- انصدمت وبنفس الوقت طرت من الفرح بابا جاي يتصل بسرعه رديت واني فرحانه مشتاقتله
عباس: الو ها بويه شلونكم
فاطمه: هلا بابا احنه زينين وانتَ
- هلا يبعد عمري فطومه اني بخير اذا انتم بخير
-بابا مشتاقتلكك شوكت تجي
- اني اكثر انشالله ماضل شي بس هلايام وانزل.. باباتي فطوم وين امج
- هاي يمي احجي وياها... انطيت التليفون لماما حجت ويا.. كمت لغرفتي دخلت سبحت ولبس شي خفيف اختنك من الاشياء الثخينه حطيت راسي ع المخده وافكر لحد منمت كعدت على صوت امي
علياء: يله يمه فطومه كومي هميله تتريكين تبدلين
- اي يمه كايمه بس ثواني
- انجبي بسرعه اتحركي يله
- كعدت على حيلي وافرك بعيوني امي طلعت واني رحت للحمام غسلت وطلعت امي مسويه ريوك بيض سلك واجبان... كعدنه تريكنه وبدلت ومشطت شعري سويته ذيل حصان جان شعري سرح ميتعبني بسرعه طلعت لكيت اليا(صديقتي) منتضرتني ضلينه نمشي ونسولف اتفقنه بنهايه الاسبوع نطلع احنه واصديقاتنه البقيه... ووصلنه المدرسه دخلت راجعت بساحه ونةب دك الجرس للصفوف دخلت جانت اول حصه عربي عدنه واجب واني مكمله كلشيء دخلت علينه المدرسه فتشت ع الواجب واخذتنه درس لحد مدك الجرس.............. خلص يوم الخميس واني رجعت للبيت دخلت اتلكتني امي وبوستها ودخلت للغرفه بدلت وغسلت وصليت وطلعت يم امي شوي واجت غدير تركض فرحانه
غدير: احزرن شكد اخذت برياضيات
- شكد؟
- 98 ولج ممصدكهه
علياء: اي بعد امج عفيه عليج سباعيه
فاطمه: ابد مو خوش درجه امداج
غدير: يااا لعد شتردين بعد بمكان مدكليلي عفيه
- اريد 100 افتهمتي
- نمونه ع درجتين
- اي خوش بس بعد لتجين اذا مو 100... برطمت وراحت لغرفتها عرفتها ضاجت
علياء: ولج شبيج كسرتي واهسهاا المهم ناجحه وممقصره ترجاتها زينه ولا فد يوم اجت وكلتيلها عفيه
-يمه علمودها حته تتقوه شفتي شلون المدرسات يحبنها لأن شاطره اريد اقوه واقوه علمودها.. بست امي.. يله راح اصالحهاا ما اتحمل زعلهاا محاسن
علياء: بعد امجن الله يخليجن
- رحت لغرفه غدير فتحت الباب نايمه ع وجها وتناشغ رحت شبكتها وضحكت... ولج شنو هلدموع اشاقه وياج عفيه عليج سباعيه بس اريد اعلى
غدير: كلام متقطع. كسرتي واهسي چا شتردين اجيبلج كلشي وكلتي لا لا موخوش
-غير اريدج تتقوين.... بست خدها كتلها ولجج صايرتلج خديداتت
