القَـبضة الثالثـة 🔥.__________________________
مريم:-رجعت لغرفتي مخذوولة وروحي توجعني مخنوگة حيل ومامتوقعة من بابا هيج شي ابد مامتوقعتو هيج مامستعد يحميني ويوكف بوجه الي يأذيني...بقيت صافنة افگر وروحي توجعني واحس بخيبة...
-مـسحت دموعي واخذت عَهد عَـلى نَـفسي أنو بَـعد ما احچي وية بابا ابد...
مريم:-اخذت جُنطة ضميت بيها مَلابسـي ودموعي تنزل اخذت كم قطعة ملابس وشاحنتي ومعطراتي وأحذيتي وملابس المدرسة وتركتها عَـلى صفحة...واخذت جنطة المدرسة ضميت بيها كُل كُتبي وتركتهم على صفحة وگعدت ابچي...
-وين چنت ووين صرت؟ چنت مدللة واميرة وعلى راسي تاج بين ماما وبابا وعمامي واهلي وناسـي... شنو ذنبي؟ شنو الي مسويتو اني؟
مريم:-اندك الباب ودخلت ماما ووراها جيراننا ام الصالون..ضَحكت مستهزئه واردفت...اهلا يابة تفضلي!
عالية:-هاية عروستكم؟ مرييم!!!
نجوم:-حبابة عالية اشتغلي بدون كلام
مريم:-هزت راسها واجت لعندي اشرتلي اگعُد على الگُرسي گمت گعدت وهي اجت حفتلي وجهي وحواجبي وسوتلي تنضيف بشرة...وهمست...
عالية:-ليش حَيزوجوج؟
مريم:-حجيت بأستهزاء...صرت ثگيلة عليهم
-معقولة انتوا بيت ابو رافد اهل الخير والعز والجاه هيج يزوجون بناتهم بهذا العمر؟
نجوم:-عالية رحمة لوالديچ ماناقصنا نحن
عالية:-اعتذر
مريم:-باوعت لماما وهمست...ماما روحي جيبيلي هيا وشمس...هزت راسها وراحت طلعت برة...
عالية:-انضفلج جسمج؟
مريم:-اخاف!
-لتخافين ما اوجعج
-تمام
-بس سؤال؟
-جواب
-زوجج منين؟
-ما اعرفو اعرف بس اسمو واسم ابو
-شسمو؟
-شُجاع محمد سَـبع
-الي بيتهُم بالفرع الثاني؟
-اي
-بس هذا حيل چبير عليج
-الله ياخذ عمرو
-ادري بيج مغصوبة مريم بس ليش؟
-گايل لبابا انو اخو مغتصبني وهو جاي يسد عاري
-لا اله الا الله
-تعرفينو انت؟
-اي شلون لعد
-اوك
-ترى حيل جبير عمرو 34سنة!
مريم:-فتحت عيوني مَصدومة...بس اخوية گال عمرو 27