زيد: اگعد خل افهمك
علي: شتفهمني يله بله احجي
زيد: علي تره ريم جاي تتأذه وانته ما جاي تحس بيه شگد ما جان الموضوع صعب انوو هيه وحده ودنيه الليل بس ما جانت خايفه بگد ما خايفه منك تگلي والله خايفه من علي خاف يضربني
علي: اذا خايفه المن طالعه وحده
زيد(بعصبيه): لك غير كله من وراك مصيح عليه وضاربه وتكول المن طالعه انته شنو ماعندك احساس
علي: لتصيح انته معليك بمشاكلنه
زيد: علاوي لخاطري لا تسويله شي والله خطيه لك حس بيه هيه ماعده احد بس انتَ لتصير مصدر خوف اله
علي: يصير خير يله باي
ريم: "جنت گاعده بالسيارة والخوف كتلني خايفه من علي يمه اجهه صعد بالسيارة جان هادء كلت اكيد ضامه الي بالبيت حَ يگطعني 😭"
وصلنه للبيت ونزلت صعدت للغرفه بدلت وكعدت ع القنفه هوه هم بدل ونسدح ع الجرباية
ريم: "معقوله زيد قنعه ما يضربني بس هاذ شبي گبر حتى ما گلي تعاي نامي هنا 🙄"
ما حسيت على نفسي من التعب نمت
ــــــــــــــــــــــــــــــــــــــــــــــــــــــــــــــــــــــــــــــــــــــــــ
''بعد مرور فتره''
علي تغير تعامله وياي جان مرات يكون لطيف وحنون وياي هسه دائماً معصب ويصيح حتى ما يگعد يمي اما اسراء وامه ف شدن وياي فد مره اله يطلعني من البيت اسراء كامت تسوي مشاكل وتذب براسي بحيث حتى عمو گام ما يدافعلي وما يصدگني وعلي بكل مره يصيح عليه ويضربني
يوم من الايام جنت كاعده امشط بالغرفه وجان اسمع صياح طلع شفت اسراء واگعه من الدرج وتبجي وامه يمه وعلي اجه يركض
علي: شبيج شنو هاي شلون وگعتي
ريم: جنت واگفه واسراء اشرت عليه
اسراء: هاي وگعتني كله من وراها
ريم: اننيي
اسراء: اي انتي شوف علي هاذ الزيت مال الشعر ع الدرج نفسه الزيت الي مخليه منه لشعره
