" ثـار بلا دم "

البارت الخامس

『بسم آللهہ‌‏ آلرحمـآن آلرحيم』

لم يبق في هذا الزمان حبيب ولا صديق ..
لهذا لم اعد اثق بمن على هذه الأرض جميعا ....!!

لــ الكاتبه سمو آل قحطاني

باهر : ههههههههه ترديني اثق بيج ؟؟؟ ليش منو انتي ؟؟
اثير : اني وابن عمك بيناتنه اتفاق
باهر : شيلي عينج عن زوج اختي ( غمزلي)
اثير بصدمه : زوج روان ؟؟
باهر: ليش ضجتي ؟؟تردينه؟؟
اثير: احترم نفسك وخليني محترمتك تره اليوم من اجينه نشهد ضدك زوج اختك المحترم ضل يتحارش بأختي
باهر: حقه انتن اجيتن براسجن غايه شفتي ما قبل يسجني جبتي خواتج يقنعنه ( غمز) وبعدين العنده اميره ما يكلب خدم
اثير : احترم نفسك اختي تشرفك وتشرف عشيرتكم كلها

كام بغضب راد يضربني ضرب الحايط
باهر : ليش تجفصين واطيح حضج وحض ابوج مو محترمج لا اهينج
اثير: ههه هذا الاحترام عندك سيد القاضي باهر ؟
حك ارنبه خشمه
باهر: كل انسان احترمه حسب مكانته بالمجتمع واذا جان خوش انسان وحسب شكد يحتاج احترام وانتي هذا التحتاجينه وبعدين انتي نكره لاشي بالمجتمع زين مني محترمج
اثير : لا هواي كلفت على نفسك بطل تحترمني يمعود خ الضغط والحمل يخف عنك
باهر : نمله انتي ما اشوفج ف متثكلين عليه
اثير: يلا امشي اتنازل عنه وبعدين اتنازل عنك
باهر : تبقين هنا اجيب اخوج العار واجي

راح وره ساعتين رجع وياه باسم بس شنو مو باسم الاعرفه حيل متغير ضليت اباوعله بصدمه وبجي وجه الحلو كله كدمات وحاطينه بعربانه متحركه ركضت عليه

اثير: بسومي الحلو هيج مسوين بيك هل كلاب من الله لا يوفقهم
باهر: راح ادفنج كدام بسومج العار منو الكلاب لج نمله فوصه
اثير بحقد وغضب : الله ينتقم منك أن شاء الله يامجرم ياماعندك ضمير
باهر: يلا تعالي تنازلي مالي خلك لغوة زايدة يلا

بوست باسم وكمت وقعت وتنازلت اخذت باسم وطايره من الفرحه اريد ماما تكحل عينها بشوفته دكيت الباب وفتحته منار ضلت تبجي
منار: ياحبيبي الحمدلله على السلامه يا خويه شصاير بيك
سلم عليها بتعب
باسم : وين امي
منار: هسه اصيحلها خطيه ميته على. شوفتك حته انشلت وكاعده بكرسي متحرك سوده عليه .

دخت منار امي هيه شافت باسم وكعدت تبجي وتنعه على حاله وهو حضنها وضلو يبجون كل احنه بجينه جان منظرهم مؤثر حيل أجن خواتي يسلمن على باسم ضلو يسولفون ويضحكون باوعلي باسم بنظره مكسورره

باسم: اثير اني كلش اعتذر منج على السويته واتهمتج بشرفج واعترف حيل اذيتج وختفج هذاك النذل بسببي اتمنى تسامحيني
اثير: ومنو كال اني زعلانه عليك حته اسامحك؟؟ انت حبيبي واخوي ارتاح ليضل بالك