ရင်ခုန်စိတ်လှုပ်ရှားဖွယ်ရာ Hell Gameကမ္ဘာ

Arc 1.5

[Unicode]

အခန်းသည် အနုပညာအခန်းဖြစ်ပုံရကာ တစ်ခြားခန်းများထက် နည်းနည်းကျယ်ဝန်းသည်။ပိုင်လင်းချန်တို့မြင်ခဲ့ရသော မီးရောင်သည် အခန်းထဲရှိ စင်ပေါ်မှလာတာဖြစ်ပြီး ပရိတ်သတ်များထိုင်ဖို့အတွက် ခုံများကို စင်ရှေ့တွင် စီစီရီရီချထားသည်။စင်ပေါ်တွင်တော့ ကောင်မလေးတစ်ယောက်က အဖြူရောင်ဂါဝန်ဝတ်ထားပြီး သံဇဉ်ညီးနေသည်။ရုတ်တရက် အခန်းထဲတွင် လူစိမ်းယောက်ျားလေး၂ယောက် တွေ့လိုက်ရ၍ သူမမှာထိတ်လန့်သွားကာ သူတို့ကိုအကဲခတ်နေပုံရတယ်။

ကျားရိမင်အတွက်တော့ ထိုကောင်မလေးက လူနဲ့တူတာကြောင့် အံဩနေမိသည်။ကောင်မလေးက သူတို့နဲ့အသက်တူတူဖြစ်လောက်ကာ သူမရဲ့အဖြူရောင်ဂါဝန်လေးကြောင့် လှပနေပြီး ရုတ်တရက်ကြည့်ရင် ကျောင်းအလှနတ်သမီးလို့တောင် ထင်ရတယ်။ဒါပေမယ့် သရဲခြောက်တဲ့ကျောင်းမှာတော့ သာမန်လူဆိုတာမရှိနိုင်ဘူး ပြီးတော့ကောင်မလေးက အခန်းမီးရောင်နဲ့ ရုတ်တရက်ပေါ်လာတာလေ။အဲ့တာကြောင့် လူလုံးဝမဖြစ်နိုင်ဘူး။ 

ခုနကလိုပဲ ထိုကောင်မလေးအား ခြိမ်းခြောက်လိမ့်မယ်လို့ ထင်ထားပေမယ့် ပိုင်လင်းချန်က ရှေ့ဆုံးတန်းမှာထိုင်ကာ ဇာတ်စင်ကိုကောင်းကောင်းကြည့်ရှုနိုင်တဲ့ မြင်ကွင်းကိုရွေးထားတယ်။မသိရင် ရုပ်ရုင်ရုံမှာ ရုပ်ရုင်လာကြည့်နေသလိုမျိုးပဲ။ကြောက်နေပေမယ့်လည်း ကျားရိမင်က ပိုင်လင်းချန်ရဲ့ဘေးမှာ လိမ်လိမ်မာမာလေး ဝင်ထိုင်လိုက်တယ်။စင်ပေါ်ကကောင်မလေးကလည်း ပရိတ်သတ်၂ယောက်တွေ့လိုက်ရ၍ အားတက်သွားကာ ပြဇာတ်ကို စတင်သရုပ်ဆောင်တော့သည်။ 

စင်ပေါ်ကမီးရောင်က မှိန်ကျသွားပြီး နောက်ခံစကားပြောသံ ထွက်လာတယ်။အသံပိုင်ရှင်က ဘယ်သူမှန်းမသိရသော်လည်း အသံကတော့ မာကျောတဲ့အရာကို ဓားနဲ့ခြစ်ချနေသလိုဖြစ်နေတာကြောင့် ကြောက်လန့်ဖို့ကောင်းနေသည်။မသိရင် လူတွေရဲ့နားနားမှာ တိုးတိုးလေးကပ်ပြီး လာပြောနေသလိုခံစားရကာ ကျားရိမင် ကြက်သီးတွေထလာတယ်။စင်ပေါ်က ကောင်မလေးကတော့ ဘာမှမဖြစ်ပျက်သည့်အလား ဇာတ်လမ်းကို အပီအပြင် သရုပ်ဖော်ပြနေတယ်။