((گحيلة سلف))
_بقلم/لبوة
_تعليق بين الفقرات لطفاً🩷.
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
مزعلني ولا الك غرض بغيابي
هاي الهاضمتني وغمجت اصوابي
_امامة:الوو منو
الوو منوو تحجي لو اسد تليفون،،ماكوو صوت محد يحجي!!
لحد منسد حضرت رقم وعفته،،وينن يلا اجو اهلي اجتي روان بت عمو وهي اسينات بس يبسبسن،،صبينه العشاء،وكاعدين ناكل حجت روان.
_روان:أكلك كرار
_كرار:كولي
_روان:عدي كم موضوع مافاهمتهن من رياضيات عادي تشرحهن الي
_كرار:اي عادي بس اخلص عشاء تعاي أنتِ واسو.
_روان:خوش
_امامة:بلكوة سكتت،خزرتهن ثنينهن ومن خلصنا عشاء غسلت المواعين.
_اجتي اسو وروان تتموع بمشيتها ياخذن مي.
_اوكفنن
_شكوو
_امامة:شوفن روحي واصله هنا،واشرت ع خشمي،،هسه إذا اكمشجن ولزك راسجن بالحايط أحد يكلي ليش لاا،شكد شفت خفيفات بس مثلجنن مشفت عياراتت أصلاً الموضوع تحجن علي بعدنا مماخذي،وسبعة الي بيجن تروحله.
_حجيتها ومشيت اعرف لي يدور بالهن،،ثاني يوم بالمدرسة كاعدين واسو متحجي وياي عود لأن رزلتهن البارحه اجتي سيدرا سلمت وكعدت يمنا كامت تسولف هي واسو من خلصناا دوام خطنا بعده مجاي وكفت سيدرا
_سيدرا:امشن وياي
_امامة:لاا،شكراً هسه يجي خطنا.
_نزل من سيارة ولد وصاح عليه يلا تأخرت.
_سيدرا:هسهه بس دقيقية يلا امشن ترى ازعل.
_امامة:اسو سكتت واني ضليت صافنة لأن المدرسة فرغت والبنات أغلبهن راحن،،اخوها قرب سيارة ونزل جامة وحجه
_يونس:اصعدي عيوني يلا ترى مناكل بشرر.
_امامة:استفزني حيل،،جريت اسو ومشيت صاحت علينا سيدرا عفناها ومشينا،واجه ابو الخط صعدنا ويا نزلنا من الخط رفعت رأسي واجتي عيني رأساً ع الولد الواكف بصف كرار عيونه تلمع بشمس،،هو باوعلي ودنگ واني فتت ضليت افكر بالعيون،ماما تحجي وياي واني بغير عالم سبحت وصليت كعدنا نقرأ وين يلا نزلت العصرر يم ماما كاعدين بالحديقة ودت كرار للسوگ واسو لزكت الا تروح سديت الباب وراهم وصعدت اقرأ سمعت عياط امي……
______________________________________
_اسينات:رحنا اني ويا بعدنا خلصنا مسواگ راد يوكف سيارة
اوكفف
_كرار:ها
_اسينات:خلي نرجع مشي.
_كرار:مشيي شني ولج تعبان وفوكاها انتِ حتى مشىلتي شي وياي جا المن اجيتي وياي؟
_اسينات:زلمة جيس حب كم علاكة مكدرت تشيلهن
_كرار:انجبي لا تخليني هسه اعلي صوتي بشارع
_اسينات: لا والله يعلي صوته خفت شوفني جاي ارجف.
_كرار:مو صوجج صوجي اني جبتج وياي ورايح تريدين تعاي وياي،ماتريدين طبج طوب
_اسينات:من غلط عليه ماتحملت ومنا ابو المحل مشغل اغنية حماسية اني هنا ماكدرت اسكت هو مو واكف وطب ع ظهرة صارت ضربة وهو معباله اضربه،وكع بتراب شفته كام بس شنو عيونه حمر صارت واني رفعت الجبة مالتي وركض أركض وهو يركض ورايي بشارع والعالم تباوع علينا رفعت شالي غطيت وجهي حتى محد يعرفني ويا ماركض عثرت وكعت وايدي صبت دم متت من الوجع هو من وصل عبالي راح يكومني اشو هاذا
_كرار: هههههههههههه حللل
_اسينات:شكد متستحي
شبيكك كرار ايدي موتتني من الوجع
_كرار:كون مكسورةةة،حلل يلا امشييي وانيي اعلمج بالبيت شلون تمدين ايدج عليه امشي يلا.
_اسينات:مشيت أعرج وايدي متت منها من وصلنا مالكينا المسواگ اباوعله ضل يتلفت منا ومنا من شاف ماكو احد ماحس الا وضربني ع وجهي،،كمشت خدي مصدومة اباوعله،،وهو عافني وراح للسوك كعدت بالكاع يم مجديةوهدومي كلها تراب وكعدت ابجي العالم عبالها مجدية وياها والتمت العالم علينا واني اصرخخ وهي تكول،للعالم.
_زوجها ذبها بشارع ويومية يكتلها وشبعها كتل وكامت اجذب ع نسوان تدعي علي وياها ،، شفت كرار اجه مسوك من جديد اكو مجدية جانت كاعده بعيد. مو شافت العالم ألتمت،اجتي تغلط عليها وتعاركن ثنيهنن وتدعي صارت هوسة واني سحبت نفسي وعفتهن يتعاركن كرار وكف سيارة وصعد واني صعدت ساكتة وهو ولاجنه يعرفنيي أصلاً،،نزلنا نتمشى البيتنا وشفنا شرطة واكفه بالباب……يتبع.
_نجماتي
لا تنسون تصويت🩷.
أنت تقرأ
گحيلة سلف
Narrativa Storicaاتقوا الظلم فإنه ظلمات يوم القيامه ، ودعوة المظلوم لا ترد فهي ليس بينها وبين الله حجاب قد حرم الله تعالى الظلم على نفسه وجعله بين عباده محرمًا ونهاهم أن يتظالموا.
