هل انا حبيته عشان جمالـه؟
___________________________________
بيت كارلوس 7:31 am
رن المنبه عند لويس وقام بكل نشاط وحماس لأنه بيرجع للمدرسة وكان منتظر هذي اللحظة بفارغ الصبر..
شال نفسه وراح للحمام فرّش اسنانه واخذله شور سريع،
كان محتار وش يلبس بالنهاية لبس شورت سماوي وبلوفر اسود وجزمة لونها ابيض..
رش من عطره الي يحبه ويخلي ريحته مميزه بين الكل، راح للمطبخ يبي يسويله فطور..
دخل المطبخ واكتشف بعد فتره إن كارلوس مو موجود استغرب لأنه مو من عوايده، لويس توتّر شوي بس قرر يروح غرفته او يدوّر عليه وينه
طلع فوق طق باب غرفة كارلوس ما سمع رد فَـ فتح الباب بهدوء والقى نظرة سريعه وكارلوس ما كان موجود، توقع انه بالحمام
قرّب من الباب وحط اذنه يبي يسمع لو في اي صوت يطمنه بوجود كارلوس حولينه..
بس ما كان في اي صوت، وفتح الباب وفعلًا ما كان موجود
وقتها حس لويس بخوف ياكل قلبه، قعد يلف ويركض بالبيت بجنون يدور عليه ويصارخ بإسمه
بعدها هدأ لما تذكّر انه يقدر يتصل عليه.. اخذ جواله سريع واتصل على كارلوس،، يستنى ع احر من جمر بس ما كان يرد عليه
زاد قلقه وخوفه ودموعه بدت تنزل لا اراديّا منه ويشاهق بصوت عالي
____
بينما كارلوس الي كان بالسوبرماركت يشتريله باكِت دخان وفطور له ولأخوه.. شاف ان لويس يتصل عليه ما رد لأنه راجعله بعد شوي..
لما رجع فتح باب بيته بالمفتاح،
سمع لويس الصوت خاف وقلبه بدا يدق بسرعه كان يحسبه شخص غريب بحُكم ان كارلوس ما رد عليه..
جرى لورا الستارة الي معلقة على شباك الصاله الكبير،، وتخبى هناك
حاول يكتم صوته بس كانت شهقاته تعلى اكثر واكثر لما يسمع صوت الخطوات تقرّب منه او تبعد..
كارلوس بصوت عالي: لويس صاحي؟
لويس شعر بالأمان وما حس بنفسه لما جرى وحضن كارلوس بقوة ويقول بين شهقاته: كـ. ـارلو..س وين كـ ـنت انـ.ـا مره خايف
انصدم كارلوس من شكل لويس وانفه الاحمر من كثر ما بكى وكيف متمسك فيه وحاضنه بكل قوته كأنه كان خايف .. هو ما ينكر ان شكله كان يجننه وعاجبه
دفه كارلوس بعنف وقال بحده: مين سمحلك تحضني؟
لويس بعيون دامعه يمسّحها بيده: انا..
