زهراء...
مرت الايام واني جنت حيل مشغوله بدراستي خصوصا عندي امتحانات
وسيف جان اول داعم الي ويشجعني
اخر يوم امتحان جان عيد ميلاد وحده من صديقاتي الصراحه
هاي صديقتي من عائلة كلش غنيه والمدرسات يعرفن اهلها
ف صديقتي عزمتني اني وباقي صديقاتي
_ بنات باجر عيد ميلادي راح اسوي حفله
واريدجن تجن
زهراء: ماكدر اجي
_لا فدوه فدوه والله محد راح يكون موجود بس انتن
زهراء: تمام
رجعت ع البيت واخذت رأي بابا وماما كالو روحي حبيبتي
كلش فرحت اتصلت بسيف
زهراء: الوو سيف
سيف: يا روح سيف يبعد اهلي وعشيرتي
شلونج شخبارج مشتاقلج
زهراء: صرت بخير من سمعت صوتك
انتَ شلونك
سيف: الحمدلله بخير دامج انتي بخير
زهراء: اگلك سيف
سيف: كولي يابعد سيف
زهراء:احتمال اروح عيد ميلاد صديقتي
سيف: مترحين
زهراء:لا فدوه سيف خطيه البنيه اصرت اروح ليه
فدوه وافق
سيف:تمام روحي
زهراء:سديت الاتصال
صارت الساعه 8 بليل
خابرتني صديقتي
_ يلا وينج بدن كلهن يجن
زهراء: نص ساعه اني يمج
لبست فستان وكعب وحطيت مكياج خفيف وطلعت لكيت سيف كاعد ب الصاله يم بابا
وعمتي ام سيف گاعده
: السلام عليكم ردو
الكل: وعليكم السلام
ام سيف:شنو هذا الجمال وين رايحه اليوم؟
زهراء: عيد ميلاد صديقتي عازمتني
ام سيف: منو يوديج؟
ابو زهراء: اني اوديها
ام سيف: لا يخوي انت تعبان تجي تعبان
تريد ترتاح وهسه تطلع بالسياره
كوم يمه سيوفي كوم وديها وخليها تاخذ مبايلها يمتى ما تريد تجي
تتصل بيك تروح تاخذها
سيف: صار
زهراء: حسيت امي ضاجت من سمعت سيف يوصلني
ام زهراء: سيف هم تعبان لعد وحد
لا ابوها يوديها احسن
ابو زهراء: ماكو داعي خالي اني اوديها
زهراء: سيف اصر وفعلا سكت بابا وماما
حسيت عمتي فرحت وحتى
لمن طلعنا تباوع ورانا ودارت وجها وغمزت النا صعدت بالسياره
واني طايره فرح
سيف: شنو هاي صايره تلبسين ع كيفي
لان فعلا لبسي جان محتشم ومكياجي خفيف
أنت تقرأ
تحت صبابه الغبراء
General Fictionتتكلم قصتنا عن بنت تقع في حب ابن عمتها ويحبها !! ويحاول الجميع تفرقتهم لكن هل هذا الحب سيبقى صامد امام الصعوبات؟! شاهدو القصه وتابعو الاحداث #بقلم الكاتبه #روان حميد
