مختلفه كارقام النرد

الفصل الاول

#مختلفه_كارقام_النرد

تنبيه ‼️روايتي لا احلل بنشرها باي برنامجج كامله~♡

لا تنسو التصويت والتعليق بين الفقرات
واهم شي رأيكم بيها 🥀

____________________

-"‏قنوعة بـِ كُل شي إلا في تقديري لذاتي،ما تليق فيني الهوامش وأنا عنوان واضح".

__________________
.
.
.
.
في احدى محافظات العراق وبالتحديد في محافظه كربلاء

فتحت عيوني بانزعاج وبلشت افرك بيهن واني اكوم مثل العاده شفت الوقت لسه من وكت حاسه عقلـي تبرمج يكعد ويه الديــج

هسه عرفــنه الديج دايح وميستحي يصيح الصبح اني ليش اكعد مدا افتهم
لميت شعري المكفش چني طالعه من مستشفى المجانين واني اتثاوب شديته كعكايه ليفوك حتى قراصه
ماكو يمي رحت للهول لكيت محد موجود طبعا الكل نايم قابل مثل حضي
بحيث البيت كلش هادئ اذا وكعت ابره تنسمع

بسرعه جبت المكناسه وبلشت عادتي الروتينيه وهيه التنظيف
كملت كنس رجعت امسح المكان ومن مكان لمكان فد ساعه كملت كل شغلي باوعت للبيت برضا شلون يلمع ونظيف رحت

غسلت ايدي ووجهي حطيت ماسك على وجهي وكعدت بالغرفه صافنه على الحايط والحايط صافن عليه وبلش عقلي الحباب يوديني للذكريات الاريد انساهن

صفنت صفنه ابو صابر صدك اليكولون الاشياء التريد تنساها هيه اكثر الاشياء الحتذكرها تنهدت بتعب

واطرد هالافكار من راسي وما اسمع الا صوت امي يصيحني

_ روان روااااان

_هاا يمه

_ تعالي بسرعه ساعديني

_ جايه جايه

طلعت من الغرفه اركض لكيتها بالمطبخ كاعده بالكاع وداير مدايرها غراض من سلگ وطماطه وحشوه.... اي باختصار غراض الدولمه

_ ها يمه صحتيني

_ اي تعالي ساعديني

باوعتلها باستغراب شفت الساعه يلي على الحايط تشير ب12 وثلث هسه

_مو بعد وكت على شغلها؟

_ مو رايحه لخالتج شي ساعتين وما نلحك من ارجع اسويها فخلي نكملها وقبل الفطور بساعتين هيج نحميها يلا تعالي وياي

تربعت بالكاع وبلشت اشتغل وياها وهيه بلشت اسئلتها المعتاده

_ شلونه السادس وياج؟؟ تواجهين صعوبه بماده؟؟ دا تقرين؟؟ وين وصلتي؟؟ بعد شكد وامتحاناتكم؟؟ ... الخ

واني اجاوب وهيه ترجع تسال لحد ما خلصنه الدولمه واني لكيتها حجه يا الله بسرعه غسلت ايدي وشردت للغرفه بحجه عندي قرايه