((گحيلة سلف))
_بقلمي/لبـوة
_گحيلة/مر على عرسي من بدر 9اشهر.
_بدر:گحيلة سويلي اكل
_گحيلة:اي كايمه،كمت سويتلها واطيته اله.
_فرحه:ولج گحيلة عليش ماغسله الملابس
_گحيلة:ها هسه رايحه اغسلهن،مشت اغسلهن مليت اربع وعشرين ساعه بس شغل شني وهاذا بدر شبعني ضيم.
رحت غسلتهن وشريتهن ،،للعصر اجتني عمتي
_فرحه:امشي وياي للبستان انا مابيه حيل احش
_گحيلة:رحنا أنا وياها هي كعدت واني حشيت خلصنا رجعنا للبيت شوي واجه اخوي عليه طلعت سلمت عليه
_محسن:هلا خوية گحيلة اشلونج
_الحمد الله أنتِ اشلونگ
_الحمدلله،اجيت مار هنا وكلت اشوفج
_ها هلا بيگ
_محسن:يلا انا هم يلا اروح
_گحيلة:الله وياگ،هو راح وانا حامل بشهر الـ9 بلكوه امشي رحت اتاحيتلي شواي
_فرحه:ولج شني عليش مامسوية عشة
_گحيلة:بطني موتتني وكلت ارتاحلي شواي،واكوم
_فرحه:ياع ولج شني شوي وتكومين هسه يجي بدر يكلب لبيت عليج كومي يلا
_گحيلة:هي شني بطني موتتني ماكدر اتحرگ.
هي راحت تدردم، واني ماكمت ماحس الا وبدر يصيح
_بدر:گحيلةولجج شلون تحجين ويا امي هيج
_گحيلة:بعدني ماحجيه شي وهجم عليه موتني تموت اريد اتحرگ ماكو،متت من البجي
_بدر:كومي يلا كومي سوين عشة.
_گحيلة:كمت بيه مابيه سويت ورجعت لفراشي ابجي، وفزيت ع وجع بطني متت اكعد بي ماكو رحت لعمتي
_فرحه: ها ولج شبيج
_گحيلة:موتتني بطني راح اجيب
_فرحة:روحي سوي ريوگ وبعدين اخذج
_گحيلة:عرفتها خبثت رحت بلكوه سويته ومتت بجي لحد ماحسيت مي ينزل عليه وهي كاعده تاكل،كمت أصيح متت
_فرحه:ياع ولج اصبري بس اجيب عباتي واجي،يلا ولج كومي
_گحيلة: رحنا لوحده بالمنطقة جيب راحت روحي يلا جبت
_جده: ولد ولد اجاكم
_فرحه:يا خوش جا الج هدية مني
_گحيلة:رجعت للبيت مطلت وشوي ويجون اهلي
_شتله:يا يمه بنتي الحمدلله على السلامه
_الله يسلمج
_لالة:لفرخ شسميتو
_بدر:سميته فاروق
_لالة:موش حلو
_گحيلة:امي خزرتها وهي سكتت،وهو ضل يباوع
_لالة:شني اشو جسمج ازرگ هاي جيبتج لو كاتلتج
_بدر:لا بس وكعت البارحه
_گحيلة:غير الموضوع وامي ضلت تباوع لاتكدر تحجي بس تباوع عليه شوي ومشوا،ومشت الايام اني حبلت ع أربعين.
وجبت جبره وراها جبت نوعه
_فرحه:اخوج مرته ماحبلت
_گحيلة:لا بعدهي
_فرحه:خاف مثل محسن هم مايخلف
_گحيلة:مشيت للحشيش خلصت ورجعت للبيت لكيت نوعه ميته بجي بدلتلها ونامت عمر نوعه شهرين كاعده اطبخ واجتي عمتي هاده عليه
_ولج عليش ماخابزة لهسه
_هسه بس اخلص الغدة
_ياع ولج أنتِ وين جنتِ انا مو كتلج تسوين الغدة وتولين للحشيش
_گحيلة:تعاركنا اني وياها ومنا نوعه تبجي كمشتها من شعرها سحلتها وأخذت نوعه وشردت لبيت اهلي…..يتبع.
+بنات تنزيل بالاسبوع 3 بارتات.
_لاتنسون تصويت 💓
_علقوا بين الفقرات لطفاً💓.
أنت تقرأ
گحيلة سلف
Historical Fictionاتقوا الظلم فإنه ظلمات يوم القيامه ، ودعوة المظلوم لا ترد فهي ليس بينها وبين الله حجاب قد حرم الله تعالى الظلم على نفسه وجعله بين عباده محرمًا ونهاهم أن يتظالموا.
