زواج _ثم_نهوه

#زواج-ثم-نهوة

#البارت 1
الام… بشري شلونج بالامتحانات
مريم.. زينه يمه وانشاالله اطلع اعفاء
الام…  بعد امج شدي حيلج واقري زين
مريم… انشالله يمه
الاب… خير ششد حيلهه هيه بس هاي السنه ناجحه راسبه هيه تبطل
مريم…  ليش بويه اني شاطرة واحب دراستي
الاب…  منو من عماتج كملت حتى انتي تكملين
مريم…  بويه عماتي بوكت وهسه احنه بوكت شوف الناس وين وصلت شعليه بيهن
الاب… كافي اسكتي
مريم…  بدموع/ بويه عل اقل اكمل الثالث بس اخذ الشهادة واكعد
الاب…  ماكو كلت بس هاي السنه
مريم…  يمه احجي ليش ساكته
الام…  يمه شبيدي عليج ابوج اذا حجه هاي هيه لو احجي للصبح ميفيد كومي نامي والله كريم
زينب اخت مريم الزغيرة… بويه اني هم تبطلني اذا صرت بگد مريم
الاب…  لايبعد ابوج انتي اريدج دكتوره ارفع راسي بيج
زينب…  فدوة الك اني
الام... بس تباوع على تفرقة الاب بين بناته الاثنين (هسه كلكم تگولون ليش هيج الاب يكره بنته  لان هوة الوحيد الامه صح عندة اخوة بس من ابوه وامه خلفت وياه 9 بنات وجانوا بنفسهم يجيهم ولد ولمن ام مريم طلعت حامل بمريم الاب كره مريم هيه وبطن امها )

مريم…  دخلت للاستقبال وبقيت ابجي لمن تعبت وادري ابويه يريد يبطلني من المدرسه حتى يزوجني ليش يربي ولله بعدني طفله ليش هيجججججج

في مكان آخر

علي…  يمه بس تطلع سنة ابويه نخطب مريم
الام… يا مريم لتگلي بت جاسم
علي..  اي يمه وشبيهه بت جاسم
الام…  تخبلت انته جايبلي وحدة زعطوطة بگد بزرك روح اخذ رجاء بت خالتك احسلك
علي…  لو مريم لو ماكو ولا رجاء ولا غيرها تدرين بيه من جانت عمرها 7 سنوات عيني عليهه واحسبلهه يوم يوم شوكت تكبر هسه تكليلي عوفهه
الام…  احسب احسابك اذا اتزوجت مريم ماالك كعدة ويانه بالبيت تاخذهه وتطلع
علي… هاي هيه يمه الترديه يصير اطلع اطلع واني اليوم احاجي ابوهه واروح اني واخوتي نخطبهه
الام..  بالعافيه عليهه خل تاخذك
علي….  استغفر الله ياربي يمه كافي بروح اهلج….  الووو شلونك ابو حسين خويه اليوم بلكي نروح لبيت جاسم ابو محمد شنو خير خويه انته مو تدري اريد بته وامي متقبل تروح بعد حيلي خويه هاي هيه اروحله العصر واكله بليل نروحلهم الله وياك

الام…  راح تكسر حجايتي وتروح مو
علي…  يمه صار 6 سنوات تدرين عيني عليهه من جانت طفله تدري بيه اريدهه هسه تكليلي عوفهه بدال متدعين لربج ابوهه يطيهه
الام..   ليش مينطيهه وين يلكون مثلك شو عز ودلال ومخلص دراسه وجمال شيردون بعد وبيت وحدهه
علي…  اترخص يمه

علي...  ها خويه خابرت جاسم وكتله بليل يمك
احمد ابو حسين اخ علي الچبير…  يبعد اخوك انشالله كل خير
علي…  خويه امي تعبتني ماراضيه وبس تحجي عليهم
احمد…  عوفهه خويه يومين وتسكت
علي…  هوة هم هيج

الاب….  محمد حضروا چاي راح يجون بيت ابو احمد
محمد…  خير بويه شعدهم
الاب..   كل خير بويه
الام… اول تالي ذاكرينه اليوم
مريم..   حسيت اكو شي غريب بالسالفه