Zawgyi version က Unicode ရဲ႕ေအာက္မွာ ရွိပါတယ္။
■■■
In another universe, Sam and Dean Winchester are in relationship with Castiel.
■
ဧည့်ခန်းမှာ ခေါက်တုံ့ခေါက်ပြန်လမ်းလျှောက်ရင်း အငြိမ်မနေနိုင်ဖြစ်နေတဲ့ Castiel တစ်ယောက် လည်ချောင်းတွေခြောက်လာလို့ မီးဖိုခန်းထဲကရေခဲသေတ္တာဆီသွားပြီး ရေတစ်ဘူးဆွဲထုတ်သောက်နေတုန်း အိမ်ရှေ့မှာကားရပ်သံကြားတာကြောင့် အလျင်အမြန် တံခါးသွားဖွင့်ပေးလိုက်တယ်ဆိုရင်ပဲ
"အ၊ အ... ဖြည်းဖြည်းလုပ်ပါ။ အား... Dean!"
Dean က သူ့နားရွက်တစ်ဖက်ကိုဆွဲပြီးခေါ်လာလို့ Sam ခမျာ အရပ်ကလန်ကလားနဲ့ အိမ်ထဲကို ကိုးရိုးကားယားပါလာတယ်။ ဧည့်ခန်းထဲကိုရောက်တာနဲ့ ကောဇောအပွခင်းထားတဲ့နားမှာ Dean က Sam ရဲ့ဒူးခေါက်ခွက်ကို နောက်ကနေကန်လိုက်လို့ ဒူးတစ်ဖက်ထောက်ကျသွားတဲ့ Sam တစ်ယောက် မတ်တပ်ထရပ်ဖို့ပြင်ပေမဲ့လည်း Dean က လည်ကုပ်ကိုဖိချလိုက်လို့ ပြန်ထိုင်ကျသွားရတယ်။
"အား ဟား... Dean, ငါ ဒူးပြဲထားတယ်။"
"Shut up!"
Castiel က ညီအစ်ကိုနှစ်ယောက်နားကိုရောက်လာပြီး
"Dean ဘာဖြစ်တာလဲ။"
ပြောရင်းက ရှုံ့မဲ့မဲ့နဲ့ဒူးထောက်ထိုင်နေတဲ့ Sam ကိုကြည့်လိုက်တော့
"အိုး... လက်မောင်းဒဏ်ရာက နက်တယ်ထင်တယ်။ Dean လက်လွှတ်စမ်းပါ။ ဆေးအရင်ထည့်ရအောင်။"
သနားကမားရုပ်နဲ့ ခေါင်းတဆတ်ဆတ်ညိတ်ပြတဲ့ Sam ကို Dean က စူးစိုက်ကြည့်လိုက်တော့ Sam ငြိမ်ကျသွားပြန်တယ်။ လက်မောင်းကပြတ်ရှရာအပြင် နှုတ်ခမ်းဘယ်ဘက်ထောင့်နဲ့ လက်ဆစ်တွေလည်း ပေါက်ပြဲလို့။
"ထားလိုက်စမ်းပါ Cas ရာ၊ အသက်နဲ့ဝေးပါတယ်။ လူသတ်မှုတရားခံမဖြစ်တာပဲ ကံကောင်းနေပြီ။"
"ဟင်"
"ဟ"
Dean ရဲ့အပြောကို Castiel က အံ့အားတသင့်တုံ့ပြန်သလို Sam ကလည်း ချက်ချင်းဖြေရှင်းဖို့ပြင်တယ်။
"အဲဒါ ငါတမင်လုပ်တာမဟုတ်ဘူး။ သူ့ဘာသာအရှိန်မထိန်းနိုင်ဘဲ ပြုတ်ကျတာလေ။ လူတော့ရိုက်တတ်ပြီး ဆယ့်နှစ်ပေလောက်ကပြုတ်ကျတာကိုကျ ဇောက်ထိုးမကျအောင်မနေတတ်တာ သူ့အမှားပဲ။ သေလည်းမသေပါဘူး။"
YOU ARE READING
Destiel & Supernatural
ParanormalFacts, Fanfics and Fanships... all about Destiel and Supernatural . 4 stories translated & 4 stories updated ~~~~~~~~~~~~~~ Addiction to SPN ■ https://www.facebook.com/DestielFanPageMyanmar ■■■
