"هوس جواد الاكبر المُبهم"

" الاحداث "

                       (( احداث الرواية ))

                         ((  بقلم دجلة ))

الرجوع الى الماضي : 2018 "

ــــــــــــــــــــــــــ

ترف : طلعت من المدرسة ويا صديقتي شمس و نحچي عن الامتحان شلون جاوبت لان امتحانات نهاية السنة طبعًا احنى مو سچاچات مستوانا وسط وصلنا النص الشارع و نريد نعبر و ما نشوف غير چلاب ولحكتنا ذبيت محفظتي مالت الاقلام و شردت واني لابسة عباية صرت باتمان و ما اسمع غير صياح الناس و صوت سيارات و شمس مو يمي خفت كلش رحت اشوف شكو وين شمس؟
الصدمة لكيت شمس بالكاع سابحة بدمها ركضت الها حضنتها ....؟

جواد الاكبر : رحنا نزور ابوية لان صار له 5 اشهر من متوفي و ما اشوفلك غير بنية اطك بالكاع نزلت من كوستر و تلطم وتصيح

ترف :  شمسس شلوون تعوفيني وحدي لچ مو تعرفين ما عندييي غيرچ شلووون تعوفيني شمسسس تعالي اخذيني فدوة  گلبي تفطر بغيابچ .

جواد الاكبر : حالتها تبچي المطي دمعت عيني بنت الخوش زلمة .

ترف : بعد غياب شمس بـ 4 اشهر ما كدرت اتخطاها و اصادق غيرها بقيت اداوم جسد بلا روح مكانها خالي بعد مرور شهرين لدوام صار عدنا امتحانات شهر الثاني بعد ما امتحنت و خلص الدوام طلعت دا امشي و احس واحد يلحكني .

جواد الاكبر : صديقي جعيفر ( جعفر ) عزمني على الغدة رحت من يم مدرسة البنات كلت اصچم كم وحده بطريقي وچان اشوف بنت الخوش زلمة للمرة الثانية و ....

ــــــــــــــــــــــــــ

طبعًا اني جديدة على كتابة الروايات اعذروني اذا شفتوا اخطاء و غلسوا عليها اذا عجبكم الرواية صوتوا الها و ان شاء الله ابدأ اكتب بالرواية و ما اقصر وياكم بحيل الله .

واذا تسألون عن الرواية واقع او خيال فهيَ نص واقع و نص خيال

🤍🤍🤍👍🏽.