🌛جزء 1🌜
🥳#عزري_دوار🥳
وسط واحد لعروبية..سكان تاعها قلال وكل دوار بعيد على دوار..كينين الأراضي شاسعة داكشي كيختالف فواحد دوار من هاد دواور مجموعين ناسها على طبلة وكيفطرو فطور بلدي ككل فطور مغريبي
بارك"غمس دغمة فزيت ودارها في فومو ":أتي فراااسك لفاميلة تاع لمقدم تيباري جاو
ضاوية:أتاااااا فين شتيهوم هاااو كوراه ولادو على مزيناتهم أتا نااس لمداينة على مزيناتم كيتنا حنا مشوطين تگول خارجين من لفران
بارك:شفتهم جايين لبارح أتي عندو واااحد طفلة شهبة على مزينتا وعينيها زرگين بحال دوك نصارا
ضاوية "خنزرات فيه ": نعلة لله وعليك نوض أشارف لعاقيس نوض عينيك فيها ياااااك أنا مبقتشاي معمرا لك لعين
بهلول كيفطر وطاالق ردارات تاع ودنيه كيتسنط باغي غير فوقاش يشوف هاد لبنت شهبة
بهلول:مي صافي شبعت عنخرج نعاج من لكوري ونمشي نسرحهم
ضاوية:زيدك زيدك عاايش وليدي..
بهلول:لاااا أمواي برااكة
خرج نعاج كيسرهم من لكوري ودار طاگية مدورة على راسو وخشا عود في فمو
بهلول " غادي كيغني وطالق لحلوق" زين ولطاي كولشي كاين عندها فورما كولشي كاين "شوية تفيكساو عينيه ومبقاش كيغني ومشا تخبا ورا واحد لحيط كيطل
كانت بنت خارجة من واحد دار اعلى شكل فيلا بنت زعرة كتلعب بشعرها ليطويل وغليضة شوية مفورمية ولابسة سروااال تجييين مزير وتيشوورط ليگااع صدرهااا كيبان منو حيدات مضاضرها وتجهااات جيهت طنوبيل كتعوج وتلعب بسوارت بهلووول ريووگووو سااالو بكثرة مشداتو سخفة گلس لأرض وهز لحجر وبدااا يشير عليها ويضحك ويرجع يتخبا
بهلول "كيضحك": وااايني بنت لحراام زينة خصني نگولها لولاد دواااار
بقا كيشير عليها والو مكدورش ورجع شاف فلحجر وهي تبان ليه واحد لحجرة كبيرة هي ليتصلاح معاها هزها وناض وقف شير عليها بيها حت تسمع جاج تهرس هز جلاااابيتو وجبد عليها بجراااا موقف حت لقداام دواارهم هي تبااان ليه مووو كطيب فلخبز فلفران تاع طين
ضاوية"كتحمر فيه":ياااالمسخوووط تااااماااالك وجهك حمر فينهم نعاااااج
بهلول "مشا كلس وهز كتافو بمعنى بعدي مني "
ضاوية:أتاااااااا دوي فينهم نعاااااج
بهلول:راااهوما كااايسرحو
بقاااا كالس حت بااانت ليه هازة سندااالتها وجاية جيهو
بهلول: ماااالكي أمواااي
ضاوية:يعطك لغمة يااااويلي على لمسخوووط گالس ليا على لخبز لينهار ومطال ونا نگرس فيه ليوم نحمر لك سوة
🌛جزء🌜2
🥳#عزري_دوار🥳
سي مبارك خارج من دوار ديالو رجل فلخمسينيات قصير ولابس جلابة وهاز جوج فرارج فيدو غادي بيهم لسوق يترزق فيهم لله شوية كتبان ليه واحد لبيكوب كتهز فنعاااج ليكان كيسرحهم بهلول غير شااافوه وهوما يديمرااو عرفهم ولاااد علي وشكووون من غير ولاااد علي لمعروفين كيخااونو نعاج ولبگر فلقبايل مشااو هو طلق تجاج ومشااا تااابعهم ساااع معندو ميتبع خلااااو ليه عاااالعجااج
مبارك معصب وكيشير بيديه":ولله بوووووكم لكلب حت نهنشرركم راااني عاااقل عليكم
دخل لكوووري معصب هز زروااطة ومشااا لدوااار
ضاوية كانت كدق على بهلول
ضاوية:أتاااااخرج يخرجووو فك جنوووون ليوووم نهنشرك يااوليدي يااابهيليل غير وجد عضيماتك ليوم نحمرك تحماار
شوية بان ليها مبارك داخل وهاااز زرواطة
مبارك : تي فيييين هو داك سلگوووط ليوووووم نجيييييف جد بوووووه لكللللللب شتي طربييتك لعوجة مخلي نعاج خونوووهم
ضاوية "ضربااات فخداااها ":هاااوييلي وحدي على تخاااونو
بهلول كان كيتسنط عليه غير سمع باه أش قال عرفها كحالت عليه مبارك وضاوية بداااو يدفعو فدااك لباب وبهلول يدفع حت دفعوووه عليه ودخلووو بقااا عليه هااادي تنفع هااادي ضر حت سلخوه مزيان بديك زرواااطة وضاوية قادية لغراض بديك سنداالة ممخلياش منحقها بالها غير مع لخبز لخسر ليها أما مشافتش هداك لينساتو كيطيب فلفران تشوط وشعلت فيه لعافية مسكين
بهلول"كيحك فقزيبتو لطابت ليه بلعصا":أععغغغعههعغغغعععففغعععععع بااااااااركاااااااا 😭😭😭😭 أععغفغعهههعغتعععع مااااااااي وصااااااافي أععغغعههعععععع
جرو مباااارك من قب تاع جلابة وخرجو
مبارك:من ليوم منااا باك منت ولدي
سد لباب ودخل وضاوية مشااات لفران لقات لخبز شعلات فيه لعافية گلسااات ودارت يديها على راسها
DU LIEST GERADE
عزري الدوار
ChickLitحصريااا 💥💥💕💕💕 جبت قصة قصيييرة منوع كوميدي لشاركت بيها فلمسابقة من صنف كوميدي 😂 هاد لقصة خاصة بليبغااات تضحك وتفوج وتخرج من ستخيس شقااا ولا لعمل ولا دراسة .. كتطلب واحد 20دقيقة ديال لقراءة كنتمنى تعجبكم غنحطها كاملة.. عنوان:#عزري_الدوار #مسموح...
