-هلو
«سلالة الشيطان»
"بقلم... الدليميه"
''''''''''''''''''''''''
أقترب مِن اللَّه في كُل وقت وحين ، في ضعفك وعجزك وحزنك وبؤسك ، في فرحك وترحك ، مَن طَرق بابه ما خابّ أبدًا ، كُل دعاء تدعوه إلى اللَّه بكُل حُبّ تَلقى ثِماره غدًا وردًا وزهرًا ، أو ليس اللَّه بكُل شيء مُطلعٌ عليك وعَليمٌ بحالك إذًا لا تيأس .
''''''''''''''''''''''''
اطياف.... نزلنه نركض كعدت على الدرج من شفت خواته بيناتهن صايرات مالخ ويصيحن ويبجن
راحلهن ضربهن راشديات ودفعهن من الهبطه ما كدرت اكوم ضل يرزل بيهن شوي واجه شالني وردنه للغرفه
كلبي وكف لبالي عمه بيها شي
... حته اني والله لبالي امي وعتاب بيهم شي
اطياف.... وره يومين اخواتي خابرني عد اهلي كللي تعاي ما رحت بس متت من البجي شكد مشتاقتلهن اجه بليل شافني ابجي تخبل يريد ياخذني واني قافله اجه علوش عليه ما رحت ولا طلعت بس ابجي تمر الايام اهلي نهائي ما وصلتهم طردت ابوي الي تدك بكلبي نسوان اخوتي يضحكن متشمتات بيه لين طردني
اتطمن عليهم من علي وفاطمه عمتي بكد ما تلح على عتاب تمرضت وصارت طريحت فراش نوب كمت اني وام محمد للبيت وميان... وذني يوكفن ويتامرن يشكني شك بتصرفاتهن
هاجر... اني مااكدر اكل خبز الخباز اعجنن واخبزن
... باوعتلها تردين فلحي ذراعج واعجني واخبزي كلها جاي تاكله الخبز هاذه عجني شويه بس الج
هاجر... لا انتي اعجني اني ما اعرف انتي معيدين تعرفين
... اول شي اكلي نعل ثاني شي اني مو معيديه وشفايتلي لو معيديه عاد عندي حلال ومال
ثالث شي اذا اهلج نطوج خبز وما ربوج اني اربيج بلاش من تحجين احجي بحترام اني مو خدامه عندج تريدين تصيرين حيه تاكلي نعلللل وتطبين الغرفتج
اشو هاي نجلبت بعد هيه بدت بيها وضربتني اسكتلها مثلا تضرب واضربها ولني ثنينهن لزمتهن من شعرهن ولطخت راس براس جبت الجفجير والله عوجته على ضهورهن
لحد ما نشلت من بينهن لتفتت دفعت ايده
محمد .. عود هاي انتي الجبيره شبيج
... دفعته خازرته وهنه يبجن غسلت واخذت ابني وصعدت ليفوك قفلت الباب حدما اجه دك الباب كمت فتحهتا ورديت كعدت بمكاني
ابو الجيز... ليش ضاربتهن
... باوعتله مشوار بدون حجي روحي واصله بطرف خشمي سحب نفس رخن ملامح وجها حجه بهدوء
ابو الجيز... شبيج احجي ليش متعاركه
... هيه ما متادبه ما حاجيتها اني شي
