اتلال اجروحي

بات _2_

الذيبرز:  ليش عمه شنو الصار؟

زينب:  شني حبيبتي اتغشمين نفسج وكولين مصاير شي

من كالت هيج اذكرتالي صار وعيوني انترسن دموع وخفت لا يجي علي الاكبر
ويسع ويسويها مصيبه وصدك طلع وراي وسمع ولتفتت اله اعيوني مليانه ادموع
وحجه ابصوت

علي الاكبر:  ليش عمه هيج تحجين عيب اتذكرين الماضي مؤلم وبلخص لناس اتئذو منه  مو؟ وعيب اطول الساتي وياج لان انتي بعتبار ابعمر امي ولازم احترام
بس هم لازم انتي تحترمين البيت الي دايسته وملازم هيج تحجين مووووو؟

هيه ضلت اتباوع ابحقد علي وعليه ادري بيها مراح تسكت لان مسمومه

زينب:  ونت منو حتى هيج تحجي وياي لو شنو ما اتريد اتغطي عار امك لو تتستر عليه وضحكت ضحكه استهزاء

علي من سمع هيج نطن شرايين العصبيه ورحت اله حتى يسكت لان راي يكلبها عليها
كرز:  علي حبيبي اسكت عنها لان ناس متحترم لازم تحنه نحترم

علي الاكبر:  تمام عمري كرزايه بس لا اتبجين اعيونج لحبهن

طلعنه البره للحديقه وحجيت وياه

كرز:  علاوي تعبت خلي انسافر ماعدي طاقه تعبت انهاريت ما اريد احد ايثكرني بلي صار عفيه اخذني مكدر بعد كلما ايذكروني بلصار اموت الف موته شوف اختنه اصار بيها شوف صارت كلش مجاي تتعالج ويمكن اتئذي احد خايفه عليها مجاي انام لا ليلي ليل ولا نهاري نهار

علي الاكبر:  من عيوني بس صبريلي اسفرجن احلى سفره لان هسه مشغول تعبان خيتي تعبان مكسور من ادنيه كلها ولج كرز كسروني بيجن بويه كرز ماعدي غيرجن وداعت اعيونج لحبهن اسفرجن ونرتاح بس خلي اخلص البيدي لان مهم بس اخلص اعالج در ادري بيها مريضه خايف عليها وعليج مقهور كلش

كرز:  تمام خويه لا تعب نفسك انتاني ونصبر اذا انت ويانه كلشي ميصيرالنه انت سندنه مالنه غيرك يبعد العافيه 

راح علي الاكبر ومبينه بعيونه اتعب ولقهر وكسران ادري مو سهله الي ديصير وياه
بس محد حاس بينه محد ايحس بلوجع غير صاحبه
رجعت المطبخ وسمع المي علياء ولبنات يحجن ومي علياء اترزل بيهن علي سونه بمرت عمي زينب

علياء:  ولجن اشلون هيج اترزلن مره ابكبر امجن ولج لو ابوجن يدري ايعصب منجن

ليلى:  شني تردينه نسكت ها يمه اتهين بختنه ونسكت لا ولله ما اسكت

ارجوان:  اي ولله يمه مو بس انرزلها لا حتى نكسر خشمها الي رافحته على العالم

جوري:  انا ولله فد اموت منها ايعععع مكروها

علياء:  لو حتى يمه ميصير هيج نحجن عليها انا بس الكاسر خاطري كرز يمه سوده عليه هلبنيه ما عاشت نرتاحه سوده عليه