(٢)
لقاء بعد غياب
بعد مرور عامين 2024 ...
- بابا أنا عايزه أفهم إزاي ترضى بحاجه زي كده؟!
قالت هذه الكلمات مارينا بكل غضب فإنها لم تستطع أن تسامح والدها بعد أن كان سبباً في وفاة والد حبيبها وعزيزها يوناثان فإستدار إليها والدها عماد ثم جلس على المكتب وتحدث قائلاً :
- يعني مش هنخلص يا مارينا بقالنا سنتين بنتكلم في نفس الموضوع قولتلك أمك كانت تعبانه ومحتاجه للفلوس دي وقتها وأنا عملت كده عشان أمك !!
ردت مارينا بغضب أكثر قائلة :
- ما خلاص ماتت ماما يا بابا بقالها سنه قولي بقى هل الفلوس عيشتها؟!
رد والد مارينا بعد أن تنهد قائلاً :
- يعني إنتِ بقى زعلانه على ماما فعلاً ولا عشان الواد اللي كنتِ بتحبيه في الكلية معاكِ ده ؟!!
ردت بسرعة قائلة :
- يوناثان... إسمه يوناثان يا بابا!!
أراد والدها أن يتحدث مره أخرى لكنها قاطعت حديثه قائله بصوت ممتلئ بالحزن والحسره :
- بابا إنت عارف إنك أكتر حد في الدنيا بحبه بس عمري ما هسامحك على الموضوع ده لآخر يوم في عمري قولتك خلينا نعيش زي الناس وتبعد عن الشغل ده نهايته مش خير بس إنت بردو مصمم عليه.. أتمنى متندمش في النهاية يا بابا!!
نهض والد مارينا من على المكتب بعد أنا شاهدها تنهار أمامه ولكنها أشارت له بيدها بأن يتوقف ثم خرجت إلى خارج غرفة المكتب لتسمح دموعها ثم استمعت إلى صوت يقول بسخرية :
- إيه تاني نفس الموضوع ونفس الواد اللي كنتِ بتحبيه ده صح؟! ... يابنتي ده واحد حبتيه كام يوم في الجامعة ومشي واختفى بقاله سنتين محدش يعرف عنه حاجه فوقي كده لنفسك بقى؟!
نظرت له مارينا فقد كان أخاها "ديميت" فردت عليه بسخرية قائله :
- كام يوم؟! صحيح ثلث سنين بالنسبالك كام يوم ...
ثم اقتربت منه مُكمله حديثها قائلة :
- إنت صعبان عليا أوي بجد يا ديميت عمرك ما عرفت يعني إيه حب.. بس عارف مين صعبان عليا أكتر بجد ... مراتك ربنا يكون في عونها منك!!
وحين كانت ذاهبه مارينا أوقفها ديميت قائلاً :
- إيه على فين مخلصناش كلام على فكره؟!!
ردت مارينا بسخرية مره أخرى قائله :
- عارف بيقولوا الوقت مهم ليه؟!
ضحك قائلاً :
- لا مش عارف الصراحة!!
ردت عليه بكل استهزاء قائله :
- مش مهم عشان إنت مش مهم يا ديميت!!!
أنت تقرأ
نَحنُ عِقاب بَعضُنا
Actionتحكي الرواية ماضٍ وحاضر ومستقبل شخصين "يوناثان يوسف الزين" و "مارينا عماد حرب" حيث أن الأحداث مقتبسة عن قصة حقيقية ومع الأسف لا يوجد مقدمة لكن يمكنك من الآن أن تتخذ قرارك بأن تبدأ هذه الرحلة معنا أو لا؛ لأنه قد إستغرق وقوعهما في حب بعضهم البعض أقل م...
