حب شيخ العشيره 🔞🔞

Part 2

كل واحد راح الغرفته حتى ينام گلت الرقيه تنام يمي
لان صارلي هواي منايمه يمها راحت گالت الزوجها
وجتي تنام يمي صارت الساعه 11 بليل كلهم نامو
گعدت على صوت رقيه و هيه تگعدني
رقيه: جوجو جواهر اگعدييي
جواهر: ها خير شكو؟
رقيه: هوه وين الخير
جواهر: ليش شبيچ مطنگره
رقيه: چنتي تصيحين و تضربيني و تگولين وخر وخر
جواهر: بس اني چنت نايمه

هنا عرفت اني ما گاعد احلم گاعده اشوف كوابيس
اعتقد كل هذا من ورا بابا و مرته
لان عذبوني و شوفوني نجوم الضهر و بابا يضربني
يمكن من ورا هذا گمت اشوف كوابيس

لزمت ايد رقيه و نمت گعدت و بدلت نزلت جوه
شفت بنات عماتي گاعدات گعدت يمهن و گمت اسولف
تريگنه و خلصنه گامو يغسلون بالمواعين
اجتي رقيه و صاحتني

رقيه: جوجو بابا يصيحچ بالحوش
هزيت راسي و طلعت بره لگيته
هوه و مرته و فاطمه تبچي دموعها مال وحده مطلقه
هزلي بأيده يعني اتقرب يمه
ابويه: جواهر هسه راح يجي الحجي و سليمان
تجين گدامهم تلغين الخطوبه اذا ما لغيتيها تعرفين شراح اسوي!!
مرة ابويه: من راح تلغين الخطوبه راح اقنع الحجي
و اخلي يخطب فاطمه السليمان
جواهر: اني ادري بيكم تريدون فاطمه تزوجه مو لان تحبه لا حتى تاخذ الورث انتَ و مرتك
شفت بابا راد يضربني چان الباب ينفتح و طب جدي وسليمان اجه بابا صاح جدو و گاله جواهر

تريد تگولك شي من گال هيچ حسيت واحد ضربني بوري قوييي گمت اشوف مغوش و بعد ما اگدر اتوازن
طحت بالگاع گمت اسمع جدي يصيح
و سليمان يحاول يصحيني و مرة ابويه على اساس تصيح و گامو عماتي يتراكضون
حسيت واحد شالني فتحت عيوني و لگيت نفسي بالمستشفى شفت جدي و ابويه و مرته و رقيه چانت كلش خايفه

جواهر: و. وين. س. سليمان اريده
جدي: شبيچ حبيبتي هذا سليمان يمچ
طلع گاعد بصفي و لازم ايدي
جواهر: سليمان اريد ارجع للبيت ما اريد ابقه هنا
سليمان: حجي جواهر ما تريد تبقه خلي ناخذها للبيت
جدي: على راحتكم

رجعنه للبيت وكلهم گامو عليه و يگولون الحمدلله على سلامتي گعدت يمهم شويه و صعدت فوگ انام
رحت نمت و شفت ابويه گاعد يضرب بأمي و ماما
تتوسل بي حتى يعوفها گعدت ودموعي على خدي و بالگوه اتنفس غسلت وجهي وتعوذت الشيطان

اجتي اختي و گالتلي سليمان يصيحني رحتله و شفته
يم جدي شافني سليمان و گال اگعدي گعدت

سليمان: حجي راح اشتري بيت ليه و الجواهر گبل العرس حتى ناخذ راحتنه اكثر
جدي: لا تتزوج هنا حتى اشوف ابن العزيزه
شفت سليمان ما حب يكسر كلمة جدو و يكسر بخاطره

اجه يوم زواجي رحت اني و رقيه و هاي اول مره اشوف ام سليمان امبين عليها چبيره كلش
لبست بدلتي مال عرس و تمكيجت و سوتلي تسريحه اجتي رقيه و گالت هذوله اجمي لبست البرگع و طلعت بره راحت رقيه بسياره و اني و ام سليمان و سليمان و جدو بسياره شفت جدي و سليمان كلش فرحانين
انداريت على ام سليمان شفتها تبچي
جواهر: ها خاله شبيچ تبچين بيچ شي مريضه؟
ام سليمان: هاي اول مره اشوف ابني فرحان ربي يحفظكم ويطول بعمركم
وصلنه للبيت و گامو عماتي يهلهلن و طببوني جوه گعدت و همه يرگصون و يهلهلن و فرحانات