فاطمه: ضليت ساكته مانطيت رد فعل بسرعه كمت لغرفتي وسديت الباب كعدت ع جربايه لميت رجليه لصدري ونزلت دموعي لا اراديً وعرفت هوه الي جاي يخطبني وكلي وافقي فتحت التليفون ودزيت مسج
-وين تريد توصل لو تموت ما اوفق... وصلت الرساله بس ما فتحها قفلت التليفون وطفيت الضوه ونمت وابد ما كعدت لحد الساعه بـ7 كعدت على دكه الباب
غدير: فاطمه افتحي الباب
فاطمه: كمت فتحت الباب.. ها
-شبيج ترا بابا مستحيل ينطيج ليش هيج اسوين بنفسج
-مابيه شي والسالفه مو مهمه حته انشغل بيها
-تمام تعالي تعشي
-روحي وراح الحكج.. راحت غدير واني رحت غسلت ونزلت تعشيت وبلعشه ماما حاجت بابا
علياء: عباس اليوم اجن نسوان يريدن فطيم
عباس: شيردن منها
علياء: هاذ هم سؤال يخطبنها
عباس: كليلهن بعدها تدرس
علياء: كتلهن وبعدهن مصرات عليها ونطني رقمهن حته اردلهن خبر هليومين
فاطمه: بدون ولا كلمه وبابا يجاوبها بكل برود حته مسئل ع الولد بسرعه رفض... سئلتوني اذا اني اريد لو لا؟
عباس: بتفاجئ.. تردينن
-لا انطوني مهله افكر
عباس: يعني انتِ تردين تعوفين دراستج وتزوجين
-ليش شكو بيها ماما مو هم تزوجت خليني افكر بعدني اجوز ما اريد.. سكتو واحس الكل يباوعلي هفت العشه وكمت ضليت ابجي وادعي عليه من كل كلبي رحت لزمت التليفون لكيت مسج منه
علي: اريد اوصلج لتستعجلين ع لو تموت ما اموت بعد وكت
فاطمه: شبيك انتَ مريض روح شوف دكتور نفسي تعالج.... بسرعه رد
علي: انتِ علاجي
فاطمه: ما... الله عليك عوفني مستحيل يصير الي تفكر بي
علي: ما اريد شي منج بس وجودج يمي كافي
فاطمه: شتستفاد يعني انتَ ترتاح واني لا
علي: والله اخلج ترتاحين ومتندمين بس وافقي
فاطمه: اريد نحجي
علي: شنحجي
فاطمه: تعال اريد اشوفك واحاجيك
علي: احلى من يريد يشوفني وين تردين
فاطمه: شدراني شوفلك مكان واني اجي
علي: تعالي....... انتضرج هسه
فاطمه: كمت بدلت بسرعه ونزلت ومحاجيت واحد بسرعه طلعت رحت للمكان الي كال جان مكان شبه مهجور دخلت واتلفت البيت جان صغير خفت وصحت... علييي.. ماكو رد... علي لتخوفني وينك.. ماكو اي رد.. علييي..
