•عشق وعذاب الصقر• (احلام حسن)

البارت الرابع عشر رواية عشق وعذاب الصقر

اللهم صلي وسلم وبارك على سيدنا محمد 🌺

احمد:_ في ايه يا دنا مالك وشاور لاسر انه يخرج وخرج اسر وهو قلقان علي اخته

احمد:_ها في ايه بقي اتكلمي

دنا:_ واحده صاحبتي كانت بتحب واحد وهما كانو بيتكلمو وكده وهي وصقت فيه وبعتتلو صورها وبعدين هو طلع واحد زباله وبهددها بالصور دي وطالب منها مليون جنيه مقابل الصور هي اهلها اغنياء بس هي مش هتعرف تقولهم هي عايزه الفلوس ليه

احمد:_ طيب اسمو ايه الواد ده

دنا:_مش هتصدق يا احمد  الحيوان ده يبقي  منصور توفيق المنشاوي

احمد بصدمه:_ ايه انتي متأكده يادنا

دنا:_انا تصدمت زيك بالظبط يا احمد بس عادي يعني ماهو متوقع منه كل حاجه

احمد:_تمام انا هتصرف ارجعي انتي البيت

دنا:_ ماشي سلام

اسر دخل لاحمد:_ في ايه يا احمد دنا مالها

احمد:_اسر انا عايزك تجبلي الكلب الي  اسمو منصور المنشاوي

اسر:_حاضر هجيبو بس في ايه

وقص عليه احمد كل ما قالته دنا

اسر:_يابن..... هي حصلت لا دا كده جابت اخرها انا هروح اجيبو

رجع احمد البيت لقي الاء واقفه بتحضر الغدا شاور للشغاله تخرج وراح حضنها من ضهرها وشالها حطها علي الرخامه

الاء:_ ادا انت جيت امتي انا محستش بيك وبعدين اوعي كدا عايزه احضر الغدا

احمد:_ انا هنا من بدري وكنت واقف بتفرج عليكي وبعدين انتي عندك الغدا اهم مني

الاء:_هو انا يعني بعملو لمين مش ليك

احمد وانا مش عايزه انا عايزك انتي بقي

الاء:_ انت بقيت قليل الادب اوي كنت الاول محترم كنت احسن

احمد:_ هههههههه بجد يا قلبي انا لو بقيت محترم مع الدنيا كلها معاكي بذات ماينفعش اكون معاكي انتي

الاء:_ ها انت قولت ايه

احمد:_قولت بحبك

الاء:_ لا انا اكيد بحلم قول تاني كده والنبي

احمد:_ههههه للاسف انا مش بعيد كلامي مرتين

*************************

ادم:_ جهزي نفسك علشان الي انا عايزه هيحصل النهارده بمزاجك او غصب عنك

نيره بخوف:_ليه طيب انا بعمل كل الي انت بتقولي عليه اهو معملتش حاجه غلط

ادم:_وانتي فاكره اني هسيبك كتير اكيد لا طبعا وبعدين دا حقي

نيره:_بس انت مش بتحبني

ادم:_ بس عايزك مزاجي بيقولي كده انا خارج

***"""""***********************************

في مخزن من مخازن احمد

اسر:_ بقي انت وصلت معاك انك تضحك علي بنات الناس يا زباله امال لو مكونتش مش محتاج فلوس اصلا كنت عملت ايه

منصور:_ دا شئ مايخصكش وبعدين انت هتدفع التمن غالي اوي

اسر:_ والله الي جايبك هنا انت مش هاتعرف تدفعو التمن خالص لانه هو الي هيعمل كده
تسمع عن الصقر  احمد الالفي ولا لا

منصور بخوف:_ايه احمد 

اسر:_ههه اه  جه وقت تصفية الحساب وكل واحد هياخد جزاءه

************************************

الاء:_ احمد في موضوع مهم لازم اتكلم معاك فيه انت بقيت جوزي وحقك تعرف كل حاجه عن حياتي بس اوعدني انك ماتتعصبش عليا 

احمد بهدوء:_  قولي واوعدك اني احاول متعصبش

الاء:_ من حوالي سنه كده  انا كنت في جروب بوستات ومكنتش اعرف ان فيه ولاد بس لما عرفت خرجت والله واول ماخرجت دخلي واحد يكلمني وبيقولي ان هو عايز نتعرف وكده وانا رفضت وعملتله حظر بعدها رجع كلمني من رقم تاني وبيقولي طيب نبقي اصحاب بس وانا قولتلو ان الواتس بتاعي برقم بابا وانه يكلمه هو بقي وعملتله حظر تاني وفي مره كنت خارجه من الدرس لقيت واحد في وشي وبيقولي انه اسمه منصور المنشاوي وانه هو الي كان بيبعتلي علي الواتس وانه عايز يرتبط بيا وانا زعقتله وسبته ومشيت وبعد كده هو جه اتقدملي وانا رفضت  انا حبيت بس اعرفك علشان مابقاش بخبي عليك حاجه

احمد:_عارف كل الكلام ده 

الاء بصدمه:_ نعم

احمد:_ ده السبب الي خلاني اتجوزك منصور ده ابن عمتي وفي نفس الوقت هو وابوه الد اعدائي وانا دايما لازم اكون سابق عدوي بخطوه فكنت مراقبه وعرفت انو بيحب واحده او بالأحري عجباه وعايزها بأي طريقه  فقررت اني استغل ده واتجوزتك علشان ماخليهوش يحصل علي حاجه هو عاوزها بس بعد كده حبيتك

الاء بذهول:_ انا مش مصدقه الي انا بسمعه يعني انت واخدني وسيله

احمد:_ الاء صدقيني انا بحبك امتي وازاي معرفش بس الي اعرفه اني مستحيل اسيبك

الاء بصراخ:_انت مش طبيعي انا وسقت فيك و انت خدعتني وكذبت عليا حرام عليك ليه تعمل فيا كده 

احمد بيحاول يقرب منها ويهديها

الاء:_ابعد عني انا بكرهك..... فاهم بكرهك طلقني

احمد:_ انا هسيبك تهدي وهرجعلك تاني

*************************************

في المخزن

منصور:_انت اتجننت ولا ايه انا هوديك في داهيه

اسر:_ تؤتؤ اهدي يا منس مش كده وبعدين ضربه بالبوكس في وشه

منصور:_ انت بتمد ايدك عليا يا ***** والله لخليك تندم
 
احمد:_امم هتعمل ايه ياتري

منصور:_ااا احمد