زواج _ثم_نهوه

#زواج-ثم-نهوة

#البارت 4
علي…  دخلنه للقاعه صح فرحان ومبتسم بس جان بنفسي امي تتلگاني واطش جكليت وتهلهل واشوف فرحتها اليه بس للأسف اباوع عليهه كاعدة حالهه حال المعازيم طنشت الوضع وبقيت مستمر بكعدتي ومريومه نستني الدنيا والبيها…  شطالعه اليوم بويه

مريم…  حلوة ؟
علي…  قليلة هلي الكلمة
مريم..  شكرا عيونك الحلوة
علي…  يلا راح اطلع ب6 تجي الزفه ونطلع
مريم…  ماشي..  طلع علي واجن خالاتي وبنات خالي سلمن عليه ورجعن بس اباوع اهل علي محد تقرب منهم ولا ركص بس اخته زينب

الام…  مريم وين عباتج
مريم…  بسيارة علي بقت وكال ب6 نجي
الام…  خوش
ام علي…  عمت عينهه شگدوتهه خلته يعبدهه الله اليعلم شسوتله

ام رجاء خالة علي…  ختولي خيتي طفله وماراح تعرف تتصرف وياه شهر شهرين يجزع ويشمرهه على امهه
رجاء…  حضوض الزعاطيط الزرگان كاعد قابل مثل حضي
ام علي…  ولله اله اجيبج شريچه عليهه واكسر خشمهه هيه وامهه
رجاء..   صدك خاله يعني اكو امل اتزوج علي
ام علي…  اكيد شبيج انتي تخبلت اخليه يبقى عليهه
رجاء…  فدواتج اني خاله

(بمرور الوقت راح تعرفون رجاء شنو دورهه بالقصه)
علي…  خلصت الحفله مالتي وخابرت على زينب .. يلا خويه تحضروا اجينه

زينب…  ايي يروحي مخلصين كلشي
علي…  يلا خوش…  طلعنه للقاعه اني واخوتي واصدقائي  واقاربي هواي سيارات نزلت دخلت اني واخوتي وعمي للقاعه هاي عادات اهلنه لازم رجال جبير يطلع العروس

مريم…  اجتني زينب كالت وصلوا يلا لبسي اختنكت ردت ابجي بس سكتت خايفه متوترة ماادري شراح يصير والي مخوفني اكثر بيت وحدي دخل علي واسمع الهوسات وصوت زلم بس ماشفت احد لان لابسه عباه اسلاميه ونازله على وجهي. اخذوني وصعدنه بالسيارات..  وبلشت الاغاني وهوسات الشباب

علي…  طلعنه وصارت الزفه حيل حلوة وجماعتي فرحانين ويهوسون ويرمون لمن وصلنه للبيت …  طبعا مارحت فندق لان بيتي وحدي ميحتاج فندق 

مريم… وصلنه للبيت وهوة دخلني للصاله وطلع العشه بالشارع ناصبين چوادر وهوسه زلم صايرة كعدت والنسوان كامت تصلي وبعدها صبولهن عشه خلصن وبدت الاغاني وكلهه تركص وتهوس

الام…  مريم الجنطة خليتهه بغرفتج بيهه غراض الج وعشاكم انتي وعلي يبعد امج ديري بالج على رجلج وبيتج وصيري ثكيله لو شما يصير التزمي السكوت
مريم.. امي خوفتني بحچيهه بس سكتت…  ايي يمه صار

زينب .. يلا مريم كومي نوديج للغرفه راح يزفون علي والناس هم راح تروح

مريم…  ايي ماشي….  كمت واني رجل اطگ برجل طبيت للغرفه كلش حلوة جانت جبيرة كلش واثاثها جان ابيض وماروني وبيهه على جهه قنفات لان مساحة الغرفه جبيرة وبيهه مجال بعد كعدت ع قنفه وعيوني تتجول بالغرفه ضليت وحدي تعبت كلش

علي…  صبوا العشه واتعشت العالم باركولي وبدت الناس تروح شويه شويه لمن بقيت بس اني واخوتي بالاستقبال

حسين..  ها عليوي ماالك نيه اطب للبيت مو المرة كلبهه مفحط عليك هسه

علي..  انجب لك شو متعرف تحجي
حسين…  ياخويه غير مبين عليك تريد تدخل بس تستحي من عدنه ههههههههههه
علي…  كوة كاتم ضحكته اني اعلمك حسونة
احمد…  يلا عليوي بويه كوم نزفك العالم وراحت شوراك بعد
علي..  ايي خويه طبيت للبيت عبارة عن اكل وسفريات وهوسه جهال اخوتي وخواتي

مريم..  راحوا اهلي بعد ماوصتني امي بس كلشي ماافتهمت لان بالي مو يمهه اصلا متشوشه حيل..  دخلوا علي واخوته سمعت صوتهم شويه ودخل علي

علي..  دخلت واشوف مريم كاعدة مثل الصنم ضحكت على كعدتهه وشلون خايفه عبالك فلم رعب گبالهه

تصويتكم💜💜