قَبضة الشُجاع 🔥____________
مريم:-بلش يصلي واني كمت من مكاني اريد اروح اشحن تلفوني حسيت ببرودة بافخاذي نزلت على رجلي ، رفعت دشداشتي شفتو دم ، انرعبت منو وصحت...
-شُجاااع
مريم:-ما اجاني بقى يصلي ، بقيت صافنة على الدم ومرعوبة كل ظني لازم ارجع اتخيط ، دقايق واستوعبت موعد الشهرية هاي الايام ، رحت اخذت ملابس من الكنتور ورحت للحمام غسلت جسمي وبدلت وطلعت ، شفت شُجاع هستوة خلص صلاتو اجاني يتلمس بجسمي خايف وحجة مرهوب...
شُجاع:-شبيج؟ليش صحتي
مريم:- هيج ، مابيا شي
-شنو مابيج مريم؟
-شفت دم وخفت
-منين دم؟
-ماعليك هذا شي خاص بالنساء
مريم:-تركتو ورحت شغلت الصوبة وكعدت كدامها وهو ضل واكف متخصر يباوعلي ، نفسيتي كلش تتعب بفترة الشهرية ، احس عيوني انملو دموع بس شخص يحاجيني ابجي ، شُجاع طلع يستلم الاكل واني كاعدة اتدفى...
-جابلي الاكل اكلت نص لفة وشبعت ، هو ضل يوكل بيا بالغصب ويشربني ببسي حسيت راح انفجر من الاكل ، باوعت بعيونو واريد ابجي...
مريم:- كافي حباب
شُجاع:- شبيج؟
-لتضغط عليا بالاكل ماريد
-على مودج اني حتى ماتبقين جوعانة
-شبعت ماريد
-الف عافية روح روحي
مريم:- هو ابد ما اكل ، شلت لفة وانطيتها الو ، همست بهدوء... اكل
-ما اريد
- ليش ؟ انت مماكل
- ما اكدر اكل لحم اني واللحم مو اصحاب
-ليش؟
-معدتي تتخربط بس اكلو
-تمام
مريم:- رجعت اللفة للعلاگة وهو نهض شال الاكل وفتح شبابيك الغرفة ورش معطر جو ، طكطكت برد لان فتح الشباك والجو بارد حيل ، كمت طفيت الصوبة ورحت تمددت على الجرباية وبدأ الم الشهرية يعصر بروحي...
-شُجاع گعد يقرة قران ومايدري بيا اتوجع ، بقيت اعصر ببطني واحس روحي تريد تطلع ، لا ارادي كمت اصيح..