اسكربيت صغنون بمناسبه عيد الفطر كل عام وانتم طيبين وبخير اتمني تدعموني بفوت وكومنت برايكو وفولو
ــــــــــــــــــــــــــــــــــــــــــــــــــــــــــــــــــــــــــــ
في احد الاحياء المتوسطه في شارع رئيسي به بعض المحلات يلعب الاطفال بالشارع ويشترون الحلوي والبلالين مع صوت اغنيه يا ليله العيد انيستينا ياتي من احد المحلات فهذه ليله عيد الفطر حيث يسود الجو بهجه وفرحه وتهئنات الماره لبعضهم في احد عمارات الشارع التي تتكون من خمس أدوار كل دور مكون من اربعه شقق تحديدا في الدور الرابع في الشقه من الشقق التي تطل علي الشارع تجلس فتاه في غرفتها يبدو عليها في عمر العشرين تتصفح هاتفها جاءت لها رساله علي تطبيق الواتساب من اسامه خطيبها وجارها في العماره التي تقابل العماره التي تسكن بها ومضمون الرساله "كل عيد وانتي عيدي، والعيد الجاي تكوني في بيتي❤"
اميره "كل عيد واحنا سوا❤،فين عيدتي بقا😂"
اسامه" انا تحت العماره نزلي السبت"
اميره"اشمعنا"
اسامه"مفاجاه"
اميره "طب ما تطلع احسن"
اسامه"مش هينفع ورايا مشوار بعد كده "
اميره"طيب"
وقامت اميره لبست الاسدال وجابت السبت ونزلته من شباك اوضتها بصلها اسامه وهو مبتسم وحط حاجه وقالها طلعي وعرفيني رايك ابتسمت له وطلعت السبت ودخلت قعدت علي سريرها ولاقت بوكس فتحته ولاقت فيه 5 شكولاتات كبار وكل شكولاته ملفوفه بورقه فلوس 100جنيه وعروسه لعبه صغيره لابسه فستان ابيض وكارت مكتوب فيه"العيد الجاي ان شاءلله تكوني عروستي ومعايا في بيتي بحبك"
الفرحه كانت باينه علي ملامحها وحضنت العروسه وابتسمت،صورت العروسه وجمبها الشكولاتات ونزلت استوري علي الواتس وكتبت كل عيد وانت عيدي ربنا يخليك ليا يا حبيبي❤
شاف اسامه الاستوري ورد ب❤
عدي الوقت لحد ما قرب ميعاد صلاه العيد وتكبيرات العيد شغاله الله أكبر، الله أكبر، الله أكبر، لا إله إلا الله، الله أكبر، الله أكبر، ولله الحمد، الله أكبر كبيرًا، والحمد لله كثيرًا، وسبحان الله بكرة وأصيلا، لا إله إلا الله وحده، صدق وعده، ونصر عبده، وأعز جنده، وهزم الأحزاب وحده، لا إله إلا الله، ولا نعبد إلا إيَّاهُ، مُخْلِصِين له الدين ولو كره الكافرون
وقامت اميره لبست عبايه العيد لونها اسود وطرحه سوداء واسامه قام لبس الجلبيه البيضاء نزلت اميره مع صحابها البنات سلمي و تقي ونزل اسامه مع صحابه سامح وتامر وكانوا كلهم جيران وعارفين بعض ومتربين سوا من صغرهم
اسامه: كل سنه وانتو طيبين يا بنات
سلمي: وانت طيب يا اسامه
تقي: والعيد الجاي تكون مع اميره في بيتكوا
اسامه: شكرا يا بنات
البنات مشيوا وسابوا اميره مع اسامه
اميره:وحشتني
اسامه: وانتي كمان خلاص هانت كلها كام ساعه ونخرج سوا خروجه العيد يا اميرتي
اميره:انا هروح اصلي،شكرا علي العيديه
اسامه: العفو المهم تكوني مبسوطه روحي صلي يلا وانا هروح بردو
خلصت الصلاه والشباب بيوزعوا بلالين والبنات بتوزع توفي علي الاطفال والجو ريحته بهجه وفرحه،اسامه خد اميره بعد ما استاذن بابها يتمشوا شويه وجابلها عصير قصب
اسامه:تحبي تخرجي خروجه العيد فين
اميره: مش فارقه وجودك جمبي بيسبطني في اي مكان
اسامه: ابتسم وانا كمان سعادتي في وجودك
يعني مش عايزة تروحي مكان معين اختار علي ذوقي
اميره: ايوه كده كده ذوقك حلو وبيعجبني
اسامه: انا فعلا ذوقي حلو عشان اختارتك
اميره: ابتسمت، يلا نروح بقا عشان الحق انام واقوم اضبط نفسي نخرج سوا
اسامه: حاضر
بعد وقت كانوا روحوا ناموا وصيحوا
اميره صحيت عملت كوبايه شاي بلبن وكلت معاها كحك بملبن وبسكوت وجالها رساله على الواتساب من اسامه"اميرتي صحيت"
اميره "ايوه وبشرب شاي بلبن"
اسامه"طب خلصي واجهزي عشان نلحق وقتنا ومنتاخرش"
اميره"حاضر"
وابتدوا يجهزوا نفسهم للخروجه خلصت اميره لبس وميكب وبصت من الشباك لاقت اسامه واقف مستنياها وساند علي الموتوسيكل نزلتله علطول كان لابسه فستان خروج ساده باللون الزيتوني الغامق وطرحه بيج وعامله ميكب هادي لكنه جميل اسامه لما شافها انبهر بجمالها وصفر وقال: زي القمر يا اميرتي
اميره: انت بردو شكلك حلو
ركبت علي الموتوسيكل وراه وساق بيها لحد ما وصلو مول سيتي ستارز دخلو وهما ماسكين ايد بعض وبيتمشوا لحد ما وصلو قدام بيتزا هات
اسامه: تاكلي بيتزا
اميره: طبعا
اسامه قعدها علي ترابيزه وراح طلب الاكل وجابو ورجلعها فتح العلبه وقالها بيتزا
مارجريتا زي ما بتحبيها وقطعلها حته وادالها وفتح لها كانز البيبسي وبعدين راح قطع حته لنفسه وابتدوا ياكلو سوا وهما بياكلو اميره كانت بتفضي كاتشب علي البيتزا وبتاكلها وهي بتاكلها حوالين بوقها بقي في كاتشب اسامه مسك منديل ومسحلها اميره ابتسمت،،خلصوا اكل واميره راحت التويلت ظبطت ميكب وخرجت كان اسامه مستنيها بداو يتمشوا ويتصوروا في وضعيات مختلفه وهما ماشيين رباط الكوتشي بتاع اميره اتفك وقفت تعمله اسامه منعها و وطي عمله رجعوا يتمشوا تاني لحد ماوصلو ل كوستا كافيه
قعدوا اسامه طلب قهوه واميره طلبت ايس كوفي
اسامه: مبسوطة يا اميرتي
اميره: طول ما انا جنبك ببقي مبسوطة،انت مبسوط
اسامه: طول ما انتي مبسوطة انا مبسوط ومسك ايديها واميره ابتسمت
اسامه: يلا عشان منتاخرش
اميره:يلا
بعد وقت وصلو منطقتهم واسامه وصل اميره لحد عمارتها
اسامه:خروجه العيد كانت حلوه
اميره: كانت حلوه اوي ربنا يخليك ليا وخروجه العيد الجاي نكون متجوزين ونتاخر براحتنا
اسامه: ويخليكي ليا يا اميرتي
