-هلو
«سلالة الشيطان»
"بقلم... الدليميه"
''''''''''''''''''''''''
أقترب مِن اللَّه في كُل وقت وحين ، في ضعفك وعجزك وحزنك وبؤسك ، في فرحك وترحك ، مَن طَرق بابه ما خابّ أبدًا ، كُل دعاء تدعوه إلى اللَّه بكُل حُبّ تَلقى ثِماره غدًا وردًا وزهرًا ، أو ليس اللَّه بكُل شيء مُطلعٌ عليك وعَليمٌ بحالك إذًا لا تيأس .
''''''''''''''''''''''''
لمن تكلي انتهينه وتمشي عادي
انت متقبل طريقه ابتزازي .؟
انت عادي تنام ليلك .!
وانه عادي عليك اضوج .؟
انت ماتسوه انزعاجي
جنت من وتشكيلي اهيم
وابدي ادور عن حلول
ازعج الناس بطريقه
منطوي وكلي فضول
حتى شعرك من تكصه
ابدي الومن روحي عنك
وتنزعج تزعل عليه
وابدي ابرر عن فعلتي
والله حلو عليك طالع
رغم مدز حتى صوره
جنت بخيالك اباوع
ــــــــــــــــــــــــــــــــــــــــــــــــــــــــــــــــــــــــــــــ
اطياف... صوت البزازين يم الباب من الخوف طبيت للحمام ابجي فتحت المبايل اتصلت شكد يدك بس ميشيله
كتبت ودموعي تدير
عناد حباب تعال ليه اخاف وحدي
بداعت بتك تعال والله اخاف مو تدري اخاف اضل وحدي زين بس خلي بتك يمي تجي حباب راح اموت والله
دزيتها وطلعت امنت من سمعتهن بزازين رحت نمت من الخوف راسي ضل يوجعني
طرب... خلص المسواك كلشي جنت ضامته خلص شهر كامل اني مخلصتها خبز بل دهن وشكر
اكل اني وابني مل منها حسوني اكله تعال اكل يزعل يروح وره الصناديك يضل يبجي ويصيح نوعان
اكابله واضل ابجي جا شنطي ماعندي شي
بيوما صام النهار كله ما كله لكمه بس يبجي متعود لحد مينام هوه ياكل وهل شهر عتاب ما هوه. فجاه راح كل الدلال منه رحت حاولت بل قفل لمن مات حيلي والله متت من اشوف دموع حسين اموت
اخذته اقنع بي اريده ياكل ما قبل كمت عجنت شويه وخمرتهن خبزتهن عندي تنور غاز وقنينه خبزت ثنين ورحت للقوري ضفت مي وخليته على الطباخ فار لمن الدنيه كلتله بس وحته لون ما بي حيل خفيف بكد ما حاميته سويتله خبز وجاي بس ضاكهن طلعهن من حلكه شمرهن بوجهي وبجه
حباب يلا هاي نمنم تعال اكل طيبه يدردم مفهومه بس بت الكوا* منهن
هوه لوما ك** ما عافني بيد الغربه اتلوع
بعدين ضليت ابجي لين حجيت على بابا
اطياف... الخوف البيه مينوصف
يوميه اموت الف موته من الخوف شكد اراسله ابد ميرد ولا يشوفهن بس يوصلن اله
