ملاك في ارض مصاصين الدماء♧2♧

💠الجزء التاني💠

(ملاك في أرض مصاصين الدماء الجزء الثاني)
(الحلقة الثانية)

كلهم بببصه لبعض وبتروح أنديانا ناحية بحيره من البحيرات على شكل دايرة وبتبتسم وبتقول:الكوخ تحت البحيره دي

بيروحه ناحيته وبيحرك يوجين البحيره بـ إيديه وبتترفع بالمياه اللي فيها والبط اللي فيها وبيكتشفه باب سري تحتها

الكل بيبص لبعض بإندهاش مره تانيه بيروح دانييل ناحية الباس السري بفضول وبيبص ليه يوجين بمعنى انه مش عايز يعمل حاجة قدام البنات

بيتكلم دانييل وبيقول:ماشي يا حلوه متشكر جدآ على مساعدتك

أنديانا بحده:مش هنمشي زي ما بدأنا سوا تنتهي سوا

دانييل بيبص لـ يوجين بقلة حيلة ومبيكونش حاجة في إيديهم يعملوها وبيضطر انه يسيبهم يكمله معاه للأخر

بيروح يوجين ناحية الباب بيحاول يفتحه لكن مش بيعرف
بيلفت نظره مكان خرزه صغيره مفقوده في الباب بيبص على رقبته وبيطله خرزه حمرا من السلسله وبيحطها مكان الفراغ في الباب وفجأه الباب بيتفتح

الفضول بيثير الكل وبيدخله كلهم وقبل ما يتحركه بيتكلم يوجين وبيقول:طريقنا جوه مجهول لو حد فيكم خايف ميدخلش احسن

محدش بيرد عليه وبيكمله مشي في طريق الباب بيكون طريق طويل عباره عن جسر حواليه حيطان شكلها فرعوني شوية ، اكتر من ربع ساعة ماشيين بيستكشفو المكان

بيقطع الملل ده دانييل:قوليلي بقى يا بطه عندك كام سنه

إيلي بذهول:بطه انا بطه !

دانييل بمكر:ومالها البطه

إيلي:اسمي إيلي مش بطه كلامي واضح؟

دانييل:احسن ناس

بيقطع كلامهم نهاية الطريق بيكون مكان فوضوي تراب في كل مكان وخيط العنكبوت في اغلبية الامكان وكتب كتير فوق بعض وتعويزات وتركيبات وازيز فيها ترياق

دانييل:بص هناك

بيقولها وبيشاور على هيكل عظمي لحد ، كلهم بيروحه ناحيته وبيشمه يوجين وبيقول:ده الساحر

إيلي:معقوله مات لوحده !

يوجين:مش عارف بس الهيكل ده بقاله كتير سنين ده ميت من سنين ومحدش حس بيه

أنديانا:على كل حال انت ليك السلسله خد السلسله ونمشي

دانييل:بس من الواضح كدا إن مفيش حد يعرف المكان ده وإلا مكنش هيكون فوضوي كدا أو على الأقل كانه اكتشفه موته

إيلي:اكيد كان وحيد معندوش حد قريب منه

بيبص يوجين على المكان بتفحص وبيقول:هنرجع مفيش حاجه هنا سليمه التراب والصدا بوظ كل حاجه