Our Destiny | TK |

11.

"අවුරුදු ගානකට පස්සේ මගේ හිතට පුදුම සැහැල්ලුවක් දැනෙනවා කැප්ටන් . ඒ නිසා මට මේ විදිහට ටික වෙලාවක් ඉන්න දෙන්න ."

මගේ උරහිසකට හිස තියාගෙන ගෝල්ඩි කරපු අහිංසක ඉල්ලීම මම කොහොම අහක දාන්නද ? ඔයා දන්නවද අපේ දෛවය අපි එක්ක විහිලු කරනවා ගෝල්ඩි . බැරිවෙලාවත් මම කිම්ගේ බංගලාවට එදා අඩිය නොතිබ්බනම් මගේ පුංචි කිදුරිව ආයේ කවදාවත් මට දකින්න ලැබෙන එකක් නැහැ නේද ? කොහොම අමතක කළාද මං . පොරොන්දු වුණේ සතුරන්ගෙන් ආරක්ෂා කරන්න ඒත් සතුරන් අතින්ම මගේ සුදු රෝස මල තැලිලා පොඩි වෙලා යනකන්ම මට ඔයාව හොයාගන්න බැරි වුණා ගෝල්ඩි . ඔයා සමාව දුන්නත් රැජිණිය මට සමාව දේවිද ? ඔහුගේ පුංචි කුමාරයව ආරක්ෂා කරන වගකීම මගේ අත් දෙකට දීලයි ඇය යන්න ගියේ ඒත් මම අසමත් වුණානේ...ඇය සමාව දෙයිද ඉතින් .

පළවෙනි වතාවට මම මේ රත්තරං පාට බෝනික්කව දැක්කේ එදානේ . එදා අප්පගේ හොදම යාලුවා වුණ හන්සන්ග් අන්කල්ගේ අතක එල්ලිලා හිටිය නිල් ඇස් තිබුන මේ පුංචි බෝනික්කා එතකොට ගොඩක්ම පුංචියි . අප්පා මට කතා කරලා කිව්වා ඔන්න අද ඉදන් ඔයාට සෙල්ලම් කරන්න අළුත් යාලුවෙක් කියලා . මම පුංචි බෝනික්කා ළගට කිට්ටු වෙලා බැලුවේ එවලෙයි .

හදුනාගැනීම සතුටක් මම ජන්ග්කුක් ලෙස මම මාවම හදුන්වලා දෙද්දී ඒ පුංචි බෝනික්කා මගේ අතකින් අල්ලා ගත්තා . දෙවියනේ එයා ගොඩක් සිනිදුයි නේ ඒ වගේම සීතලයි . මට ඒ අත එදා තදින් අල්ලන්න බය හිතුනා බෝනික්කිට රිදේවි කියලා . ඒ තරම්ම එයා සිනිදුයි . බිමට බරවෙලා තිබුන නිල් ඇස් මගේ දිහා බලන් හරි ලස්සනට හිනාවුණා . ඒ හිනාව අවංකයි . නිර්ව්‍යාජයි .

මං ටේ ටේ...

අනේ එයා හරි හුරතල් . එච්චරයි මට හිතුනේ .

ටේටේ ඔයා ගෝල්ඩ් පාටයිනේ ...ඒ නිසා ඔයා අද ඉදන් ගෝල්ඩි හරිද ?

හවස් වරුවක මුහුදු වෙරළක ඉදන් පළවෙනි වතාවට මම එයාට ඒ නමින් ඇමතුවා . මගේ පුංචි කිදුරු පැටියා ගෝල්ඩී...

ගෝල්ඩී....ඕ...චූටි කැප්ටන්ගේ ගෝල්ඩී...

එයා හරිම හුරතල් එහෙමනේ ...ඒත් පුංචි ගෝල්ඩිට ඒ වගේ හුරතලේට වැඩි කල් ඉන්න ලැබුනෙ නෑනේ . කිදුරු රාජධානියේ අනාගතය රැදිලා තිබුනා මේ පුංචි කුමාරයා මත . පුංචි වයසෙම එයාට පැවරුණේ ලොකු වගකීමක් . එයා එයාගේ ඔම්මා එක්ක සති දෙක තුන මුහුදට වෙලා ඉදලා තියෙනවා . එහෙම ගෝල්ඩි ගිය දවස් වලට මම මේ මුහුදු වෙරළට වෙලා ඔහේ බලන් ඉන්නවා රත්තරං පාට බෝනික්කා කොයි වෙලාවක හරි මුහුදු රළ අතුරින් මතු වෙනකන් . එහෙම බලන් ඉන්න වෙලාවට ඈතින් දිගු නිල් පැහැ වරලත් සලමින් මගේ කිදුරු පැටියා මුහුදු රළ අතුරින් මතුවෙන වෙලාවට දැනෙන්නේ එසේ මෙසේ සතුටක් නෙමෙයි . ඒ හැගීම වචනයෙන් විස්තර කරන්න බැහැ .