🌛 جزء 🌜 27
🥳#عزري_الدوار🥳
صوفيا"فرحات":خالي واش غتخدمو معاك
سعيد:هو ابنتي مقاريش ولكن غادي يخدم فلمعمل بيما ولا تيقرى ويعرف تسيير شاركة منهنا لشي عام
بهلول"حاني راسو":الله يكثر خيرك أسيدي كملو فطورهم بهلول وصوفيا وركبو فطنوبيل مشاو لشركة ولكن غير بلاصة المعمل وجا عندهم واحد راجل.
دخل بهلول ليغير حال فمو تقول عمرو شاف نعمة الله وعطاه واحد لائحة يبقا يقيد فيها غير سلعة لدخلات حيت بهلول قاري غير حت لبتيدائي يعني كيعرف لحساب وصوفيا مشااات ترجع طنوبيل ليكراات..
ضاوية ليل كامل وهي فايقة كتفكر فبهلول وخا قالت هوكاك لعيشة ولكن لكبدة صعيبة صبح لحال ومشا مبارك يقلب عليه مخلا تاقنت فلقبيلةة ورجع عندها
مبارك:والو ملقيتوش مخليت تاقنت
ضااوية:ضربات في فخادها":أويلي على ملقيتيهش أويلي وزغبي فين سد نوض نوض نجمعو اهل لقبيلة ونقلبو عليه
ناااضت لبسات جلابتها وناضو جمعو اهل لقبيلة بكبيرها بصغيرة حيت اهل لقبيلة قلبهم كبير وعزاز على بعضياتهم كولشي بدا يقلب من قبيلة لقبيلة..
#فلمدينة
ضربات ساعة لوحدة وصل وقت لخروج تاع لعمال وحت هو خرج كانت صوفيا مربعة يديها وكتسناه حت خرج عندها
🌛جزء🌜28
#🥳#عزري_الدوار
ضربات ساعة لوحدة وصل وقت لخروج تاع لعمال وحت هو خرج كانت صوفيا مربعة يديها وكتسناه حت خرج عندها
صوفيا:هاااي هاااي ساط وليتي خدام
بهلول: هدشي كامل بسبابك وخا ندير لدرت عمري نرجع لك هاد لخير
صوفيا:زيد نتغداو فشي بلاصة راه ختك فيها جوع
بهلول : فينعي طنوبيل
صوفيا:كنت غير كارياها غنمشيو غير على رجليها
بهلول"معجبوش لحال"
صوفيا :صافي لقيتها زيد تبعني "
مشات قدامو وهو تابعها حت وقفات على واحد لبنت جبدات موس وديك لبنت ولات كتقفق وبهلول ولا كثر من ديك لبنت ولا غير كيسرط فيريقو
صوفيا:حطي داكشي ليهازة ولا كمارتك ميلقاو ميجمعو فيها
لبنت"كتقفق"':ختي..ع ع...ف.
مخلاتهاش تكمل وخطفات ليها صاك بدات تبقشش فيه ملقات فيه والو من غير ربعمية دريال لاحتو عليها
صوفيا:شدي شدي..وجه لفقر
لبنت مشات وهوما شدو طاكسي بديك لفلوس وقفو قدام واحد ريسطورة ودخلو طلبت لحووت ولعصائر..بقا. هادي تنفع هادي ضر زعمة هي وبهلول جيبيهم غير لماكلة يحمرو لك وجهك..
صوفيا:مهم غنمشي لطواليط ونرجع
مشات لطواليط دخلات قدات حاجتها حت بانت ليها شي بنت كتماكي هي دور ديك لبنت وبتاسمات
تورية:صوفيا هادي نتي "بداو كيتسالمو"
صوفيا:تورية فين هاد لغبور اساطة
بقاو كيهضرو وبهلول وقف عليه سيرفور
سيرفور:,الله يخليك لخلاص
بهلول"غير حال فمو بحال ضبع": هااااا
سيرفور:لخلاص أسيدي..لفلوووس تاع هدشي لكليتي
بهلول:لخلاااص عند صحبتي أنا معنديش
سيرفور : أسيدي مشغليش فهاد صحبتك أنا بنتيلي غير نت دبا غتحط لفلوس ولا غنعيط لبوليس
بهلول"بغباء":معنديش
سيرفور:ادن غتغسل لماااعن
بهلول"سرط ريقو وحرك ليه راسو بأه"
مشا سيرفور وتبعو بهلول دخلو لكوزينة وراه طباسل وخرج بهلول معرف من يجي لدوك لماعن يجي يهز طبسيل يتهرس ليه بقااا عليهم غير هرس هرس حت شخشخ ليهم لميعنات
DU LIEST GERADE
عزري الدوار
ספרות לנערותحصريااا 💥💥💕💕💕 جبت قصة قصيييرة منوع كوميدي لشاركت بيها فلمسابقة من صنف كوميدي 😂 هاد لقصة خاصة بليبغااات تضحك وتفوج وتخرج من ستخيس شقااا ولا لعمل ولا دراسة .. كتطلب واحد 20دقيقة ديال لقراءة كنتمنى تعجبكم غنحطها كاملة.. عنوان:#عزري_الدوار #مسموح...
