حب شيخ العشيره 🔞🔞

Part 3

گعدت من النوم ما لگيت سليمان بالغرفه گلت خاف عنده شغل بدلت ملابسي و لبست فستان ابيض و شال ابيض يعني كلشي ابيض
نزلت جوه شفتهم گاعدين يبچون ولابسين اسود اني ما مفتهمه شي ليش يبچون و عليمن اصلاً يبچون توترت و خفت خاف صار شي بجدو او واحد من اعمامي صارله شي

بس اريد واحد يفهمني شنو شصاير واحد من صباحيات الله يگولون صباح الخير و اني
گعدت لگيتهم يبچون شهل الفگر
گمت اسأل بعماتي بس يباوعن عليه و ما يحچن
اجيت شفت رقيه تبچي و رحتلها ركض حتى اعرف شصار ليش يبچون

جواهر: رقيه ليش تبچون بس فهميني
ضلت تباوع عليه و ما تگول شي بس تبچي يالله هسه شراح اسوييي لگيت مريم بنت عمتي الصغيره عمرها 10 سنوات سحبته بسرعه
جواهر: ليش گاعدين يبچون 
مريم: هذا واحد مات و يبچون عليه
جواهر: ت. تعرفين اسمه؟
مريم: ايي اسمه سليمان

من گالت هيچ تخربطت و طحت بالگاع عماتي و الناس كلها التمت عليه و حاولو يگعدوني اجتي عمتي و رشت عليه مي ومن فتحت عيون رأستاً
گمت ابچيييي عيوني راحن من البچي شلون مات سليمان ثاني يوم زواجي يموت

و عماتي ما يحچن شي بس يبچن اجمي ناس هوايه گامو يعزون بس ولا وحده اجتي عليه
و اني بس اكل بروحيي شلون مات البارحه چان يمي وشلون اصلاً لحگ يموتتت
صارت الدنيا ليل كل واحد راح الغرفته و عيونهم غرگانه دموع

رقيه: اني راح اروح زوجي ينتظرني هسه
راحت رقيه و اني مخنوگههه مالي خلگ اطب للغرفه
تعوذت من الشيطان و طبيت للغرفه و گمت ابچي بچي بعمري ما بچيت هيچ حسيت روحي راح تطلع
فتح واحد الباب

جواهر: منو طب للغرفه؟
سليمان: هذا اني شبيچ
هذا صوت سليمان باوعت لگيته هوه بس مغوش
جواهر: ههههه گمت حتى اشوفه وهو ميت
سليمان: هاي شبيچ تخبلتي لو شنو؟
جواهر: هسه شلون راح اگدر انساه حتى بخيالي يحچي وياي
شفتها تحچي و تهذي ما ادري شبيها احاول احچي وياها ماكو ماتسمع هلگد موت ابويه مأثر بيها

گمت ابچيييي بكل قهررر
سليمان: شبيچ يوليي منو وياچ حتى اكسر راسه
اتقرب مني و لزم ايدي بس يريدني اسكت
جواهر: ليش متت و عفتني وحدي
سليمان: صمله عليه منو مقشمر عليچ و گالچ اني ميت
باوعتله بس هاي المره بوضوح لان چان قريب مني
لزمت خده بعدين حضنته وگمت ابچي واشهگ

جواهر: بس شلون مريم گالتلي سليمان مات
سليمان: يبوووو طلعوني ميت ولچ ابوي مات و توهمت لان اني اسمي سليمان و ابويه سلمان
جواهر: اني حتى ابوك ما اعرفه ولا شفته
سليمان: اي لان حتى بعرسي ما اجه لان ابويه رجال چبير و ما گدر يجي بس هلگد بچيتي عليه
جواهر: والله حتى ردت ابچي اكثر
سليمان: شوفي عيونچ صارن لون احمر بلوني المفضل
باوعت عليه و شفته مقهور كلش على موت ابو
گلت خليني اغير شويه من نفسيته احسن