسويه علساس
ريم: استغفر الله يا ربي
گمت غسلت وتريگت وكعدت اعزل وانضف بالبيت وبعدين المطبخ نضفته وسويت غده تعبت وكعدت ارتاح
احمد: لج گومي بسرعه يله اغسلي ملابسي
ريم: احمد تره توني گعدت من الصبح لهسه اشتغل تعبانه
احمد:تگومين لا اصيح ماما
ريم: اووف گايمه''غسلت ملابسه وصار الغده صبيتلهم وخلصنه سويت جاي غسلت المواعين واخيرا راح اگعد ارتاح صعدت الغرفتي راسلت صديقتي
(الوحيدين الي احبهم واشكيلهم همه صديقتي روز و ابن عمي مصطفى اني وياه مثل الاخوان)
ريم:: هلو روزه شلونج
روز:هلا يروحي بخير انتي شلونج
