" ثـار بلا دم "

البارت الاول

﴿وَاللَّهُ ذُو الْفَضْلِ الْعَظِيمِ﴾

ماذا لو رحلوا ؟؟؟
خذ نفسا عميقا ثم ابصق على ماضيهم وامضِ .
سأكون ذات يوم اسيره يا امي
ويجب ان تصبري أو تنسيني
فلا يوجد غير الأسر في دولة العاشقين ...
لقد تجاهلت شخصا لاتستطيع العيش دونه هل انت احمق ؟؟

للـ كاتبه سمو آل قحطاني
.
.
.
.
.
.

:انتن لو بيجن خير الله ما ذبجن عليه

:هاي العبارة على طول اسمعها سببتلي عقده نفسية صرت اكره

كل الذكور بسببها والمجتمع الذكوري الاحنه بي يحسون المرآة كائن ضعيف.

صعبه ذلة الغرب شلون لو جانت ذله اهل؟؟!!!

مسحت دموعي وغسلت وجهي وماداومت بنفس الوقت

باقيلي يومين وانفصل من المدرسه يارب ساعدني بس اكمل

اهم مرحلة بحياتي "السادس" بقالنه اسبوعين ونعطل ما اريد

اعيد السنه لان ميقبلون واحس نفسي مامضبطه المواد شلون

اكدر اصير حلمي !!؟؟؟ يارب ساعدني

كملت كل شغلي وكعدت ادرس لوقت متأخر.

ثاني يوم داومت كملت كل دروسي بتركيز حته يبقن المواد

ببالي من اريد ادرس لنهايه العام.

رجعنه اني وخواتي تغديت وصليت ونمت ومشه روتيني

المعتاد لميخلص من المشاكل .
اني اثير من سكان البصرة عمري 18سنه طالبه سادس اعدادي

كاعد وسط مجتمع ذكوري يقدسون الرجل أما المرآة لاشي

وكأنهم كاعدين بالعصر الجاهلي امي تكره البنات وتحب شي

اسمه "ولد"ولأن "من عاب ابتلى" الله سبحانه وتعالى بلاها

ب7 بنات وبس 3 ولد وجانت ما راضيه ودائما تكول كلمات

اقرب للكفر مثلا "الله لو يحبني مانطاجن الي " "لو بيجن خير الله ما ضبجن عليه" !!!!

برغم اخواني الولد ما الهم فائده بسبب دلالها الزائد الهم بس

تحب الولد خواتي الاكبر مني 3 منال عمرها 24سنه البطلوها

بسبب اخواني الصغار لانهم يحتاجون عنايه مكثفه لان واحد

بيهم عنده مرض بالقلب

بعدها تجي منار عمرها 21سنه يحبها ابن عمي انسان سكير

وهمجي اضافه الى شغله الحرام بالحرام بطلوها بسببه بصف

خامس اعدادي بعد ما جابت اعلى معدل بالمدرسه بسبب

شطارتها ضلت تبجي هواي بسبب حبها للمدرسه وجان حلمها