- حاولت اقاوم وادفع بيده بقوه واحاول ما اتنفس بس مكدرت اختنكت سحبت النفس وصار ضلام دامس ماحسيت ع نفسي كعدت راسي يئذيني يريد ينفجر اريد احرك ايدي احسهن مربطات ورجليه كذالك عيوني كوه افتحهن باوعت اني بغرفه شبه مهجوره مابيها شي حته شباك ماكو عباره عن اربع حيطان واني مربطه بكرسي خشب ومحد يمي صوتي مبحوح راسي يريد ينفجر حاول اصرخ عسى وان احد يجي.... سااااعدووونيي منووو هنااا.. ضليت اصرخ وابچي بهستريه وصوتي مبحوح حسيت خطوات قريبه صارت يم الباب صوت المفتاح انفتح الباب ودخل ولد ملثم بس عيونه طالعه شكله يخوف طويل كلش وضخم وصوته خشن كمت ارجف واحجي بكلمات متقطعه
- ش. شتريد مني. والله ممسويه شي عليك الله عوفني طلعني منا
-اشششش ماريد ملحه زايده تراا تصير مو خوش
- بس كلي اني شمسويه وليش هنا
- السالفه مو يمج ابوج هوه البده
- ابوي ممسوي شي طلعوني منا والله بابا راح يلكاني ويخليكم تخيسون بل سجن..ضل يضحك بستهزاء
- ههههه خوش خنشوب بابيتج يلكاج صدك... وكلامي ما اثني حسج ما اريد اسمعه تراا اتعامل وياج بغير طريقه
- عافني وراح واني متت من البجي واناشغ احس روحي تريد تطلع وافكر بابا شمسوي وادعي احد يساعدني ويطلعني من هلمكان الي ما اعرف اذا جان مسكون او شنو بي لحد وره ساعه والباب انفتح دخل نفس الولد وهم ملثم بس عيونه طالعه ولابس كلشي اسود جايب صينيه بيها اكل وكلاص مي
- راح افتح ايديج ورجليج بس اي حركهه غلط اني ممسئول ع راح يصير بيج افتهمتي
- ما اريد اكل اطلع... شفت عيونه انكلبن حمر ويحجي وهوه صاك ع اسنانه
- كلمتي ما اثنيها وتاكلين غصب عليج
- احول ابين اني مخايفه.. شنو هيه كوه متفتهم كلت ما،،،، اريد
- بكيفج بعد ضلت يمج لأن اذا ما اكلتي تضلين منا الباچر هيج وكت يله تاكلين وتشربين
- ميته جوع وميته قهر وميته خوف وكلهن بيه ومعرف شحجي وشكول التزمت بسكوت تقرب مني وفتح ايدي باوعت ايدي بيهن طبع الحبل صاير احمر ورجليه كوه احركهن.... اريد اغسل
- تعاي وراي بس لاتتحركين حركه غبيه بلعباس الكفل زينب تعمين ع روحج جاي اتعامل وياج بلطف وجهي الثاني ما اريد تشوفينه الا اذا أصريتي
- يحجي ويهدد واني ارجف طلعني ويا جان البيت صغير مو كلش جبير وبي غرفتين الغرفه الاني بيها وغرفه ثانيه والمطبخ مقابيل الغرفه الاني بيها وصاله صغير كلش والحمام ع اليسار من الغرف
- يله ادخلي انتضرج
- لا روح اني تجي وحدي لتوكف هنا
- لتلحين راح اروح للمطبخ
