اسكربيت رومانسي حزين اتمني يعجبكوا واتمني تدعموني بفوت وكومنت برايكو بقبل النقد بس باحترام
ــــــــــــــــــــــــــــــــــــــــــــــــــــــــــــــــــــــــــ
في مدافن تحديدا عند قبر مكتوب عليه المرحومه حنان عبد الرحمن واقف راجل في عمر الخمسين دموعه ماليه عينيه حط بوكيه الورد علي القبر،وسقي الصبار اللي حوالين القبر وقرا الفاتحه علي روحها وقرا القران ودعا لها بالرحمه والمغفره والجنه هذه عادته كل يوم جمعه منذ ان توفت حبيبته واليوم كانت الذكري السنويه الاولي
النهارده عدي سنه علي فراقك ولو كنتي موجوده كان هيبقي عيد جوازنا ال28 عدي سنه علي فراقك ولسه بجيلك كل اسبوع يوم الجمعه بقضيه كله معاكي زي ما كنت بقضي يوم الجمعه معاكي سوا في بيتنا او خرجنا عدي سنه علي فراقك وانا لسه فاكر اليوم اللي سابتيني فيه كانه امبارح عدي سنه علي فراقك ولسه حبك معشش جوه قلبي عدي سنه علي فراقك وانا لسه مش مستوعب انك سابتيني ومش عارف اعيش عدي سنه علي فراقك وانا بتمني اجيلك كل يوم بس مش بايدي عدي سنه علي فراقك والحياه ماشيه بس ماشيه وانا لوحدي كان نفسي اقدر اوقف الحياه عند يوم موتك بس مقدرتش،بيقولو الايام بتعدي والزمن بينسي بس غلطانين لان من ما بعد مشيتي ايامي مش بتعدي والزمن مش بينسيني عدي سنه علي فراقك ومهما تعدي السنين علي فراقك هفضل اعمل كل حاجه كنتي بتحبيها وبنعملها بس هعملها لوحدي وهفضل دايما اجيلك علطول لان مجيتي ليكي هي اللي مصبراني علي فراقك،عرفتي تربي ياحنان عيالنا مش مخليني محتاج حاجه بس المشكله ان حتي وانا في وسطهم بحس ان لوحدي حياتي من غيرك مالهاش معني انطفيت،اه انا لسه عندي وعدي ان حتي لما تفارقيني دبلتك هتفضل في ايدي اطمني زي ما كنتي اول حب وزوجه فانتي بردو اخر حب واخر زوجه ليا رحمك الله علي قدر محبتي لكي وغفر الله لك علي قدر اشتياقي لكي يا حبيبه العمر
سلمي: يلا بابا
عزت: يلا،سامر وسهر*عياله* فين
سلمي: مستنين في العربيه
عزت: ماشي
بعد وقت روحوا البيت يتجمعوا كعادتهم لاقوا فريده*مرات سامر*،وكريم*جوز سلمي* مستنين في البيت،*سهر لسه بتدرس وسنجل*
فريده: تعيش وتفتكر يا اونكل
كريم: ربنا يرحمها ويصبرك يا عمي
عزت: ربنا يخليكوا يا ولاد متشكر
فريده:انا هحضر الغدا عقبال ما تغيروا
سهر: هغير بسرعه واجيلك
فريده: براحتك ياحبيبتي
بعد وقت الغدا جهز وقعدوا يتغدوا سوا
عزت: كل حاجه بسيطه ولسه هيقوم
فريده اتكلمت فقعد تاني: هو الاكل مش عجبك يا اونكل
عزت بابتسامه: بالعكس انتي عارفه رايي من زمان في اكلك لكن معلش اعذريني ماليش نفس
فريده بتقدير واحترام : فاهمه ومقدره يا اونكل،حضرتك راجل عظيم ورغم حزني علي فراق طنط وعلي حالك من بعدها لكن فخوره بيك وباخلاصك لحبك وليها انا مش مصدقه ان لسه في حب بالشكل ده في زمننا ده ياريت كل الرجاله بتحب زيك كده
عزت بابتسامة شكر: متشكر ليكي
سلمي بهزار: ما انتي معاكي نسخه*قصدها علي سامر*...الكل ضحك
فريده بهزار: ولو اونكل هو الاصل...الكل ضحك
سهر:تعرف يا بابا انا مش هتجوز غير حد يحبني زي ما انت بتحب ماما بس تفتكروا هلاقي ولا هعنس*بتهزر*...الكل ضحك
فريده: كان نفسي اقلك هتلاقي بس اخر نسخه معايا...الكل ضحك
سلمي: بس يبت هتتعقد كده وبعدين ما انا كمان معايا نسخه بصت لاختها متخفيش هتلاقي هو النوع ده نادر شويه اليومين دول بس موجود...الكل ضحك
عزت: نتكلم جد شويه بقا
الكل بص له باهتمام وفي صوت واحد: اكيد
عزت: عن الحب سأتحدث،الحب فطره ربنا خلقنا عليها،خلقنا بنحب الحب وبنحب نحب ونتحب،الحب دايما موجود ومفيش حاجه اسمها ده قل ده مبقاش موجود وكلام اليومين دول اللي ظلموا الحب بيه وشوهوه، الحب انقي واحلي واجمل شعور البني ادم يحسه،وكل المشاكل والحوارات اللي بتحصل اليومين دول واللي يقولك الحب وجع والحب تعب والحب جرحني والحب خذلني ده كله غلط التعب والجرح والخذلان والوجع والخيانه واللي يقتل حبيبته والمشاكل مش بسبب الحب لا الحب برئ من الحاجات دي واطهر وانظف من كده الحاجات دي كلها حجج بنداري بيها عن اختياراتنا الغلط او عن تصرفات غلط كان المفروض نعملها عكسها ومعملنهاش او اسباب كتير لكن الاكيد ان الحب موجود وهيفضل موجود ولسه في ناس عارفه قيمه الحب وبتقدره وعارفه ازاي تحب،لسه في ناس جواها نظيف جواها خير ودول اللي عارفين يعني اي حب بجد وبيعرفوا يحبوا صح، وللاسف بطبيعه الحياه في ناس جواها شر وجواها وحش ميعرفوش يعني اي حب ظلموا الحب وشوهوه،،فلما تيجي تحبي يا سهر اختاري صح وحكمي عقلك الحب مش مجرد مشاعر وبس الحب بيحتاج انك تكوني ناضجه وعاقله وشخصيه قويه وصاحبه قرار وعندك حدود ومبادي وتعرفي امتا تشدي وامتا ترخي واي اللي يعدي واي اللي ميعديش اما بالنسبه للكابلز اوعوا تصدقوا ان الحب بيخلص او يقل اوشويه يقل وشويه يزيد اوعوا تفتكروا ان الحب انتهي بالجواز والخلفه والمسئوليات والكلام الفارغ بتاع اليومين دول الحب بدايته الجواز حتي لو كنتوا متجوزين عن حب الحب مالوش نهايه وبيستمر وبيزيد مع الوقت واحسن حاجه تعلموها وتورثوها لعيالكم هي الحب
