نكمل 👇🏻
ــــــــــــــــــــــــــــــــــــــــــــــــــــــــــــــــــــــــــــــــــــــــــ
ريم: ردت انزل وصاحني علي باوعتله
علي: ريم
ريم: هاا
علي: اوگفي خل ابدل وننزل سوه
ريم: ليش
علي: هيج''ما ادري ليش كتله انتضريني ادري راح يحجون عليه ويسمعوه كلام بس ما ادري ليش جنت خايف عليه''
ريم: شبي هاذ ساعه هادء ساعه يصيح وگفت انتضره
علي: كمت بدلت ومشطت شعري وگتله
يله امشي
ريم: اجه نزل گدامي واني نزلت وراه
ريم: صباح الخير (بخوف وارتباك)
الكل: صباح النور😒
فائز: هلا بنيتي صباح النور
ريم: ابتسمت الحمد الله ع الأقل واحد هنا يحبني
فائز: تعالي اكعدي يمي
ريم: اي عمو اجيت
فائز: انتي شنو اسمج وشگد عمرج
ريم: اني اسمي ريم عمري22
فائز: ريم عاشت الاسامي
ريم: تسلم عمو
طبعاً لكيناهم محضرين الريوگ كعدنه ناكل واني عيني على علي منزل راسه وصافن ما ينعرف ضايج زعلان
كملنه اكل وكت حتى اشيل المواعين وياهم رحت للمطبخ
اسراء: يله تعاي اغسلي المواعين مو من امس نايمه
ريم: اني جنت جايه اغسلهن قبل لا تگولين
ام علي: ديله غصباً عليط تغسليهن لو حاسبه روحج عروس
اسراء: اي والله انوب علينه فصليه وكاعده وساكته
ريم: سحبت نفس وحاولت اكون قويه وما انقر من كلامهن سمعت صوت علي
علي:''رحت اغسل وسمعتهن يحجن على ريم''
علي:(بصياح) اسس يله كافييي
رحت د اغسل وهيه واگفه باوعتله منزله راسه غمضت عيونه وتنفست ما اريد اباوعله بشفقه غسلت وطلعت
