نبدا روايتنا في اجمل منطقه فالعين ( زاخر ) يوم السبت الصبح بتوقيت مدينه العين 10:30
الأم سلمى : نيالي يلا حبيبتي قومي جهزي اغراضج بنسير بوظبي
نيلا : مافيه بس برقد خمس دقايق و عقب بقوم وعي نايل و نايف قبل عقب وعينيه
الأم سلمى : الله يهديج يا بنتيه عندج بس خمس دقايق ياويلج ان ما قمتي
توجهت الأم صوب حجره نايل و نايف و دقت الباب و دخلت و انصدمت من منظر الحجره الملابس مفروره ف كل صوب و الحجره فوضى
الأم سلمى : نايل و نايف يلا قومو ورانا درب لين بوظبي
نايل و نايف لا حياه لمن تنادي ف سابع نومه
الأم سلمى بتهديد : ان ما قمتو الحين بزقر أبوكم
نايل فز و قعد بصوت مليان رقاد : لا السموحه اميه الحين بنقوم
نايل و هو يوعي نايف : نايف قوم اميه بتزقر بويه قم
نايف بعده راقد و ماشي فايده
الأم سلمى : حمد يا حمد تعال شوف عيالك مب طايعين يقومون
جان يفز نايف يربع الحمام ( الله يكرمكم )
ضحكو عليه امه و نايل
نايل : ههههههه والله ما يفيد وياه إلا جي
الأم سلمى : يلا قوم تجهر و قول لخوك يتجهز بنسير بوظبي وراكم مدرسه و أبوكم عنده دوام يلا
نايل : ان شاءالله اميه أوامر ثانيه
الأم سلمى : هيه سير حجره نيالي قومها تجهز أغراضها
نايل : ان شاءالله من عيونيه
الأم سلمى و هي طالعه برا الحجره : فديتهن
راح نايل يوعي نيلا ، دق الباب ما ردت عليه قرر انه يدخل
نايل بصوت هادي : نيالي فديت روحج قومي جهزي شنطتج بنروح بوظبي
نيلا بتعب : نايل مافيه اقوم متعايزه
نايل : ماعليه بنروح انا وياج و نايف ف سياره بروحنا و رقدي ف الدرب
نيلا استسلمت : خلاص اوكيه اصلا طار عنيه الرقاد
نايل بمزح : يلا عيل انا بروح اتسبح بي اشوفج ياويلج ان ما تجهزتي ههههههه
نيلا و هي تضحك : ان شاءالله
قامت نيلا تتسبح و تجهز أغراضها
نيلا : انا وين حطيت الشنطه
و تطلع نيلا من حجرتها تزقر خدامتهم : حليمه وينج تعالي فوق
خدامتهم حليمه : اوكيه ويت الحين بيجي
نيلا : اترياج
بعد دقايق يت حلميه
حلميه : نعم حبيبتي نيالي شو تريدين
نيلا : حلميه وين شنطتيه بنروح بوظبي
حليمه : انا حطيتها ف الغرفه الي تحت
نيلا : يبيها و تعالي ساعدينيه ارتب اغراضيه و يبي لبس المدرسه لا تنسين ماليه انا و نايل و نايف
حلميه : جهزت ملابس المدرسه حطيتهم تحت
نيلا : خلاص اوكيه يبي الشنطه و تعالي
حلميه : تمام
يابت حلميه الشنطه و قاعده تجهز أغراض نيلا
نيلا واقفه عند الكبت بحيره : حلميه تحسين اي مخوره اخذ عنديه ف بوظبي بس ابا اخذ ثنتين زياده
حلميه : هاذي لونها وردي حلوه و خذي بعد هاذي لونها كحلي
نيلا : اوكيه اقولج حلميه في ثلاث هوديات ف كبت نايل و نايف مالتيه يبيهن و تعالي
حلميه : اوكيه
ف حجره نايل و نايف
نايف : نايل شامس رمسك
نايل : هيه امس مرمسنيه ليش
نايف : قوله نبا نكون كلنا ف نفس الصف و نيالي ويانا خله يرمس عمه يسويلنا واسطه هههههههه
نايل : هههههه ويت الحين بشوفه
جان يدق باب حجرتهم
نايف : منو
حلميه : انا حليمه
نايل : دخلي حلميه
نايف : امري حليمه شو تبين
حلميه : نيالي تريد هوديات مالتها داخل كبت مالكم
نايل و هو يضحك : هههههه شوفيهن فالكبت
حليمه شلت الهوديات و راحت عند نيلا
نيلا : حليمه شوفي شنطه المكياج مالتيه على التواليت حطيها ف الشنطه و سكريها و نزليها تحت
حلميه : اوكيه حبيبتي نيالي
نزل حلميه و شلت وياها الشنطه
راحت نيلا حجره اخوانها
نيلا : هاييي علومكم شو مسوين
نايف : هلا و غلا باحلى اخت ف الدنيا
نايل راح يحضنها : مرحبا بختيه منوره الحجره
نايف : خوز عن ختيه اغار
نايل : لا والله تراها ختيه بعد
نيلا و هي تضحك: هههههه خلاص اختكم كلكم
نايف : يلا نايل دق لشامس
نايل : اوه نسيت وين تلفونيه
نايف : شفته من قبل شوي صوب طاوله البي سي
راح نايل و لقى تلفونه و دق لشامس
نايل : هلا والله
شامس : مرحبا مليون ولا يسدن فذمتيه
نايل : ههههههه علومك شو مسوي
شامس : والله الحمدلله شحالك انته و شحال نايف
نايل : الحمدلله كلنا بخير و سلامه
شامس : دوم ان شاءالله امر الغالي شو بغيت
نايل : ما يامر عليك عدو ، داق أقولك شوف عمك جان بيسولنا واسطه يحطنا كلنا ف نفس الصف ههههههه
شامس : جي السالفه عيل هههههه ، خلاص عيل برمسه انا و بردلك خبر
نيلا : قوله ابا ودوم فيانا
شامس سمعها : يالهرم حاطنيه سبيكر
نايل بوهقه : هههه شوفيك عادي سمعتها شو قالت
شامس : خلاص ان شاء الله برمسه ، انزين ما قلت متى بتون الوثبه الحاره مظلمه بدونكم
نايل : اونه ههههههه
نايف : اليوم ان شاءالله ياين
شامس : هلا والله شحالك نواف علومك
نايف : اسميه نايف يا خويه نايف
شامس : ادلعك ادلعك ههههه انزين نترياكم اليوم
نايل و نايف : ان شاءالله
شامس : نايل طرشليه أسم ربيعه نيلا عشان ارمس عميه
نايل : تمام يلا عيل نتلاقى ف الوثبه
شامس : يلا مع السلامه الله يحفظكم و توصلون بسلامه ان شاءالله
نايل : فداعه الله
بند عنهم شامس
نايل : شفيكم ساكتين
نيلا : ماشي خلصتو أغراضكم
نايل و نايف : هيه
نيلا : انزين شو نسوي الحين باقي وقت لين نسير بوظبي
نايف شرايكم نسير ستاربكس الي صوب حديقه الحيوانات عقب نروح رمله زاخر نقعد شوي
نايل و نيلا : تم تم تم
نايف : يلا عيل
نيلا : انزين يوم نروح الرمله ابا اسوق
نايل : من عيونيه كم نيالي عندنا
نيلا بدلع : وحده طبعا
نايل و نايف يضحكون
نايل : نايف بتشل سيارتك الوثبه ولا
نايف : احس بشلها و بخليها هناك
نيلا : يلا مب وقت نقاشاتكم بنسير بسيارتيه طبعا
نايل : الله تعرفين يا ختيه انج غير عن البنات
نيلا بكل ثقه : اكيد طبعا
نايف : بنيه و عندها فتك هههه
نيلا : شو فيها انزين محلا سيارتيه
نايل و هو يضحك : هههههه يلا ركبو بس انا بسوق
نيلا تفر له المفتاح : تم يلا
نايل : تمت افراحج
نايف : يلا ركبو شو تتريون
ركبو السياره رايحين ستاربكس
ف السياره
نيلا : شو الأغاني الي تبونيه احطهن
نايف : على ذوقج
نيلا : تمام بحط ميحد
نايل : الله على ذوقجج
نايف : خطيره ختيه
نيلا : افا عليكم
فجاه كلهم سكتو ما ينسمع غير صوت ميحد حمد يقول :
