•عشق وعذاب الصقر• (احلام حسن)

البارت السادس عشر رواية عشق وعذاب الصقر

اللهم صلي وسلم وبارك على سيدنا محمد 🌺

اسر نعم اتجوز بسمه وبعدين انتو قررتو من نفسكو وانا ايه ماليش رأي

اميره والدة اسر والله الي انا وباباك قولناه هو الي هيحصل ولا انت عايز تعمل زيو وتخسرنا انت كمان

اسر ماما حضرتك عارفه اني مستحيل اعمل كده بس ده جواز مش لعب عيال وبعدين انا مبحبش بسمه ومعني جوازنا اننا هنتربط ببعض العمر كله

اميره ومالها بسمه يعني مش عارفه هي مش عجباك ليه البنت زي القمر واظن مش محتاجني اكلمك عن اخلاقها لانك عارفها كويس

اسر ماقولتش ان هي وحشه بس احنا تفكيرنا مختلف عن بعض وانا مش هجوز واحده الا لما اكون بحبها

اميره هتحبها بعد الجواز لما تقربو من بعض اكتر

اسر وانا مش موافق يا ماما

اميره وانا الي عندي قولته

اسر مشي وكان متعصب اوي حس انو مخنوق كلم ملجأه الوحيد والي كان احمد طبعا

عند احمد صحي من النوم و الاء كانت في الحمام بتاخد شاور وبتعيط وهو افتكر الي
حصل وطلع اوضة الرياضه وكان متعصب اوي ومتدايق من نفسه انه عمل معاها كده هو مكنش عايزها بالغصب ابدا بس هي الي عصبته وده الي هو كان بيقولو لنفسه تليفونه رن وكان اسر

احمد ايوه يا اسر

اسر انا اسف لو كنت صحيتك يا احمد وانا عارف انك النهارده اجازة من الشركه بس غصب عني ماليش غيرك يا صاحبي

احمد انا دايما معاك يا اسر وبعدين في داهيه اي حاجه المهم انت وانا مكنتش نايم اصلا

اسر ربنا يخليك لينا ياصقر وتفضل دايما في ضهر

احمد مالك بقي في ايه

اسر طيب ممكن نتقابل

احمد تمام اشوفك في.......... بعد نص ساعه

************************************
ادم خلص لبس وخارج لقي نيره لسه قاعده مكانها

ادم وانتي ماقومتيش ليه بقي انتي مش عارفه ان المفروض ننزل نفطر مع بعض

نيره وانا مش عايزه انزل معاك ومش عايزه فطار

ادم انتي حره انا اصلا غلطان اني خايف عليكي اقعدي واستني ماما تيجي تقولك شوية كلام حلوين كده وخاليها تفكر انك مزعلاني واستلمي بقي

نيره بس بس خلاص قايمه اهو انا مش عارفه انا عملت ايه في حياتي علشان يحصل فيا كده

***************************
اسر احمد ماما وبابا عايزني اتجوز بسمه بنت خالتي وانا مش عايز اتجوزها وماما مصره

احمد طيب وانت مش عايز تتجوزها ليه

اسر علشان مش بحبها يا احمد وانا عايز لما اتجوز واحده اكون بحبها وانا مش بحب بسمه

احمد ادي نفسك فرصه  تحبها يا اسر وبعدين البنت بتحبك ودا باين عليها اوي انت مابتشوفش بتبصلك ازاي

اسر خايف ماحبهاش واظلمها معايا يا احمد

احمد سيب انت نفسك وبطل تتحكم في مشاعرك وانت هتحبها 

اسر ربك يسويها

احمد كان سايق عريبته راجع البيت بعد ما اقنع اسر انه يحاول يدي نفسه فرصه يحب بسمه لقي تليفونه بيرن وكانت مامته

احمد الو ايه يا ماما ازاي حضرتك

سندرا الحمدلله يا حبيبي بخير طول مانت بخير

احمد يارب دايما

سندرا ايه يا احمد انت قولتلي هتفكر ومن ساعتها مارضتش عليا

احمد معلش ياماما كنت مشغول والله

سندرا عادي يا حبيبي ولا يهمك بس قولت ايه بقي

احمد يزعل الدنيا كلها الا مامته لانها بالنسباله اغلي حاجه في حياته وميقدرش يزعلها حس بالكسره والوجع في صوتها وكره نفسه اوي لان هو السبب هو الي بيعد عنها بس هو مكنش عايز كده فكر للحظه انها مالهاش ذنب ان ابنها يبعد عنها ولا هو ليه ذنب ان يبعد عن حضن مامته

احمد انا موافق ياماما بس مش هقدر اقعد اكتر من يومين

سندرا بدموع طيب علشان خاطري خليه اسبوع  حتي يا احمد

احمد حس انها بتعيط وبالفعل وافق انه يقعد اسبوع

ياسر كان قاعد هو وسيف اخوه مع بعض

ياسر انت في ايه يا سيف بتعاملني كده ليه

سيف مش عارف ليه علشان انت واحد اناني مبحبش الا نفسه وبس بقي انت يبقي عندك ابن زي احمد وتخسرو عملك ايه يا اخي داكان زي ملاك وشوف انت خليته ايه بقي الصقر بتاع دلوقتي هو نفسه احمد بتاع زمان انت بغبائك واننيتك خليته كده قال ايه هو كل الي قاله يابابا انا مش عايزك تعملي حاجه انا عايز لما اكبر اعتمد علي نفسي زي حضرتك وابقي ناجح زيك وانت بكل غباء دمرتله حياته ليه كنت فاكر انه هيبقي احسن منك اهو فعلا بقي احسن منك علي الاقل لو مكنتش اتعملت بغباء كان زمانه معاك دلوقتي وكان هيسندك انت ليك مين... ادم تبقي غلطان لان ادم لو خيروه مابين العالم كله ومابين احمد هيختار احمد وحقه يختاره عارف ليه لما بيحسه اتأخر بره شويه بيكلمه يطمن عليه ويشوف دا فين مش زيك الي بتدلو ملايين مابتقولوش دا بيعمل بيهم ايه عارف الفرق بينك وبينه ايه ان احمد عنده احساس انت ماتعرفش عنه حاجه احساس الحب احمد بيحب ادم وعايزه احسن حد في الدنيا حتي احسن منه ذات نفسه
سكت سيف لما شاف سندرا الي واقفه علي باب المكتب

*********************

كل سنه وانتم طيبين بمناسبة عيد الفطر المبارك وربنا يعود علينا وعليكم الايام بخير