قبضة الشجاع

القَبضة الأولـى

القـبضة الأولـى 🔥.

______________

مريم:-ريحة بيتنا الدافي نعنشت روحي ريحة النظافة والبخورات وريحة طبخ ماما يجيب التايه دخلت للمطبخ مبتسمة شفت ماما واكفه تغسل مواعين وبابا يساعـدها وگـل شوي يبوسـها اردفـت...

مريم:-فدوه لطيور الحُـب

:-باوعتلي ماما ودنـكت راسها بخجل واردفت بأرتباك...

نجوم:-صح النوم ماما حبيبتي

-يصـحصح بدنچ ماماتيي

-تعـالي اكُعدي اسويـلچ اطيـب ريوك

-تمام انتـظرج

مريم:-نشـفت ايدينها وراحت تسويلي ريوك وبقيت اسولف ويه بابا ودخلو اخواني التؤام حسين وحسن هستوهم اجو من المدرسة يدرسون صـف ثالث متوسط...بابا حچة بأستغراب

رافد:-الساعة بالـعشرة ونص شعجب راجعين هيج وقت؟

حسين:-بابا انفص...

مريم:-حسن كرص حسين وقاطعو واردف بخوف...

حسن:-بابا المدرسين عدهُم اجتماع وطلعـونا من وقـت.

رافد:-متأكدين؟

حسين:-اي صح بابا

مريم:-صعدو يركضون لغرفتهم واني اضحك عليهم عرفتهم مسويلهم مصيبة كـ العادة ومفصولـين...ماما جابتلي الريوك وگعدنا ناكل اني وبابا...

:-عائلتنا حـيل هادئة وعايشين بسعادة وفرح رُغم نحن اكثر من عائلة بـ بيت واحد حيـل جبير بس مرتاحين وهادئين.

مريم:-خلصت اكل وصعدت لغرفتي احظـر مَلابسي اروح للمدرسة دوامي مسائي...سبحت وكويت ملابسي وكعدت اراجع دروسي الى ان صارت الساعة بـ 12 ونص والخط لهسه مجايني...طفرت متوازية لبست ملابسي على السريع وطلعت اتمشى مستعجلة...

:-وصلت لراس الفرع والدنيا حارة شوية وامشي سريـع اجت سيارة عالية مُضللة بأتجاهي من وصلت لعندي وگفت ثواني ومشت..توترت حيل وصرت اركض اريد اوصل للمدرسة...

-مشيت تقريبًا ربع ساعه ووصلت دخلت للمدرسة.

مريم:-رجعت للبيت لگيتهم مخبوصين يرتبون بالبيت ويعزلون تسألت مستغربة...شبيكم؟

نجوم:-ماكو شي حبيبتي بس باچر حنة علي حددنا موعد

مريم:-علي ابن خالة بابا بس متربي يمنا من الصغر لذلك اعتبرو عمي...شعجب بهل سرعة مو على اساس للصيف!

-ابو العروس هيج يريد بسرعة بسرعة

-والله ماعرف بعد الله يقدم الي بي الخير.

مريم:-صعدت لغرفتي نزعت ملابسي وغسلت وصليت ونزلت اكل وماما وزوجة عمو يعزلون بالبيت...سوينا عشا واللتمينا كُلنا على السفرة نضحك ونسولف...