..
~حَيلي طَفلة تَيتّمت
أنة حتىٰ عَيوني بية تَشمتت~
لــ زَهرٱء ٱلدَلفي|
..
لــروايتي♡
#صماء_الباشا
#بقلمي_بصره_الربيعية
#البارت_17_..
..
"زينة"
_صريت اسناني وكُلت:
خالة وگع مني وشيسوي عندي ،غير انتِ قبل
شوي اجيتيلي وكُتيلي ألم ملابس احمد حتى
نوزعم على الفقرة
ماما لطمت صدرها وكالت:
ويه عليه يحميد بعده ممدفون ووزعوا هدومه
سناء شعندچ مستعجلة
_اني باوعت عليها بلامبالاة والتفتت
اسلم على جبران ورجعت دخلت داخل
لبست الصاية السودة واخذت شال من جنطة ماما
وداطلع بهدوء ولزمتني هي خلت بأيدي
تقديم الچاي گالت روحي وزعي الچاي ابرك من ما تزوعين حقارة وخباثة ،
ظلت كُل شويه تسخرني تريد تنتقم مني متعرف شلون
واني بأي حال مخلصت الا لمن اجتي رؤى اخذتها لغرفة خالتي سناء عبالك چانت دموعي منتظرة أذن المواساة
بسرعة صارت تهمل
_تدرين ما الي نفس حتى اخلي لكُمة بحلگي
هذا المي ما الي نفس اشربه
كأنما قطعة من روحي راحت يا رؤى
_تصدكين بمكانچ فراغ بالجامعة
ياريت يعيدون النظر بأمر الاستبعاد
_خليني هسة مشغولة بهذا همي
مجرد ما يصفى بالي اني اعرف شلون اخليهم يكسروا ويرجعوني
_عندج شي تحچي
_شنو احچي رؤى ماظل للحچي قيمة
_كومي ويايه للمطبخ ،وين مطبخكم
شتريدين تسوين
_دامشي ويايه
_اخذتها للمطبخ بمجرد مشافت الطاولة
سحبتلي كرسي وكعدتني جبر على الكُرسي
كالت وين اكلكم أشرتلها على الثلاجة
طلعلتي جبن وصحن طماطة وخيار
ولكت حليب هم اخذته
عبرت عمة سناء كالت:
اكلوا بالعافية طلعت حافظة الخبز
وخلتها على الطاولة وبعدها طلعت الخضرة
وصارت عينها عليه واني اصلا چنت صافنة عليها
بسرعة دارت وراحت.
كعدت رؤى كبالي تسويلي لفات لفة تنطيها الي
ولفه تاكلها صبتلي حليب واني ما اشربه
شربته الي غصب، كُل شوي يفوت أحد
يباوع علينه ويروح
وتباوع عليه من يفوت لحد ميطلع
ونظراتها تخليك غصب عنك تبتسم
شلون تباوع وهي تاكل ابد متخجل
لو تكول ناس اول مره افوتلهم.
اجتي جبران كعدت ويانا وهم ظلت تاكل
كالت رؤى:
صيحوا للحجي خطي اخاف جوعان
جبران غصت بالاكل خطية
رؤى_دناكل هسة وتذكرت سالفة
قبل كم يوم أبوية جاب دجاجة عدلة
وظلت عيونه عليها احنه من النوع نحب دجاج العرب كناله يابه شوكت تذبحها
كال لا هاي تبيض النا ما اذبحها البيض غالي
اجينه ويا بالتمام ، ومر أسبوع والدجاجة ولا بيضة نعلس بيها ونكتر إلها زيادة من اكلنا حتى تاكل
وما وگعت بيضة يابة صرنا نجبرها تكعد بمكان
حتى تبيض وماكو كبرت الخانم واجت تعجز عدنا
واحنا مشفنه ولا بيضة
جبران_وبالنهاية شصار
_نروحلكم ورى بيتها ونكله كومات بيض مكسر
_عززاا
_العزا مو هنا لمن يطلع الجريذي ماكلهن
واحنا لاضكنا البيض ولا ام البيض
جبران_وبعدين
_تعاركنه ويه أبوية من عصبيته حد السچين وذبحها الا فاخ گلبي
جبران_صدك ضحكتيني بس شنو ذنبها المكرودة قابل لو بيضت تجيبه الكم
_لعد والاكل ورباتها ما غزر بيها بس صدك
امشي ويايه تشبعين ضحك على مغامراتنه
_ههه وين امشي وياچ
_ازوجچ أبوية بيها شي
زينة_رؤى لدوسين بالحچي
_لا عادي خلي تحچي سوالفها حلوة
انتِ متزوجة لا؟
_لا والله مدري وين قسمتي مشمورة يمكن على الگمر من هيچ صاير دوبي ودوب النجوم
اتمنى وماكو؛
أنت تقرأ
صماء الباشا
Mystery / Thrillerفي عالم المافيا السوداء العراقية المغلفة داخل جدران دولة النظام والقانون ، وفي شوارع تملأها قهقهات الطبقة البرجوازية ،يعيش ابطالنا مغامرة وشيكة بين صراع الحق والباطل ، عندما تدخل معنا وتغوص في هذه القصة هنا ستسأل نفسك سؤالا لِما لم تقضي الدولة على ا...
