🌛جزء🌜21
🥳#عزري_الدوار🥳
فإدى لفيلات نااازلة بنت مع درووج ..شعرها مكريبي ولابسة سبرديلة بيضة وسروال تجين مفضفض وقوبية تاع دراري كحلة وكاسكيطة فوق راسها مقلوبة ودايرة بزاااف لخواتم فيدها مشات نيشان لطبلة فين كيفطر فيها باها سي أحمد
صوفيا:صباااح لخير الواليد
احمد"رجل فستينيات قصير ولابس لكوستيم وعندو شوية شعر فجناب وعندو لكرش": بنتي اش هاد لحالة كديري فراسك اش هاد لبس مزال متفاهمتش معاك على لبارح كون نهار نجيبك من لكوميسارية بزااف
صوفيا :نفس لكلام الواليد هاديك حياتي
احمد: رااك بنت ماشي دري واي راجل ميبغيش يشوف بنتو بلباس رجال وحنا عندنا لفلوس وكتمشي تشفري ناس هادي هي تربيتي تاع سنين
صوفيا"نادت من طابلة":مبقيتش باغا نفكر
نادت مشات حيت كتكره ليبقا ينگر عليها خرجات لقات مفجيبها تاريال باها مانع عليها لفلوس بقات كتفكر وهي طلع لبيت تاع سي أحمد هزات ميكة كحلة كبيرة فتحات لماريو وهزات 3لكوستيمات وهزات ساعات لكيدير فيدو نزلات كتسحت خرجات شدات طاكسي ومشااااات لمحال تاع لكوستيمات باعتهم وباعت دوك ساعات وحدات فلوسهم دارتها فجيبها ومشات كرات بيهم طنوبيل
فلعروبية
ضااوية هازة لحجر وكتشير على بهلول..وهو هارب ليها
ضاوية:سييييير الله يعطيك موصيبة كيمااا مشوهني الله يعطيك شوهة
بهلول بان ليه واحد لحيط عاالي طلع فيه وبدأ يتغبن
بهلول:أااعععع وبغييبت نجوج بيها أمي ولا عنتااحر
ضاوية: نتاحر شكون حبسك الله ياربي لله بقا فيا عداك سكر وتجيجات لمشاو ليا
مبارك مشا وتبعاتو ضاوية وفاطنة وعيشة مشاو حت هما وبهلول نزل من داك لحيط وگلس وسط شانطي حت وقفااات عليه واحد طنوبيلة منوع كطكاط
🌛جزء 🌜 22
🥳#عزري_الدوار🥳
قفات عليه ديك طنوبيل..نزلاااات منها صوفيااا وقفاات قدامو كان مشبوح فوسط شانطي ودارت يديها فخصرها
صوفيا:أشريف..نوض تهز عليا منهنا ولا بربي تنخسر لخويا كمارتو
بهلول"مغمض عينيه":غير دوزي فيا أصلا حت واحد مكيحملني
صوفيا"بقات كتشوف فيه بقا فيها ": نوض نوض تهز راه كولنا دزنا من هاد لمرحلة
بهلول"كيغبن":علاااش أنا معنديش زهر كون غير دزتي فيا وتهنيت
صوفيا"تفكرات راسها":أودي حت أنا شنو لخلاك تفكر هكا
بهلول"ناض گلس ": مشيت نخطب ومقبلونيش
صوفيا: و علاش مقبلوكش
بهلول لقاااها من جنات وناس كان باغي غير شيواحد يفهمو ويخوي عليه قلبو عاود ليها كولشي
صوفيا"كضحك" ناااري نت نحس مخليتيه ميقول قدامك شتي بنادم طماااع خاص تكون عندك لحبة عاد يقبل بك فراسك حنا عدنا جوج حاجات كنتشابهو فيها شعر وزهر
بهلول: نتي راه عندك طنوبيلة وبينا فك لباس علك أنا معندي تاباش نقي سني مبقيتش كنحمل هاد لقبيلة حت لمدينة عمري مشيت ليها
صوفيا:أودي راني غير شافرة لفلوس لكريت بيها هاد طنوبيل من عند لواليد عرفتي شنو دخلتيلي لقلبي تمشي معايا نبدلو الجو ومن بعد نمشيو عند واحد خالي غادي دخل ليه لخاطرو
شدات فيه وناض حلات ليه طنوبيل وركب ودارت ليه حزام سلامة وركات على لكسيراتون وطلقات لمزيكة تاع داودية" ياختي غير گاري گاااري طرن طرن ياااحوبي متقديش عليه طرن طرن حداااري يختي حداااري يراني نموووت ونقول عليه ستك ستك ستك" بأعلى صووووت طالقة زدحة و كتشطح معاها وضاربة دنيا بركلة وزادت فسرعة وهو طريق كاملة وهو شاد على قلبو حت من إشارة لمرور كتقطعهم وهو خايف غير تقلبو فشي بلاصة بديك سرعة بقاو غادين وبهلول ساهي فلمدينة وكيشوف لبنات ولعمارات بقا غيرةحال فمو كان كيجيب ليه الله كان مدفون فشي بلاصة عاد حية وقفو قدام واحد ريسطورو نزلات حلات ليه نزل ومشات وهو تابعها وساهي فعباد الله وشنو لابسة ونضام ونقاوا گلسات وحت هو گلس
صوفيا:أشنو باغي تاكل
بهلول"باقي ساهي مع ريسطورو":ليكاين ناكلو بغيت غير نشبع كرشي مزيان من ديك لفقصة تاع قبيلة
صوفيا:حت نت ضرب دنيا بركلة ولدرقك بخيط درقو بحيط مهم حت أنا فيا لموت تاع جوع
DU LIEST GERADE
عزري الدوار
Chick-Litحصريااا 💥💥💕💕💕 جبت قصة قصيييرة منوع كوميدي لشاركت بيها فلمسابقة من صنف كوميدي 😂 هاد لقصة خاصة بليبغااات تضحك وتفوج وتخرج من ستخيس شقااا ولا لعمل ولا دراسة .. كتطلب واحد 20دقيقة ديال لقراءة كنتمنى تعجبكم غنحطها كاملة.. عنوان:#عزري_الدوار #مسموح...
