في بيت ابو نواف فى شقة نواف و زوجته وسن :
انفجررت الاحاسيس بين نواف و وسن في مشهد تملؤه العواطف المتضاربة .
وسن بعيون مليانة دموع و العصبيه قالت بصوت عالي بوجهه نواف : انتتتت حقيررر !!! اكرهك اكرهكككك.
وهي تضرب على صدره ويدها ترجف كل ضربه تعبر عن خيبة املها و المها .
نواف الي ملامح وجهه ثابته وقاال بصوت عالي : انتي صغيرهههه وتعرفين ان عمرك ١٩ وانا ٢٦ ولا ابي اظلمك معاي وتعرفين إني أخذتك بسبب أبوي.
نزل راسه نواف وعيونه فى الارض
وسن بقهرر قالت : حسافة حبي لك بس.
انتهى كلام وسن وهي تناظر نواف الي لف ظهره والقسوة فى صوته وقال : انتي طالق طالق طالق !
تقدم نواف وهو يفتح باب الشقه حتى بدون ما يقول شي لوسن الي وقفت مصدمه وهي تناظر له لين اختفى من قدامها لفت وهي تحس كل شي حولها وقف طاحت على السرير وهي تشوف الدنيا تدور فيها
فى الصالة :
نزل نواف وهو مسرعع و معصب لكن وقفه صوت ابوه وهو يقول ؛ نواف
لف نواف وهو معصببب : سم
ابو نواف بشك ؛ فيك شي وانا ابوك
نواف : لا بس طلقت بنت عمي كلهه بسببكك انت و عاداتك تعطيني بنت تو صغيره وتعرف اني مو جاهز
ابو نواف بعصبيه : اعقببب يا الي ما تستحي تطلق بنت عمك اعقببب صدق
نواف بقهرر : هذا الصدق تبي تصدق زين ماتبي ابرك
انهى كلامه نواف و طلع وهو مايرد على صوت امه وهي تناديه وتقول ؛ نواف نواف زوجتك مغمى عليها فى الغرفه
ركب سيارته نواف وحرك المحرك بسرعه و داس على السرعههه بقوة جنونيه وكل ما يتذكر كلامه مع وسن يدوس بسرعهه اكبر
-
تعريف الشخصيات :
عائلة ابو نواف :
ابو نواف : أبو نواف، رجل كبير سن لكن مو واضح عليه مره ، شخصيته قوية ومحترمة بين الناس. شيبة رأسه تزيده هيبة ووقار. قصير شوي بس جسمه متين يعطي انطباع إنه قوي وصلب. دايم يلبس الثوب الأبيض والشماغ المرتب، ويحافظ على مظهره نظيف ومرتب. يحب الجلسات الطويلة مع أصحابه وهو معروف بحكمته ونصايحه اللي دايم يفيد بها الشباب.
ام نواف : أم نواف، مراة بيت تقدّر وتحترم في ديرتها، وجهها دايمًا مبتسم وكلامها لين يريح القلب. تلبس عبايتها وشيلتها بأسلوب مرتب، وتعتني ببيتها وعيالها بكل حب وحنان.
نواف : نواف اكبر عيالها وهو شرطي عمره ٢٦ سنة، يمتاز بجسمه المعضل وشكله الضخم اللي يظهر قوته وتدريبه المستمر. طويل وعريض الكتفين، كأنه جدار صلب قدام اللي يقابلونه. لونه بشرته أسمر شوي، ذو هيبة ووسامة خاصة. عيونه الفاحصة تدل على ذكاءه وانتباهه لأدق التفاصيل، وابتسامته الواثقة تضيف لمسة من الجاذبية لشخصيته القوية و غيوررر .
ميسم : أخر إفراد العائله، بنت صغيرة عمرها ١٩ سنة ، طويلة ورشيقة، دايم تبتسم وفي عيونها لمعة شقاوة وذكاء. تحب تلبس عبايه و عايشه فى الديره الي تحس انها تكتمه من كل شي وشعرها دايم مرتب بطريقة تظهر جماله. تحب تساعد أمها في البيت وتعشق بنت عمها وسن و دلوعههه و مزيونهه فاتنه ب جسمها.
.
عائله ابو رائد :
ابو رائد؛ اخو ابو نواف ويحب اخوه مرهه ويعزه و أبو رائد، رجل أصيل يعشق ديرته. قصير وجسمه ممتلئ شوي، دايم يلبس الثوب والشماغ بكل فخر. معروف بحبه للقهوة والمجالس اللي يجمع فيها أهل الديرة .
ام رائد ؛ اوه أم رائده، وحدة حنونة وقلبها كبير، تعشق عيالها و تدور دايم سعادتهم. دايم هي كريمه وتحب تجمع الحريم في دارها، تنبسط بضحكهن وتحب تسمع أخبارهن وتسولف معهن .
رائد : رائد، عمره ٢٧ الشرطي اللي يشتغل مع ولد عمه نواف، شخصيته قوية وعصبي، حاد الطباع ما يحب يمشي الكلام على غير هواه. ولو كان عصبي بالدوام، بس عند أهله غير، يهتم فيهم ولا يقصر، خصوصاً مع أمه اللي هي كل حياته. وبعد، رائد غيور جداً، يحب يحمي أهله وخاصة إذا أحد طرى على طاريهم.
ليث : ليث، عمره ٢٤ سنة، ما كمل دراسته لأنه أكثر شي يحبه الوناسة والطلعات . ما يهمه ابوه والتزامات، وهذا الشي ينقهر منه أبوه ويقول إنه غسل يده منه. لكن ليث قلبه طيب، يحب أخته وسن حب كبير، خصوصاً يعجبه لسانها الطويل ليث مو موظف ابوه معطي بقاله فى الديره عشان يشتغل اي شي .
وسن :، بنت جميلة مرة، جسمها يجنن، شعرها طويل وعيونها وساع. عمرها ١٩ سنة وتحب الأغاني كثير، دايم تسمع وترقص على كيفها. شخصيتها مجنونة وحيوية، ما تحب أحد يتحكم فيها أبداً. تحب تعيش حياتها وعلى راحتها، وكثير من الأوقات تلاقيها نايمة لأنها تعشق النوم.
قمر : اسم على مسمى عمرها ١٧ مراهقه تحب الاكشن و تعشق اختها وسن عشانها جوها نفس الشي وتحس انها راح تلاقي فارس احلامها ينتظرها على الحصان احلامها كبيره مرهه و اختها تطقطق عليها .
.
عائله ابو ريان اخو ابو نواف و ابو رائد عايش مع عياله و زوجته فى امريكا .
ابو ريان ؛ انسان عصبي جدا يكرهه المزح و قوي الشخصيه و يحب اخوانه ويعزهم مرهه انسان بسيط.
ام ريان ؛ حنونه مرهه على عيالها لكن تكره الديره فى هي السبب الاساسي انهم فى امريكا .
ريان ؛ عمره ، ٢٥ مو راضي عن العيش فى امريكا وبعده عن الديره لكن تعود لانهم جلسوا فيها سنتين لكن ما تاثر منهم رجال و شهم و قوي وحاد الطباع مايحب الف و الدورن كان ضابط لكن ترك شغله بسبب نقلهم
جوليا : عمره ، ١٨ دلوعههه لبعد حدد عسولهه مرهه وطيوبه تلبس عبايات ملونه ولا تلبس نقاب و عايشه براحه و مستانسه با امريكا مره
عزوز ؛ عمره 6 سنوات نشبه و ملقوف لكن حبيب العائله
.
اذا في اخطاء املائية فى اعذروني بحاول اني اصحح ❤️
