🌛جزء🌜13
🥳#عزري_الدوار
زوهير مشا هارب منها وهي تبان ليه عيشة بحال شي ملاك وقف بقا كيشوف فيها ويبتاسم حشمها وغمزها وهي هبطات راسها حشمانا شافها مشات ورا شي حيط وتبعها شدها من كفها
عيشة"حشمانة":أويلي طلق دبا يشوفك شي حد
زوهير"كيقاد فمضاضرو":جيتي زوينة
عيشة"ولا وجها حمر": حت نت
زوهير: هههههههه ربي ربي نتي أول وحدة كتقوليا هاد لهدرة
محسش براسو حت نزلات عليه شي دقة لراس
فاطنة" هبطات عليكهن بداك لعكاز بلعصا" :وناااا ثاني وحدة ليووم غتحنشركم مبقتووشاي تحشمو وليتو تقنتو ليا ورااا لحيوط ليووم أعويشة نگولها لبااااك
زوهير هرب وخلاها مع عيشة
بهلول قتلو لملال وهو يرجع كيطل على حياة ليطلع ليها زفت نادت عندو وغمزاتو يتبعها وهو تابعها فرحان والفرحة غتقتلو مشاو ورا لحيط
حياة:واااش نت صافا با مالك مريض كطل وناس كتشوف عفيما مشيت لقاك لاصق فيا غلقاك هاد لمرة تابعني مغيعجبكش لحال وهنا كنعلمك
بهلول"كيشوف فيها ببرائة":بغيت نگوولك واحد لحاجة
حياة"ممسالياش لك جات ماشية وهو ينطق
بهلول: أنا وليت كنحبك
دارت عندو كضحك
حياة:ههههههههه ضحكتيني سير سير قبل ميشوفك با
بهلول "داير فيها واعر": أنا أصلااا مكنخاافش منباك مااالو كيخراها واقفة أنا كنحبك نتي ومعندو ميدير
حياة بدات كنمشي ليها ضحكة وتخطف لونها كتشوف ورا بهلول كان باها واقف
بهلول "شاف فلخيال وهو يبان ليه جلابة ورزة عرفو باها بدأ كيسرط فريقو:عرفتي بااااك لله يعمرها سلعة كنحبو من قلبي وشحال تتعجبني هيبتو "درب عليها بجرية وتهامي كيخنزر فبنتو"
🌛جزء🌜14
🥳#عزري_الدوار🥳
فاطنة بركات على عيشة بلقريص ونگيير حت شبعتها معيوور ورجعات لقات لعيالات شطحو ورجعو لگراج ليفيه لگوامل..دخلات عندهم كتعكز
طيابة"خسرات وجها":أويلي جاتني تجاجة ناقصة
ضاوية: أويلي ولااااو يخااااونو حت تجاج هاااو
فاطنة"كتسنط ودور فعينيها": وراااني حصلت واحد طفل عور داخل كيحل فداك دجاج من شافني زدت ليه بلمعيار هز دجاجة فيدو لخانز ومشا
سعدية: هاااويلي تاهاااد طفل عاقلة على خنشوشو
فاطنة"خايفة توريه ليهم وتجيبها فعضامها عارفة ولاد ليوم ميخليوهاش فك": أبنيتي راني شرفت مبقتشااي عاقلة عليه ولا فيا داك سميتو زهيمر
ضاوية:ديرو عين شافت وعين مشافت حيت لساقت لخبار لطيفة مغيعجبها حال وهدا نهار ولدها مسيكين خليها تفرح
بقاو كيهضرو حت دخلات مرة أربعينية طالقة شعرها ولابسة سروال تجين وفوقو قميجة وهزا ساك فيديها بقاو كيشوفو فيها ويغمزو فبعضياتهم
أمال:أش هاااد لحالة واش هاد روينة هادي بلاصة طيابات فقط نتومة بلاصتكم فلبيت علاش مجموعين هنايا
فاطنة: ابنيتي هنا جينا زعما نعاونوهم لاناقصهم شي حاجة( دايرة فيها زعمة راه كتعاونهم 🤣)
أمال: هدا سميتو لهماج الحاجة
ضاوية: لهيماج هو لعايشة فيه تي بغااا تمنعينا حت من كوزينة جارتنا وبااااش من صفة سايرة تدوي تي شكونك بعدا
أمال "كتعوج": أنا بنت خال لطيفة نتي ليباش من صفة كتدوي معايا هكا معرفتش علاش ناس تحضرو ونتوما باقين عايشين لجهل
نادت ضاوية كتگفض فجلايلها
ضاوية : أش قلتي ابنيتي
أمال"بقا كتعوج":كيف سمعتي الحاجة
ضاوية تلاحت عليها بنتفة وطيابات ناضو يفكو وفاطنة هازة عكزها وگالسة تخور فيها ملور
DU LIEST GERADE
عزري الدوار
Chick-Litحصريااا 💥💥💕💕💕 جبت قصة قصيييرة منوع كوميدي لشاركت بيها فلمسابقة من صنف كوميدي 😂 هاد لقصة خاصة بليبغااات تضحك وتفوج وتخرج من ستخيس شقااا ولا لعمل ولا دراسة .. كتطلب واحد 20دقيقة ديال لقراءة كنتمنى تعجبكم غنحطها كاملة.. عنوان:#عزري_الدوار #مسموح...
